Diplomatica Belgica - Record 4023

DiBe ID

4023

ACTORS

Issuer(s)
(= author)

Function/title: count/countess
Name: Enguerrand Candavène
Institution/jurisdiction: S.Pol
Diocese: Diocese Thérouanne
Principality: Saint-Pol
Religious order:

Author(s) of the actio juridica

(= disposer)

Function/title: count/countess
Name: Enguerrand Candavène
Institution/jurisdiction: S.Pol
Diocese: Diocese Thérouanne
Principality: Saint-Pol
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Veurne (S.Nicholas)
Diocese: Diocese Thérouanne
Principality: Flanders
Religious order: Premonstratensians

DATE

Scholarly dating (preferential)	19/5/1152 (donnée par document / mentioned in document - )
Scholarly dating (any)	19/5/1152 (donnée par document / mentioned in document - ) Scholarly qualification: -
Date in the charter	19/5/1152
Place-date (in the text)	apud Sanctum Paulum
Place-date (normalised)	S.Pol (FRANCE, Hauts-de-France, Pas-de-Calais) Diocese: Diocese Thérouanne Principality: Saint-Pol

SUMMARY AND DESCRIPTION

Summary	le comte de Saint-Pol , confirme que Mirialduel de Mortagne et son épouse Clémence ont donné la terre de Gros-Tison et ses dépendances à l’abbaye Veurne (S . Nicolas) , et fait savoir que Godaramnus de Harundineto et Benoît Païen de Pommera , qui tenaient cette terre en fief de Mirialduel , ont aussi approuvé la donation et présenté des garants .
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Quamquam temporalium ad eterna condigna prorsus non sit comparacio tamen quia munus quodcumque humilitatis ac pietatis optulerit deuocio eo fit in conspectu diuine maiestatis acceptabile quo de bone uoluntatis radice hoc inuenitur processisse. Ego igitur Ingelrannus dei gratia comes de Seint Pool totam terram que dicitur Geroltison cum suis appendiciis terradgio uidelicet toto et decime duabus partibus quam a me Clemencia de Mauritania et ex eius parte maritus eius Mirialduel feodi iure tenuerant coram optimatibus et principibus meis publice michi ab ipsis redditam et iustis heredibus filiis suis concedentibus ecclesie Furnensi sancti Nicolay pro remedio animarum uidelicet mei meorum que ab omni cuiuslibet exactione solutam et liberam perpetuo que iure possidendam concessi concessam que manu propria donaui. Ut autem hoc nostre concessionis donum ratum atque illibatum permaneat hoc in posteritatis memoriam placuit litteris annotari nostri que sigilli impressione signari. Pretera noticiam nostram penes est quod Gotrannus de Harundineto et Benedictus de Pomesrast qui cognominatur paganus qui prescriptam terram sicut a me Miriaduel ita ipsi eam ab ipso feodi iure tenuerant sicut eam prefate ecclesie sancti Nicolay Furnensis dedi et confirmaui sic ipsi cum iustis heredibus suis dederunt et confirmari postulauerunt. Pactum etiam eidem ecclesie tale pepigerunt ut si quispiam prefate terre calumpniam impetraret ipsi in omni loco et tempore cum iusticia exigeret pro ecclesia responderent et satisfacerent et terram eamdem ad usus ecclesie prenotate ab omni inquietudine liberarent. Inde ego fideiussor Miriaduel et heredum suorum supra feodum suum si ecclesie pactionis huius ueritatem non seruauerit Miriaduel Gotranni fideiussor est supra feodum quod ab ipso tenet si pactum hoc preterierit fideiussor est Benedicti pagani de Pomerast dominus suus Simon de Paas supra totum feodum quod ab ipso tenet si predictum scriptum pactum transgrediatur. Nos autem fideiussores ecclesie dampna restaurabimus scribimus preterea regi pontifici atque terre principibus quatenus sicut de prefata datione scripsimus sigillauimus sic ipsi scribant sigillent atque pro dei amore manu teneant. Huius elemosine dationis siue pactionis testes interfuerunt ex clero canonici de Seint Pool Acelinus decanus Arnulfus Balduinus de Auerdoung Hugo capellanus Nicolaus de Monz Nicolaus de Nigella ex laicis uero Balduinus de Oriuila Hugo de Heistru Walterus de Auerdoung Wilgelmus boters et Eustachius patruus eius Rainbaldus uice comes Anselmus de Hunz Simon et Bernardus de Amiiin Bareleu de Hesaca Hugo des estals Miriaduel cum filiis suis Ingelranno et ceteris Walterus pissard Robertus de Glasgiin Robertus et gocelinus filii Balduini de Oriuila Hugo kyrez et frater eius Robertus Hugo de Auerdoung et frater eius Laiuoldus Rogerus de Goi Hugo filius Wintsgestri presbyter Arnulfius presbyter Gerardus de Rolgicourt canonicus sancti Pauli magister Henricus. Datum apud sanctum Paulum per manum Rainbaldi uice comitis anno incarnationis dominice M° C° LII° XIIII° kalendas iunii.

Source	DUBOIS R. 1937

TRADITION

Original	No
Manuscripts	Douai, Bibliothèque municipale [BM], Manuscrit 1342 (1401-1500)
	Arras, Médiathèque Palais Saint-Vaast [BM], Manuscrit 194 ()
	Arras, Médiathèque Palais Saint-Vaast [BM], Manuscrit 647 (1701-1800)
	Paris, Bibliothèque nationale de France [BNF], Collection MOREAU 66 ()

EDITIONS AND SECONDARY LITERATURE

Editions	DUBOIS R.. Prieuré de Lucheux et prévôté de Gros-Tison. Cartulaire factice, dans: Mémoires de la Société des Antiquaires de Picardie, 47 (1937), p.113-461., n.75, p.386-389, LINK LINK
	NIEUS J.-F.. Actes des comtes de Saint-Pol, (ARTEM. Atelier de Recherche sur les Textes Médiévaux, 11), Turnhout, 2008., n.19, p.103-105,
	CHARTAE GALLIAE. Base de données de chartes médiévales, Ressource électronique, F11283, LINK LINK