Diplomatica Belgica - Record 3951
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 3951
ACTORS
Issuer(s)
(= author) 		Function/title:  bishop
Name:  Nicholas I
Institution/jurisdiction:  Cambrai

Diocese:  Diocese Cambrai
Principality: Cambrai
Religious order: 

Author(s) of the actio juridica 

(= disposer)

Function/title:  bishop
Name:  Nicholas I
Institution/jurisdiction:  Cambrai

Diocese:  Diocese Cambrai
Principality: Cambrai
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  S.Denis

Diocese:  Archbishopric Sens
Principality: France
Religious order:  Benedictines
Function/title:  advocate/ecclesiastical advocate
Name:  N guardian
Institution/jurisdiction:  Roubais

Diocese:  Diocese Laon
Principality: France
Religious order: 
DATE
Scholarly dating
(preferential) 		//1156 (donnée par document / mentioned in document - )
Scholarly dating
(any) 		//1156 (donnée par document / mentioned in document - ) Scholarly qualification: -
Date in the charter
//1156

Place-date

(in the text)

Place-date

(normalised)


Diocese:  Principality: 
SUMMARY AND DESCRIPTION
Summary règle les droits de l'avoué de l'abbaye à Roubais , afin que des gens venant de Flandre , du Brabant et d'ailleurs puissent s'établir dans cette localité
Description
Language: Latin
Authenticity: unsuspected document Textual tradition: original
Nature of the charter: charter
FULL TEXT OF CHARTER
-CRUX- In nomine domini Nicholaus dei gratia Cameracensis episcopus tam futuris quam presentibus. Quoniam multotiens per sapientes uiros res bene ordinatę per temporum interualla a memoria hominum decidunt sapienter agunt qui ea quę memoria digna sunt scripto commendant. Magno desudauimus labore ut terram de Robais licet extra fines nostrę diocesys sit ad commodum ęcclesię sancti Dionisii et pacis stabilitatem redigeremus sed multis prepedientibus causis aliquandiu labor noster inanis factus est. Tandem ope diuina consilio que Cameracensis ęcclesię rem diutius uentilatam necdum tamen terminatam ad utilem deduximus finem. Sic enim ordinauimus quoniam terra illa inculta erat et deserta et nullus ibidem erat inhabitator nisi per fiduciam aduocati ibi confluerent et de Flandria et Brabantia et de diuersis terrę partibus uisum est nobis utile ut aduocatus partem aliquam in rebus ęcclesię et simili modo ęcclesia partem in rebus aduocati haberent quo firmior esset pax inuicem statuta et ordinata. ęcclesia sancti Dionisii altare de Robais cum integritate redituum scilicet tercio manipulo decimę de annona et minuta decima et dote altaris et oblationibus et omnibus rebus ad idem altare iure pertinentibus libere et sine ulla contradictione possidebit et nullam in his partem aduocatus habebit de duobus uero manipulis decimę residuis ęcclesia duas partes habebit terciam partem aduocatus totius uero terrę de Robais terragium tam de dominicatura ęcclesie quam de dominicatura aduocati in communi horreo adducetur et inde habebit ęcclesia duas partes et terciam partem aduocatus habebit et de reliquis quidem terrę fructibus tam in campis siluis aquis pratis pascuis molendinis capiticensibus et foragiis et uenditionibus domorum aut terrę aut possessionum et burinis et forisfactis et placitis et taillis et theloneis et winagiis et censu et obsoniis quam in siluagiis et in omni iure et fructu nemoris et eorum denariorum assisa quos aduocatus ex prima constructione eiusdem uillę sibi dari constituit et in omni iure redituum et fructuum prefatę terrę quomodocumque siue ad monachum qui ibi preerit aut ad aduocatum aut eorum ministros prouenerint duę partes ęqua portione diuidentur quarum primam habebit monachus alteram partem aduocatus. Cum ad tenendum placitum uoluerit sedere aduocatus debet adesse sancti Dionisii monachus aut uillicus et simul ad placitum sedere. Et si emendatio banni aut alicuius forisfacti ibi acciderit partem dimidiam debet habere ecclesiam alteram aduocatus et sine monacho aut uillico si in uilla affuerint non debet placitare aduocatus. Si uero ad edificationem molendinorum et sclusarum denarii dantur partem dimidiam monachus alteram soluet aduocatus ad grangię quoque expensam duas partes monachus tertiam dabit aduocatus. Piscatio quidem ad libitum erit tam monachi quam aduocati. Quod si monachus curtem ad proprios usus suos construere uelit loco quo ei placuerit sine alicuius contradictione mansionem faciet uillicum autem communiter statuent et quocumque modo de eodem seruitium proueniet dimidium habebit monachus dimidium aduocatus. Quotquot enim erunt seruientes necessarii libere habebunt et monachus et aduocatus sic tamen quod seruientes monachi non sint dampno aduocato neque seruientes aduocati sint dampno monacho. Si uero monachus aut eius uillicus aliquem de uilla fugientem ceperit quicquid ei dederit in reconciliationem sui suum totum erit et eandem potestatis libertatem habebit in fugitiuis aduocatus. Et si monachus et aduocatus terras ad suam dominicaturam habere uoluerint non poterunt nisi hoc modo ut si monachus duas habet carrucatas terrę aut sartando aut comparando sibi eas adquirit non licebit ei amplius sibi addicere nec terras usurpare donec aduocatus unam habeat carrucatam terrę et modo simili si aduocatus unam aut duas habet carrucatas terrę si euenerit aut si multiplicatus fuerit numerus terre aduocati non licebit ei amplius sibi uendicare nec emendo nec sartum faciendo quoadusque ęcclesia sancti Dionisii in duplum habuerit carrucatas terrarum. Homines etiam de Robais si diuisam aliquam de rebus suis mobilibus pro salute animarum suarum facere uoluerint bene eis licebit de terra autem de territorio de Robais minime licebit eis elemosinam facere nisi assensu aduocati id fiat. Sciendum quoque est quod et ipse qui nunc est uel quicumque futurus est aduocatus tam de aduocatia quam de ususcapione terrę de Robais abbati de sancto Dionisio et ipsius successoribus abbatibus hominium et fidelitatem faciet et si aduocatus hęc quę mediante ęcclesia Cameracensi et me presidente ordinata et statuta sunt aliquo modo infringere presumpserit emendare et satisfacere ęcclesię sepefatę primo est commonendus et si infra quadraginta dies post factam commonitionem de iniuria illata ęcclesie non satisfecerit ipse cum omni familia et terra sua uinculo excommunicationis ad emendationem condignam est constringendus. Quoniam quidem omnia ista quę pretaxata sunt consilio et assensu ęcclesię sancti Dionisii necnon aduocati hoc ordine percelebrata sunt ut res bene peracta maius robur habeat et successioni sequenti clarius eluceat eam pagina presenti sigilli que nostri appositione testium que adnotatione communimus ut rata et inconuulsa in euum perseueret. Potestate itaque nobis a deo concessa damus omnibus huius rei conseruatoribus dei et nostram benedictionem in preuaricatores uero dei et nostram maledictionem promulgamus ut uero nullus hominum hec eadem infringat quantum ad nos spectat et sub anathemate prohibemus. Signum Eurardi Raolfi archidiaconorum. Signum magistri Willelmi decani. Signum Adę abbatis de Nouo. Castello signum Ilberti Auenhnensis decani. Signum Iohannis decani de Sollempnio. Signum Iohannis capellani episcopi. Signum Andreę Hamerici presbyterorum. Signum Ulrici Pipini Anselmi Walteri clericorum episcopi. Signum Gerardi. Signum Nicholai de Auenhnis. Signum Gozuini Auenhnensis prepositi. Signum Gerardi erawardi et Alexandri de Castello. Signum Gozuini de Orcha. Signum Wiberti de Hauinis et aliorum multorum. Actum anno dominicę incarnationis millesimo centesimo quinquagesimo sexto presulatus domni Nicholai Cameracensis episcopi uicesimo.
Source TARDIF J. 1866
EDITIONS AND SECONDARY LITERATURE
Editions
TARDIF J.. Monuments historiques, Cartons des rois, (Archives de l'Empire. Inventaires et Documents publiés par Ordre de l'Empereur), Paris, 1866., n.549, p.285, LINK
Secondary literature DOUËT D'ARCQ L.C.. Collection de sceaux (Inventaires et documents publiés par ordre de l'Empereur sous la direction de M. le comte de Laborde), 3 vol., Paris, 1863-1868, 2, n.6535, p.495, LINK LINK LINK LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.399, LINK LINK
DIRECTION GÉNÉRALE DES ARCHIVES NATIONALES. Musée des Archives nationales: documents originaux de l'histoire de France exposés dans l'hôtel de Soubise, Paris, 1872., n.163, p.104, LINK LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015