‹
›
return to all results
| DiBe ID | 4144 |
| ACTORS |
|
Issuer(s)
(= author) |
Function/title:
bishop Name: Adalbero II of Chiny Institution/jurisdiction: Liège Diocese: Diocese Liège Principality: Liège Religious order: |
|
Author(s) of the actio juridica (= disposer) |
Function/title:
bishop Name: Adalbero II of Chiny Institution/jurisdiction: Liège Diocese: Diocese Liège Principality: Liège Religious order: |
|
Beneficiary(ies)
(= recipient) |
Function/title:
monastic house Name: Walter I abbot Institution/jurisdiction: Flône Diocese: Diocese Liège Principality: Liège Religious order: Augustinian Canons |
| DATE |
|
Scholarly dating
(preferential) |
//1140 (donnée par document / mentioned in document - ) |
|
Scholarly dating
(any) |
//1140 (donnée par document / mentioned in document - ) Scholarly qualification: - |
|
Date in the charter
|
//1140 |
|
Place-date (in the text) |
Leodii |
|
Place-date (normalised) |
Liège (BELGIQUE, Région Wallonne, Liège)
Diocese: Diocese Liège Principality: Liège |
| SUMMARY AND DESCRIPTION |
| Summary | confirme les possessions et les privilèges de l'abbaye (énumération) |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| In nomine patris et filii et spiritus sancti. Notum sit. Ego Albero dei gratia Leodiensium episcopus sciens boni pastoris nomen nulla rectius uia posse comparari quam statum ęcclesiarum in melius reformando dignum duxi ecclesiam sancti Mathei que est in Flona et nostra est meliorare reformando statum eius nostrę auctoritatis manu studio et discretione. Igitur hęc sunt quę tibi Gualtere abba tuis que successoribus et filiis tuis canonicam uitam professis ad quietam et tranquillam uitam uestram confirmamus in perpetuum. Heinricus Leodiensis episcopus quod ad suam omnium que successorum salutem de loco uestro et ipsius munificentiis tam magnifice celebratis statuit confirmamus et de uerbis quibusdam testamenti eius quę dubia uidebantur iam deinceps non ambigendum sub anathemate interdicimus. locus uester et uilla ab omni prorsus exactione sit libera nec omnino cuiquam ęcclesiasticę seculari ue personę liceat hoc commutare perturbare uel minuere quod ab eodem predecessore meo Heinrico de rebus uestris ęcclesiasticis et secularibus diffinitum legimus et tenemus. locus autem uester est a campo Gezonis usque ad silicem Hugonis in longitudine a uertice autem montis in intus ad leuam cum ab Amanio uenitur duo bonuaria in latitudine. Nemora uestra siluas aquas prata uel pascua utilitatibus uestris uestrorum que quę a quinque predecessoribus meis scimus concessa concedimus et testamenti nostri pagina in posterum profutura confirmamus. Sed et quęcumque ab eisdem predecessoribus meis ęcclesię uestrę collata sunt prompta uoluntate annuimus statuentes ne ulli omnino liceat ea immutare ulla subreptione astutia seu uiolenta peruasione. Quę singulis nominibus annotata exprimimus ut ea secure optineatis atque celebrata frequentius stent et inconuulsa permaneant uallem inter medium montium a ponte Flonę usque ad finem ipsius uallis nullis nostris usibus aptam quam Obertus episcopus tradidit ad quoscumque usus uellent et pię memorię Fredericus reconfirmauit uennam Mosę quam Albero episcopus donauit Arsiz montem a fine usque ad finem eius circum circa quem Alexander episcopus ad ministerium uini missarum deuotissime sancto Matheo obtulit nos quoque ad nostram nostrorum que successorum salutem retradimus et reconfirmamus redonamus et reofferimus ac patris et filii et spiritus sancti auctoritate et apostolico assensu rata esse decernimus. Hęc sunt quę predecessorum meorum ęlemosina uobis peruenerunt et ita statuimus. Quę uero munificentia principum seu nobilium uel aliorum fidelium uobis succedunt eadem caritate prout decet episcopum in nostra protectione pro uestri tuitione pace et tranquillitate suscipimus saluo iure aduocati uestri studentis commodis uestris et utilitatibus. Comes Gislebertus de Ais item que comes Lambertus de Montau uennam quę uestrę participatur et in aquis pratis pascuis et nemoribus suis allodii Clarimontis omnem utilitatem quam uobis pro se suorum que salute contulerunt et Reinardus et Cono filii eorum recognouerunt amplectimur et pro piis eorum studiis traditionis et elemosinę conturbatores perpetuo anathemate dampnamus. De nemore tamen hoc discretum est ut omni tempore et die tres carros in nemus habeant hospitale unum claustrum duos ad siluam quę mortua dicitur. Sciendum uero quod curia uestra de Hotina omnia uiua et mortua ad usus suos de eodem nemore habet. Hunafię sextam partem ęcclesię et uillę cum omnibus usuariis et appenditiis et in eadem uilla comutationem Hadewigis et Philippi filii eius legitima compositione celebratam confirmamus. Iairam Rosut Tilieres possessiones de Wines et de Iest ambarum Herecines ambas ęcclesias medietatem ęcclesię de Bosoit ęcclesiam de Drait Geroldi quoque Sardum quem nouella traditione uobis libere concessimus cum ęcclesia de Erpenz in protectionem nostram suscipimus excommunicantes omnem inquietantem ęcclesiam sancti Mathei ex his uel conturbare molientem. Et ut breuiter concludamus quicquid in possessionibus ęcclesiarum terrarum molendinorum censuum ęcclesia sancti Mathei de Flona iuste et legitime possidet hoc in nostra et omnium successorum meorum et matris ęcclesię firma protectione suscipimus perpetua excommunicatione dampnantes quicumque uos de cetero fraudulenter conturbare presumpserint. Sed et adhuc id tenendum determinamus ut uidelicet tam locus ipse infra constitutos terminos quam habitatores eius omnino liberi sint liberum baptisma habeant tam de lege sinodali quam de iusticia sęculari nec archidiacono nec decano non aduocato alicui nec ministro episcopi nec ulli hominum omnino respondeant nisi abbati soli ipsius loci. Quod si aliquid quod uires suas excedat emerserit de falsitatibus aut furtis et per se terminare non potuerit ad episcopum causam referat ut per eum non per aliquem ministrum uel submissam personam diffiniatur et si aliquid temporalis emolumenti inde prouenerit tercia pars sit episcopi tamquam aduocati reliqua fratrum ipsius loci. XX domos quot modo habetis habeatis imperpetuum. Acta sunt hęc celebre Leodii in conuentu nostro anno incarnationis dominicę M° C° XL° indictione III-a episcopatus uero mei anno VI° regnante Conrado huius nominis II° testibus idoneis archidiaconibus Dodone Alexandro Iohanne de Louirual canonicis Nicholao preposito sancti Dionisii Wazone Petro Heinrico de Laiz Godefrido de Score abbatibus Guazelino sancti Laurentii elberto sancti Iacobi Azone sancti Egidii nobilibus Gozewino de Falconmunt Lamberto de Tinbehe Theoderico de Argenteal et Guilelmo fratre eius Ebalo de Uilla Ueteri familiaribus Wederico de Prato Lamberto et Arnulfo fratribus Hoiensibus ciuibus Leodicensibus Henrico Goscewino Lamberto grunneta. | |
| Source | EVRARD M. 1892 |
| TRADITION |
| EDITIONS AND SECONDARY LITERATURE |
|
Editions
|
STIENNON J.. L'écriture diplomatique dans le diocèse de Liège du XIe au milieu du XIIIe siècle. Reflet d'une civilisation (Bibliothèque de la Faculté de Philosophie et Lettres de l'Université de Liège, série grand in 8· (Jésus), fasc.5), Paris, 1960., planche 40 (fac-similé fragmentaire), p.77, |
| EVRARD M.. Documents relatifs à l'abbaye de Flône, dans: Analectes pour servir à l'Histoire ecclésiastique de la Belgique, 23 (1892), p.273-454; 24 (1893), p.395-492., n.13, p.303-306, LINK | |
| Secondary literature | COENEN J.. Limburgsche Oorkonden (98-1340), 4 vol., Maaseik, 1932-1942., 1, n.339, p.150-151, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.223, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.724, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.236, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.156, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
