‹
›
return to all results
| DiBe ID | 4038 |
| ACTORS |
|
Issuer(s)
(= author) |
Function/title:
bishop Name: Alexander of Jülich Institution/jurisdiction: Liège Diocese: Diocese Liège Principality: Liège Religious order: |
|
Author(s) of the actio juridica (= disposer) |
Function/title:
bishop Name: Alexander of Jülich Institution/jurisdiction: Liège Diocese: Diocese Liège Principality: Liège Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Park Diocese: Diocese Liège Principality: Brabant (Leuven) Religious order: Premonstratensians |
| DATE |
|
Scholarly dating
(preferential) |
//1131 (donnée par document / mentioned in document - ) |
|
Scholarly dating
(any) |
//1131 (donnée par document / mentioned in document - ) Scholarly qualification: - |
|
Date in the charter
|
//1131 |
|
Place-date (in the text) |
Leodii |
|
Place-date (normalised) |
Liège (BELGIQUE, Région Wallonne, Liège)
Diocese: Diocese Liège Principality: Liège |
| SUMMARY AND DESCRIPTION |
| Summary | confirme la fondation de l'abbaye et définit les droits religieux que comporte la nouvelle abbaye |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Alexander gratia dei sancte Leodiensis ecclesie episcopus quia propitiante domino pontificali cathedre licet indigni presidemus et si omnibus in communi nostre dioceseos fidelibus generalem curam debemus illis tamen qui felici naufragio abiecta seculari sarcina de mundi huius fluctuante pelago ad tranquillum et placidum contemplationis portum enatauerunt speciali dilectionis et sollicitudinis necessitudine obligamur ut de nostris eis prodesse et aliorum erga eos liberalitatem approbare et confirmare studeamus quatinus pia uicissitudine de orationibus eorum aliquod imperfectionis nostre subsidium comparemus. Notum uolumus fieri tam presentibus quam futuris quod Godefridus dux lotharingie idem et marchio et comes tam pro salute sua quam suorum siluulam in australi parte Louanie sitam quam Fossato et uallo clausam ferali lustro deputauerat deo inspirante in meliores usus uolent conuertere annuentibus filiis suis Godefrido et Henrico fratri Galtero abbati ecclesie beati Martini de suburbio Laudunensis ciuitatis et fratribus suis secundum regulam beati Augustini uiuentibus ad construendam in ea ecclesiam in honorem dei genitricis Marie perpetuo possidendam donauerit et postea nube seditionis et discordie inter nos et ipsum non bene habite in beate pacis serenitate propitiante deo conuersa ut eundem locum in conspectu plurimorum qui pro reformanda pace conuenerant liberum faceremus et eandem libertatem sigilli nostri impressione confirmaremus pia peticione sua apud nos obtinuerit. Hoc etiam donum ducis factum est impetrante Tyetdelino uillico cum uxore sua qui omnia que infra eiusdem loci ambitum possidebat scilicet tam molendinum quam terras adiacentes ad opus eorumdem fratrum annuentibus heredibus suis in manus ducis reddidit hoc interposito quod quamdiu ipse et uxor eius superessent beneficia quaedam si uellent in usus suos retinerent sic tamen ut post obitum utriusque fratres ecclesie sancte Marie nulli de heredibus suis aliquid de omnibus que infra predicti loci terminum continentur responderent deinde uero ut prefatus locus ab omni parochiali iure liber esset et fratres qui pro salute animarum suarum ad eum conuenerint in libertatem filiorum soli deo uacarent canonicos sancti Petri Louaniensis ecclesie et fratres ecclesie sancte Marie ipse dux perpetua pace composuit nam pro decima termini Louaniensis parochie qui claudebatur hoc precinctu et pro decima omnium que ibi haberentur ecclesie Louaniensi singulis annis de suo allodio in uilla que dicitur Hulsebeck III solidos- et VI denarios- contulit hoc apposito ut neque abbas neque fratres sui aliquem de parochianis Louaniensis ecclesie postquam incideret lectum egritudinis uel aliquem de mortuis eiusdem ecclesie sepeliendum acciperent uel aliquid sibi usurparent de iure prefate ecclesie nisi de consensu prepositi siue canonicorum uel parochialis sacerdotis ad quos pertinet parrochiale beneficium. Hec autem fuit conditio inter ducem et prefatum abbatem sancti Martini de predicto loco. Dum annuente deo et beate uirginis prosperantibus meritis idem locus conuentum XII canonicorum sustinere poterit fratres ibidem permansuri abbatem de professione Laudunensis ecclesie canonice eligent et postea ab obedientia abbatis sancti Martini erunt soluti nisi si forte instigante diabolo abbas uel fratres ecclesie sancte Marie a regule sue tramite uel consuetudine Laudunensis coenobii deuiauerint habebit eos abbas Laudunensis secundum institutionem ordinis sui corrigere deinde uero abbas electus uirgam pastoralem ab altari ecclesie sancte Marie accipiet et a fratribus suis episcopo Leodiensi consecrandus presentabitur. Hanc igitur quam prelibamus electionem in eodem loco auctoritate sanctorum patrum libere et canonice fieri concedimus sepeliri in cimiterio prememorate ecclesie tam sue congregationis quam familie inibi seruientis defunctos concedimus alium uero nullum nisi consensu suorum parochialium sacerdotum oleum quoque infirmorum ab ecclesia nostre sedis eisdem fratribus diligenter impendatur. Preterea uero predictam ecclesiam et abbatem tam nostra quam ministrorum nostrorum qualicumque exactione prorsus absoluimus generali tantum synodo si a nobis monitus fuerit nequaquam interesse negligat. Orationes autem deuotas quas potissimum amamus et filialem obedientiam nobis retinemus. Ut autem ea que predicta sunt rata et incommutabilia permaneant sigilli nostri impressione et testium subscriptione corroboramus atque anathematis sententia quemuis harum institutionum uiolatorem condempnamus. Hec itaque facta sunt Leodii et confirmata anno dominice incarnationis M° C XXXI° indictione VIIII-a. Signum Godefridi Bathensis episcopi. Signum Stepponis archidiaconi. | |
| Source | VERSTEYLEN A.J. 1929 |
| TRADITION |
| EDITIONS AND SECONDARY LITERATURE |
|
Editions
|
VERSTEYLEN A.J.. Les chartes de fondation de l'abbaye du Parc, dans: Analecta Praemonstratensia, 5 (1929), p.121-131., n.2, p.124-126, |
| Secondary literature | COENEN J.. Limburgsche Oorkonden (98-1340), 4 vol., Maaseik, 1932-1942., 1, n.300, p.136, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.139, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.164, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
