‹
›
return to all results
| DiBe ID | 4032 |
| ACTORS |
|
Issuer(s)
(= author) |
Function/title:
pope Name: Alexander III Institution/jurisdiction: Rome Diocese: Principality: Papal States Religious order: |
|
Author(s) of the actio juridica (= disposer) |
Function/title:
pope Name: Alexander III Institution/jurisdiction: Rome Diocese: Principality: Papal States Religious order: |
|
Beneficiary(ies)
(= recipient) |
Function/title:
monastic house Name: Gerard abbot Institution/jurisdiction: Ninove Diocese: Diocese Cambrai Principality: Flanders Religious order: Premonstratensians |
| DATE |
|
Scholarly dating
(preferential) |
//1178 (donnée par document / mentioned in document - ) |
|
Scholarly dating
(any) |
//1178 (donnée par document / mentioned in document - ) Scholarly qualification: - |
| //1179 (date impossible / impossible date - WAUTERS) Scholarly qualification: - | |
|
Date in the charter
|
//1178 |
|
Place-date (in the text) |
Laterani |
|
Place-date (normalised) |
Rome (Lateran) (ITALIA, Latium, Roma)
Diocese: Principality: Papal States |
| SUMMARY AND DESCRIPTION |
| Summary | énumère et confirme les possessions de l'abbaye |
|
Description
|
Language:
Latin Authenticity: unsuspected document Textual tradition: original Nature of the charter: bull |
| FULL TEXT OF CHARTER |
| Alexander episcopus seruus seruorum dei. Dilectis filiis Gerardo abbati ecclesie sancte Marie sanctorum que martirum Cornelii et Cipriani Niniuensis eius que fratribus tam presentibus quam futuris canonicam uitam professis in perpetuum. Pie postulatio uoluntatis effectu debet prosequente compleri et ut deuotionis sinceritas laudabiliter enitescat et utilitas postulata uires indubitanter assumat. Eapropter dilecti in domino filii uestris iustis postulationibus clementer annuimus et prefatam beate Marie sanctorum que martirum Cornelii et Cipriani ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. Statuentes ut quascumque possessiones quecumque bona eadem ecclesia in presenciarum iuste et canonice possidet aut in futurum concessione pontificum largicione regum uel principum oblatione fidelium seu aliis iustis modis deo propicio poterit adipisci firma uobis uestris que successoribus et illibata permaneant in quibus hec propriis duximus exprimenda uocabulis ecclesiam ipsam ac totam decimam uille Niniuensis cum appendiciis suis Herlincouen cum tota decima Lidekercensem ecclesiam cum tota decima et aliis pertinentiis suis scilicet Lombecca et Strythem partem decime apud Menz curtem Nederwic cum prato piscationem in Tenera ubique cum aduocato duo molendina cum mansis iuxta ecclesiam Niniuensem curtem Ruboc cum circumadiacentibus terris pratis et siluis terram Hugonis canci et fratris eius Giselberti siluam Mentogh a Gerardo aduocato emptam curtem Wedencot cum circumadiacentibus terris et pratis hereditatem Henrici conuersi de Herlincouen curtem Roslar cum omnibus pertinenciis suis allodium quod dedit Herbrandus de Merbecca tam apud Rubroc quam apud Niniue terram cum silua Walteri de Curia terram quam dedit Theodericus de Inferno terram quam dedit castellanus de Brusella assensu Guidonis et Walteri de Hosden apud Senefiam terram quam dedit Hugo pauper assensu fratris sui Gislardi apud Arken terram quam dedit Albricus cum silua et prato apud eandem uillam terram quam dedit Willelmus de Merbecca apud Niniue cum molendino curtem Scora cum omnibus appendiciis suis allodium de Truba allodium quod canbiit Clarenbaldus apud Backesdal et Kippesteke terciam partem decime apud Okengen allodium Henrici malrans apud Idergem cum molendino siluam Henrici de Lewes et Simonis de Ledeberga terram Henrici apud Lidekerca terram Simonis apud Okengem hereditatem Herbrandi apud Merbecca cum suis appenditiis et ibidem molendinum allodium sancti Aychadri cum suis appenditiis apud Cathem beneficium quod dedit Franco castellanus de Brusella et filius eius Godefridus apud Strithem et Cathem duas partes decime apud Flursengem molendinum apud Lots. Sane noualium uestrorum que propriis manibus uel sumptibus colitis siue de nutrimentis animalium uestrorum nullus a uobis decimas presumat exigere. Prohibemus insuper ut nulli fratrum uestrorum post factam in eodem loco professionem aliqua leuitate sine abbatis sui licentia fas sit ab eodem claustro discedere discedentem uero sine communium litterarum cautione nullus audeat retinere. Decernimus ergo ut nulli omnino hominum liceat prefatam eccclesiam temere perturbare aut eius possessiones auferre uel ablatas retinere seu quibuslibet uexationibus fatigare. Set omnia integra conseruentur eorum pro quorum gubernatione ac substentatione concessa sunt usibus omnimodis profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi reatum suum digna satisfatione correxerit potestatis honoris que sui dignitate careat ream que se diuino iuditio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districtae ultioni subiaceat. Cunctis autem eidem loco sua iura seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -rota- ego Alexander catholice ecclesie episcopus subscripsi- -beneualetę. -CRUX- Ego Hubaldus Hostiensis episcopus subscripsi-. -CRUX- Ego Iohannes presbyter cardinalis sanctorum Iohannis et Pauli --- subscripsi-. -CRUX- Ego Iohannes presbyter- cardinalis- titulo sancti- Laurentii subscripsi-. -CRUX- Ego Iohannes presbyter- cardinalis- titulo sancti- Marci subscripsi-. -CRUX- Ego Theodorus presbyter- cardinalis- titulo sancti- Uitalis subscripsi-. -CRUX- Ego Petrus presbyter- cardinalis- titulo sanctę Susanne subscripsi-. -CRUX- Ego Petrus presbyter- cardinalis- titulo sancti- Crisogoni subscripsi-. -CRUX- Ego Cinthius presbyter- cardinalis- titulo sanctę Cecilie subscripsi-. -CRUX- Ego Iacinthus diaconus cardinalis- sancte Marie in cosmidyn subscripsi-. -CRUX- Ego Ardicio diaconus- cardinalis- sancti- Theodori subscripsi-. -CRUX- Ego Laborans diaconus- cardinalis- sancte Marie in porticu subscripsi-. -CRUX- Ego Rainerius diaconus- cardinalis- sancti- Georgi ad uelum aureum subscripsi-. -CRUX- Ego Gratianus diaconus- cardinalis- sanctorum Cosme et Damiani subscripsi-. -CRUX- Ego Iohannes diaconus- cardinalis- sancti angeli subscripsi-. -CRUX- Ego Matheus sancte Marie noue diaconus- cardinalis- subscripsi-. Datum Laterani per manum Alberici sancte Romane ecclesie presbyteri cardinalis cancellarii indictione XI-a incarnationis dominice anno M° C° LXX° VIII° pontificatus uero domini Alexandri pape III anno XX°. | |
| Source | HUGO C.L. 1734 |
| TRADITION |
| EDITIONS AND SECONDARY LITERATURE |
|
Editions
|
HUGO C.L.. Sacri et canonici ordinis Praemonstratensis annales. Probationes, 2 vol., Nancy, 1734-1736., 2, col.231, LINK LINK |
| Secondary literature | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13086, p.324, LINK LINK LINK LINK LINK LINK LINK |
| PUT E.-PEERSMAN C.. Inventaris van het archief van de Sint-Cornelius- en Sint-Cyprianusabdij te Ninove (met inbegrip van archieven van het leenhof ten Berge in Woubrechtegem en de laathoven van de abdij in Ninove en Kattem). 1092-1796 (1812) (Rijksarchief te Beveren. Inventarissen), Brussel, 2008., Ressource électronique, K144 - 5, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.590, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
