‹
›
return to all results
| DiBe ID | 4000 |
| ACTORS |
|
Issuer(s)
(= author) |
Function/title:
count/countess Name: Philip of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Philip of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
town/village/alderman/urban officer Name: Institution/jurisdiction: Nieuwpoort Diocese: Diocese Thérouanne Principality: Flanders Religious order: |
| DATE |
|
Scholarly dating
(preferential) |
24/12/1163 (terminus ante quem - DE HEMPTINNE-VERHULST) |
|
Scholarly dating
(any) |
24/12/1163 (terminus ante quem - DE HEMPTINNE-VERHULST) Scholarly qualification: - |
| 25/12/1162 (terminus post quem - DE HEMPTINNE-VERHULST) Scholarly qualification: - | |
| //1163 (donnée par document / mentioned in document - ) Scholarly qualification: - | |
|
Date in the charter
|
//1163 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | accorde une "justice de lois" aux habitants de la nouvelle ville |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| Notum sit tam futuris quam presentibus quod ego Philippus dei gratia Flandrensium comes hanc legis iusticiam opidanis meis habitantibus in Nouo Opido concesserim. Ut si quis aliquem occiderit capud det pro capite unde nec reconciliationem habebit nisi per parentes et per iustificatorem. Si quis uulnus in nocte acceptum alii imputauerit si scabinis dignum uideatur ferro candenti se excusabit acusatus si arsus fuerit manum perdet. Si quis alii uulnus imputauerit et ille negauerit iuramento quinque hominum se excusabit si male iurauerit tres libras dabit et si acusator in anteiuramento defecerit acusatus liber erit. Si quis uerberatus iusticiario conquestus fuerit et hoc opidani cognouerint et scabini cognoscant quod ille conquestus sit iusticiarius monebit cognitores cum testibus in uespere ut mane cum iuramento reum acusent et si hoc scabini uel opidani non cognouerint conquerens cum iuramento querelam suam sequitur et alter se excusabit iuramento quinque hominum. Si conquerens in anteiuramento defecerit acusatus liber erit et si quis de quinque iurantibus defecerit acusatus debet tres libras et percusso decem solidos. Si quis aliquem turpiter increpauerit et ille a legitimis hominibus protractus fuerit tres solidos debet iusticiario et duos increpato. Si protractus a legitimis hominibus non fuerit acusator cum anteiuramento querelam suam sequitur et acusatus se excuset iuramento quinque hominum si unus de his quinque defecerit tres solidos iusticiario et duos acusatori debet. Si fur cum probatione captus fuerit qui cepit eum dabit illum iusticiario et iusticiarius tractabit eum secundum iudicium scabinorum. Si fur ille fideiussorem habere non poterit iusticiarius eum tenebit donec iudicium scabinorum fecerit. Si fur uocatus acusatus fuerit candenti ferro se excusabit si culpabilis permanserit suspendetur et si acusans in anteiuramento defecerit acusatus liber erit de hac acusatione. Qui aliquid alicui coram scabinis debet et diem soluendi non tenuerit iusticiarius cum scabinis illum cui res debetur faciet potentem super omnia quę debitor habet et si debitor nichil habuerit ipse debitor in potentiam illius cui res debetur de hoc forisfacto duodecim denarios iusticiario debet et duos solidos illi cui res debetur. Iusticiario non licet aliquem opidanum implacitare nisi cum hominibus legitimis et ad domum suam non pertinentibus et oportet ut scabini eos legitimos dicant. lastinga nauium iusticiarii est et qui eam habuerit fures suspendet manus abscidet oculos eruet. Quicumque hic per annum unum et per diem unum manserit liber erit. Post diem sancti Martini precipiet iusticiarius opidanis si uoluerit placitare diebus tribus. Si scabini in scamno suo sederint quicumque iudicium eorum falsum dixerit debet cuique scabinorum tres libras et iusticiario decem solidos. Si aliquis opidanus aliquid emerit et alius istud furatum esse dixerit si emptor iuramento duorum hominum constare sine reprehensione fecerit quod legitime illud emerit catallum suum habebit. Si iusticiarius et opidani statutum fecerint unde aliquod forisfactum esse debet dimidium forisfacti erit iusticiarii et dimidium erit opidi. Concessi etiam opidanis meis de Nouo Opido quod quicumque ibi manserit ab omni teloneo nisi sit de terra uel de plumis liber erit sed teloneario in die sancti Briccii singulis annis quatuor denarios dabit. Concessi etiam eis per totam Flandriam eandem libertatem quam habent opidani de Dicasmutha ibi. Quicumque ceruisiam fecerit de una ceruisia duos denarios debet et quicumque extraneam ceruisiam uel extraneum medonem uendiderit de uase uno denariatam unam debet. Qui extraneus medonem uel ceruisiam adduxerit de uase uno denarium unum dabit. Quicumque panes uenales fecerit in die sabbati panem de obolo dabit. Si de teloneo panis uel ceruisie aliquis acusatus fuerit iuramento sine reprehensione se excusabit. Quicumque uinum uendiderit more taberne sextarium uini dabit de uno uase et qui extraneus uinum adduxerit de uno uase quatuor denarios dabit. lectum uendens duos dabit denarios emens duos. Qui emit pelu id est pulua obolum dabit et qui uendit obolum. Qui terram uendiderit quatuor denarios dabit et qui emerit quatuor. Qui extraneus lectum sine plumis id est ticam uendiderit unum denarium dabit et qui emerit unum. Quicumque pannos ad opus suum uel uxoris uel filiorum uel familie emerit de teloneo liber erit si fide sua istud confirmauerit. De filis quinque solidorum unum denarium de filis infra quinque solidos obolum unum. Quicumque extraneus in die fori lanam uendiderit obolum dabit. Qui extraneus lanam uendit de pensa una duos dabit denarios et qui emerit duos. Omnis extraneus de stabulo dabit obolum in die fori de uno porco obolum de una oue obolum de uacca unum denarium de palefrido duos denarios emens et uendens duos de pelle recenti uendens obolum emens obolum de naue que uocatur scuta unum denarium de una domo si extraneus eam emerit quatuor denarios de naue que est clincaboiat duodecim denarios de naue que dicitur losboiat octo denarios de naue que dicitur enuara quatuor denarios de cogga octo denarios. Si nauis intrauerit nullus inde aliquid emet donec nauis sedeat forisfactum inde tres libras de dacara coriorum uendens duos denarios emens duos denarios et qui detulerit denarium unum. De pensa lane uendens duos denarios emens duos de pensa caseorum Anglicorum qui detulerit denarium unum qui uendiderit duos denarios qui emerit duos denarios de pensa caseorum Flandrensium unum denarium de pensa butiri unum denarium de pensa plumbi unum denarium de millario stagni quatuor denarios de plaustrata eris quatuor denarios de plaustrata ferri quatuor denarios de stagno et ere et ferro quicumque uendiderit de marca una sex denarios de bacone obolum de pensa uncti id est smera uel sebi id est rot unum denarium qui detulerit qui uendiderit duos denarios et qui emerit duos denarios de pensa cere quatuor denarios qui uendiderit et qui emerit IIII-or denarios similiter de una marca uendens sex denarios de kerca piperis quatuor denarios de kerca aluni quatuor denarios de kerca brisilli quatuor denarios de kerca cumini quatuor denarios de kerca graine quatuor denarios de istis quinque quicumque uendiderit sex debet denarios de marca de frumento uendens de marca sex denarios de ferthelo duos denarios de naue quę uocatur scuta si non est bordata unum denarium de torsello cordato quatuor denarios de torsello non cordato duos denarios de pensa filorum quę defertur ab Anglia duos denarios de gebenna mellis quatuor denarios de gebenna cinerum duos denarios de gebenna calibis id est stali quatuor denarios mille alletia recentia unum denarium de buza adducente recens allec octo denarios centum salmones quatuor denarios mille macarelli duos denarios centum gabellawi duos denarios centum sceluisc unum denarium centum plathiz unum denarium centum de zebuttis unum obolum de pensa anguillarum quatuor denarios de pensa floccarum si abierit unum denarium qui uendiderit duos denarios repa caldariorum quatuor denarios repa peluium quatuor denarios repa patellarum quatuor denarios de plaustro abeunte quatuor denarios et de ueniente plaustro ad iter unum denarium de biga abeunte duos denarios de biga intrante ad iter obolum. Quecumque res per opidum transierit si deposita non fuerit libera erit. Quicumque extraneus partem ceti id est waluisc emerit de marca una sex denarios dabit. De lapide molendinarii duos denarios de magno lapide molendini quatuor denarios de uno molare obolum de lapide qui dicitur slipesten quatuor denarios de buna uariarum pellium quatuor denarios. Si nauis aduenerit pecuniam portans non licet alicui extraneo quicquam in ea emere de his que adducit antequam uiderint burgenses et emerint si uoluerint. Si uero opidani hoc modo aliquas res emerint scabini inde partem habebunt si uoluerint etiam si presentes non fuerint. Similiter et duo testes inde partem habebunt si uoluerint. Et sciendum quod scabini omnes et prescripti duo testes huius opidi ex toto liberi sunt. Ut autem hec omnia stabilia et indiuulsa permaneant et nullius rei perturbatione infringantur sigilli mei auctoritate confirmaui coram his testibus Matheo comite Bolonie Roberto aduocato Betunię Euerardo de Tornaco Heinrico castellano Broburgense et filiis suis Willelmo castellano de Sancto Audomaro Widone castellano de Bergis Willelmo broon Waltero de Locra Balduino paldinc Gerardo de Someringem et Bernardo Balduino de Hundescot Waltero de Beuera Gozwino craucas Waltero de Ipra Waltero de Formesela. Actum hoc dominice incarnationis anno millesimo centesimo sexagesimo tercio. | |
| Source | DE HEMPTINNE TH.-VERHULST A. 1988 |
| TRADITION |
| EDITIONS AND SECONDARY LITERATURE |
|
Editions
|
AUTEUR ANONYME. Catalogus van de tentoonstelling Nieuwpoort door de eeuwen heen (Ministerie van nationale opvoeding en cultuur. Algemeen Rijksarchief), Brussel, 1963., n.3 (fac-similé), p.1, |
| MARTENS M.. Recueil de textes d'histoire urbaine belge des origines au milieu du XIIIe siècle, dans: Elenchus Fontium Historiae urbanae: Germany, Belgium the Netherlands, Scandinavia (Acta Collegii Historiae Urbanae Societatis Historicorum internationalis), I, Leiden, 1967, p.279-404., n.34, p.330-334, | |
| LAURENT R.. Les ports de la côte et du Zwin: des plans anciens aux photographies aériennes (Archives générales du Royaume et Archives de l'Etat dans les Provinces. Catalogues, 71), Bruxelles, 1986., p.8 (fac-similé), | |
| DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.222, p.344-348, | |
| Secondary literature | DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.475, LINK LINK LINK |
| COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.19, p.7-8, LINK LINK | |
| VAN WERVEKE L.M.. Stad Nieuwpoort, 1937. Inventaris van het archief van het oud regime, Nieuwpoort, 1937., n.399 bis, p.31, | |
| LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 29087, LINK LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
