Diplomatica Belgica - Record 4070

DiBe ID

4070

ACTORS

Issuer(s)
(= author)

Function/title: bishop
Name: Alexander of Jülich
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Alexander of Jülich
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Géronsart
Diocese: Diocese Liège
Principality: Namur
Religious order: Augustinian Canons

DATE

Scholarly dating (preferential)	//1134 (donnée par document / mentioned in document - )
Scholarly dating (any)	//1134 (donnée par document / mentioned in document - ) Scholarly qualification: -
Date in the charter	//1134
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme la fondation et les possessions de l'abbaye
Description	Language: Latin Authenticity: unsuspected document Textual tradition: indeterminate textual tradition Nature of the charter: charter

FULL TEXT OF CHARTER


In nomine patris et filii et spiritus sancti. Ego Alexander gratia dei Leodiensis episcopus notum facio praesentibus et futuris omnibus ecclesiae christi fidelibus quia praedecessor noster bonae memoriae dominus Albero episcopus rogatu fratris Iohannis aliorum que dei seruorum cum eo sub regula beati Augustini canonice uiuentium partem praedii episcopalis iuxta Iamedam infra terminos sanctae Mariae Namurcensis liberalitate sua deo et sancto- Augustino obtulit et eisdem seruis dei per manum Lamberti comitis qui aduocatus erat episcopalis praedii firma et legitima donatione contradidit ubi et praedictis dei seruis cooperante fidelium deuotione ecclesia nouo constructa est opere et plures inibi deo seruientes adunati sunt. Quorum honesta conuersatione permoti nos quoque deuotionem nostram eidem ecclesiae applicuimus eam que in honorem dei ad titulum sanctaę Mariae semper uirginis sancti que Augustini episcopali benedictione dedicauimus atque ad ampliandum ipsius atrium de praedio episcopali superaddidimus. Et ne qua ex hoc imposterum suboriri possit controuersiae calumnia certis ab adiacenti terra per circuitum discreuimus terminis et tam ea quae a praedecessore nostro collata sunt quam quae nos ipsi contulimus eidem ecclesiae in dotem ac possessionem perpetuam legaliter confirmauimus. Ad haec etiam utilitati et paci seruorum dei inibi commorantium paterne consulentes omnem siluam adiacentem et loca pascualia necessariis eorum usibus absque exactionis alicuius respectu perpetualiter indulsimus ut tam in usu equis necessario quam in construendis siue fulciendis aedificiis competens habeant ex nostra munificentia beneficium et sufficiens ac perpetuum in quoscumque usus necessarios solatium. Quod si quis praesentium uel futurorum haec aliquando infringere temptauerit et quietem seruorum dei iniquis machinationibus perturbare praesumpserit hunc modis omnibus execramus ac maledictionis anathemate condempnamus. Unde in testimonium confirmationis carta haec praecepto nostro conscripta et sigilli nostri est impressione signata et de hiis qui praesentes fuerunt testes idonei sunt Herbertus archidiaconus Dodo archidiaconus abbas Herlandus de Floreffia Balduinus capellanus Albricus Euerardus Radulphus Henricus Iordanus praepositus Euerardus decanus Arnulfus praepositus et alii quam plures. De laicis. Comes Namurcensis Godefridus et Henricus filius eius Reinerus frater Waheri aduocati Theodericus de Tynes Auelinus Robertus et alii quam plures qui in eadem die ex diuerso ad benedictionem ecclesiae conuenerunt. Actum anno ab incarnatione domini millesimo centesimo trigesimo quarto indictione XII imperante Lothario secundo anno regni eius XI.

Source	MIRAEUS A.-FOPPENS J.F. 1723

TRADITION

Original	No
Manuscripts	Namur, Archives de l'Etat [AE], Archives écclésiastiques de la province de Namur 3360 ()

EDITIONS AND SECONDARY LITERATURE

Editions	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 2, n.20, p.818, LINK LINK LINK LINK
Secondary literature	DEREINE CH.. Les chanoines réguliers au diocèse de Liège avant saint Norbert (Académie royale de Belgique, Classe des Lettres et des Sciences morales et politiques, Mémoires 47, fasc.1), Bruxelles, 1952., p.86-87,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.76, LINK LINK