Diplomatica Belgica - Record 4138

DiBe ID

4138

ACTORS

Issuer(s)
(= author)

Function/title: monastic house
Name:
Institution/jurisdiction: Flône
Diocese: Diocese Liège
Principality: Liège
Religious order: Augustinian Canons

Author(s) of the actio juridica

(= disposer)

Function/title: monastic house
Name:
Institution/jurisdiction: Flône
Diocese: Diocese Liège
Principality: Liège
Religious order: Augustinian Canons

Beneficiary(ies)

(= recipient)

Function/title: monastic house
Name:
Institution/jurisdiction: Flône
Diocese: Diocese Liège
Principality: Liège
Religious order: Augustinian Canons

DATE

Scholarly dating (preferential)	//1118 (donnée par document / mentioned in document - )
Scholarly dating (any)	//1118 (donnée par document / mentioned in document - ) Scholarly qualification: -
Date in the charter	//1118
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	les clercs de l'abbaye de Flône et les frères qui desservent l'office déterminent les revenus respectivement attribués à l'abbaye et à l'hôpital de Flône
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sancte et indiuidue trinitatis.. Notum facimus tam futuris quam presentibus qualiter nos pusillus grex sancti Mathei clerici uidelicet et laici sub uno fraternitatis et sanctę professionis uinculo apud Flonam congregati communi consilio decreuimus ut ea quę de reditibus ęcclesię ad hospitale pauperum destinata sunt ab his quę ad stipendia fratrum et usus ęcclesię pertinent separatim certis in locis denominaremus et ea fideli fratri et idoneo per se procuranda et administranda committeremus per omnia studentes caritati et quieti et unitatem spiritus in uinculo pacis seruare solliciti.. Erat enim prius ab ipsius dominis et constructoribus loci qui se ipsos et sua omnia ibidem christo delegauerant quędam summa pecuniae constituta quam undecunque de suis reditibus soluebat ecclesia preterea decimas annonę et oblationum panes que singulis septimanis circiter XL prebebat quibus omnibus exigendis procurandis exhibendis suboriebatur aliquando hinc uel inde murmuratio siue querela erat que super hoc in futurum timenda negligentia uel discordia.. Quamobrem fideliter computatis omnibus placuit nobis in commune de possessionibus ęcclesię talem portionem singulariter determinare unde illa omnia sufficienter possint administrari quę prius in denariis uel in panibus siue in decimis ab ęcclesia dabantur hospitali ita ut deinceps ęcclesia nullam pro huiusmodi exactione inportunitatem uel molestiam sustineat sed utraque domus reditus suos et oblationes prout deus donauerit separatim recipiat.. Hęc ergo sunt quę in usus pauperum diuisimus in Aiuncourt quicquid habet ęcclesia in Iaira quartam partem per omnia preter molendinum et preter decimam quę fuerat sanctę Marię et duo bonuaria terrę quę ad eamdem decimam pertinent.. Item de Holtheim quicquid exierit eodem pertinebit.. Ad hoc etiam concessimus bannalem cambam quę est in Flona cum terra quadam que ad eam pertinet preterea duo molendina quę ibidem sunt super Flonam et dimidium hortum holerum sicut diuisus erat antiquitus cum terra quę eidem adiacet.. Permisimus etiam eis usum fimi ad stercorandum de nostris communiter animalibus a natiuitate sancti Iohannis usque ad festiuitatem omnium sanctorum cętero totius anni tempore idem usus erit ecclesie.. Decimam quoque statuimus de nostro pomerio et reliquias mense cotidie de refectorio.. Super hęc in uilla Hotines quandam terrę partem illis separauimus ad faciendam mansiunculam alendis et habendis pecoribus.. Post hęc quicumque deo inspirante de suo quicquam ad idem hospitale conferre uel delegare uoluerit libera caritate faciat quod sibi placuerit.. De hospitali debentur ecclesię XII denarii in anniuersario Stephani de Aiuncurt et XI denarii de duabus domibus et uno hortulo de Ays exeunt V solidi XXX-ta denarii ęcclesię et totidem hospitali pro anima Hucberti.. Prouidentiam autem horum et curam hospitalis suscepit domnus Folcuinus cuius semper fuit desiderium ministrare pauperibus et quicumque post illum administrare debebit communi consensu fratrum eligatur et ita suscipiat eandem obedientiam de manu prioris ut si negligens aut minus idoneus fuerit communi consilio commendetur alii.. Nemo ergo dicat per hanc diuisionem nos partes uelle facere aut duo capita in uno corpore qui ad hoc potius studemus ut unum corpus et menbra inuicem simus et quia xenodochium sine ęcclesia nec ęcclesia sine xenodochio debet aut ualet consistere distributis recte utriusque partibus administremus cuncta commodius onera portantes alter alterius.. Sed quia uaria succedunt tempora et breuis est hominum memoria uoluimus hoc constitutum sub sigillo litteris commendare ne posteri nostri ualeant ignorare nec aliquatenus audeant uiolare.. Actum est hoc anno dominice incarnationis M C XVIII indictione XI regnante imperatore augusto Heinrico huius nominis quinto Otberto episcopo. Siquis hoc statutum infregerit aut in aliquo fraudauerit et nisi in melius mutauerit anathema sit maranatha partem habeat cum traditore Iuda qui fraudabat de pauperum elemosina.

Source	EVRARD M. 1892

TRADITION

Original	Yes Liège, Archives de l'Etat [AE], Flône 2
Manuscripts	Liège, Bibliothèque Générale de Philosophie et Lettres (BGPhL), Manuscrit 2026 (1301-1400)
	Liège, Bibliothèque Générale de Philosophie et Lettres (BGPhL), Manuscrit 2014 (1601-1700)

EDITIONS AND SECONDARY LITERATURE

Editions	EVRARD M.. Documents relatifs à l'abbaye de Flône, dans: Analectes pour servir à l'Histoire ecclésiastique de la Belgique, 23 (1892), p.273-454; 24 (1893), p.395-492., n.5, p.288-290, LINK
Secondary literature	NIERMEYER J.F.. Onderzoekingen over luikse et maastrichtse oorkonden en over de Vita Baldrici Episcopi Leodiensis. Een bijdrage tot de geschiedenis van burgerij en geestelijkheid in het Maasgebied tot het begin van de dertiende eeuw (Bijdragen van het Instituut voor middeleeuwsche Geschiedenis der Rijks-universiteit te Utrecht, 20), Groningen, 1935., p.188-191, LINK LINK
	DEREINE CH.. Les chanoines réguliers au diocèse de Liège avant saint Norbert (Académie royale de Belgique, Classe des Lettres et des Sciences morales et politiques, Mémoires 47, fasc.1), Bruxelles, 1952., p.75,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.116, LINK LINK