Diplomatica Belgica - Record 3933

DiBe ID

3933

ACTORS

Issuer(s)
(= author)

Function/title: emperor/empress
Name: Frederick I Barbarossa
Institution/jurisdiction: Holy Roman Empire
Diocese: Archbishopric Mainz
Principality: German Empire
Religious order:

Author(s) of the actio juridica

(= disposer)

Function/title: emperor/empress
Name: Frederick I Barbarossa
Institution/jurisdiction: Holy Roman Empire
Diocese: Archbishopric Mainz
Principality: German Empire
Religious order:

Beneficiary(ies)

(= recipient)

Function/title: monastic house
Name: Lambert abbot
Institution/jurisdiction: S.Ghislain
Diocese: Diocese Cambrai
Principality: Hainaut
Religious order: Benedictines

DATE

Scholarly dating (preferential)	24/3/1174 (donnée par document / mentioned in document - )
Scholarly dating (any)	24/3/1174 (donnée par document / mentioned in document - ) Scholarly qualification: -
Date in the charter	24/3/1174
Place-date (in the text)	Aquisgrani
Place-date (normalised)	Aachen (DEUTSCHLAND, Nordrhein-Westfalen, Köln) Diocese: Diocese Liège Principality: Lower Lorraine

SUMMARY AND DESCRIPTION

Summary	prend l'abbaye sous protection et lui confirme ses possessions et ses droits
Description	Language: Latin Authenticity: unsuspected document Textual tradition: copy (records) Nature of the charter: diploma

FULL TEXT OF CHARTER


In nomine sanctae et indiuiduae trinitatis. Fredericus diuina fauente clementia Romanorum imperator augustus. Aequitas iustitiae et regni auctoritas nos ammonent omnium ecclesiarum et maxime earum quae ad regnum pertinent paci et quieti clementer prouidere et ipsarum iura illibata conseruare. Eapropter omnium christi regni que nostri fidelium tam futurorum quam praesentium nouerit industria qualiter uir uenerabilis Lambertus abbas monasterii sancti Gisleni celsitudinem nostram adiens petiit ut et hoc idem monasterium a praedecessoribus nostris Dagoberto Ottone tertio Henrico secundo Cuonrado item que Henrico tertio regibus et imperatoribus constructum sub nostrae defensionis patrocinio susciperemus et res eidem monasterio pertinentes sicut in priuilegiis eorum praedecessorum nostrorum continetur eidem coenobio confirmaremus. Nos itaque ob regni nostri firmam stabilitatem et animae nostrae nostrorum que parentum perpetuam salutem interuentu quoque et petitione carissimae coniugis nostrae Beatricis imperatricis precibus ipsius aurem clementiae accommodantes praedictam sancti Gisleni cellam ita prorsus ab omni iure mortalium liberam quod nulli ex temporalibus prater creatorem suum deum seruire haberet excepta solum honoris largitione de manu regis et imperatoris sicut de manu liberi aduocati recipienda sub nostrae tuitionis patrocinio suscipimus et omnes res ad eam pertinentes iuxta tenorem priuilegiorum praefatorum regum et imperatorum lege in perpetuum ualitura eidem monasterio renouamus et confirmamus item renouamus et imperiali auctoritate confirmamus in omni possessione iam dictae ecclesiae uidelicet in terris in pratis in siluis in aquis in uillis et in seruis nullum aduocatum praeter abbatem habere. Sane seruos cuiuscumque ciuitatis castri siue alterius loci incolae fuerint lege nulla impediente suae ecclesiae adstrictos abbati que ac si domino et aduocato suo per omnia seruituros prouida iudicii ratione asserimus. Statuimus etiam ut defuncto abbate fratres eiusdem monasterii inuocata sancti spiritus gratia idoneum et rectorem utilem libere sibi eligant qui tempore oportuno praesentiae regali se exhibeat et facto regiae maiestati hominio inuestituram abbatiae de manu regia suscipiat. Adiicimus etiam ut sicut ex sententia principum coram nobis iudicatum est nullus uillicationem in possessionibus ad eumdem locum pertinentibus hereditario iure teneat uel repetat sed abbas qui pro tempore fuerit idoneum et fidelem uillicum de familia monasterii constituat et deponat ac si quis de familia monasterii abbati suo rebellis inuentus fuerit ex iudicio et districtione parium suorum ad satisfactionem abbatis cogatur. Decernimus ergo et regia auctoritate praecipimus ut nullus successorum nostrorum regum et imperatorum nullus episcopus dux marchio comes uel uicecomes aut alia quaelibet persona magna siue parua huius nostrae renouationis confirmationem infringere praesumat sed praedictus abbas sui que successores nostra freti authoritate bona monasterii recolligendo pristinam eiusdem loci libertatem sine impedimenti molestia obtineant. Si quis uero quod absit huius praecepti nostri statutum infringere temptauerit centum libras auri puri componat quarum partem dimidiam fisco nostro et reliquam praedicto monasterio persoluat. Ut autem haec ab omnibus credantur et inconuulsa seruentur hanc inde cartam scribi et sigilli nostri impressione insigniri iussimus manu que propria corroborantes idoneos testes subnotari fecimus. Martinus sanctae Romanae sedis cardinalis et cancellarius Philippus Coloniensis archiepiscopus Arnoldus Treuirensis archiepiscopus Otto Aquensis praepositus Wortuinus protonotarius Hugo Coloniensis decanus Lotharius Bonnensis praepositus Herleboldus Stabulensis abbas Florentius Indensis abbas Godefridus dux lotharingiae Conradus palatinus frater imperatoris Ludowicus lantgrauius et frater eius Henricus Henricus comes de Disd Engelbertus comes de monte Willelmus comes Iuliacensis Gerardus comes de Los et frater eius Hugo. Signum domini Friderici Romanorum imperatoris augusti. Ego Godefridus cancellarius uice Cristiani Moguntini archicancellarii recognoui anno incarnationis domini MCLXXIIII indictione VII Friderico imperante Henrico regnante. Datum Aquisgrani in pascha domini coronato imperatore ibidem anno imperii eius uigesimo regni uero XXIII.

Source	DE REIFFENBERG F. 1844

TRADITION

Original	No
Manuscripts	Mons, Archives de l'Etat [AE], Fonds Cartulaires 60 (1401-1600)

EDITIONS AND SECONDARY LITERATURE

Editions	APPELT H.. Die Urkunden Friedrichs I. (Monumenta Germaniae Historica. Die Urkunden der deutschen Könige und Kaiser, X), 5 vol., Hannover, 1975-1990., 3, n.614, p.103-104, LINK LINK
	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.383-384, LINK LINK
Secondary literature	APPELT H.. Die Urkunden Friedrichs I. (Monumenta Germaniae Historica. Die Urkunden der deutschen Könige und Kaiser, X), 5 vol., Hannover, 1975-1990., 3, p.103, LINK LINK
	LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 355, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.544, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.766, LINK LINK
	BOEHMER J.F.-OPLL F.. Regesta Imperii IV. Lothar III. und ältere Staufer 1125-1197. 2. Abt.: Die Regesten des Kaiserreichs unter Friedrich I. 1152 (1122) - 1190. 3. Lief.: 1168-1180, Wien-Köln-Weimar, 2001., n.2062, p.89, LINK LINK
	AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, RI IV,2,3 n.2062, LINK LINK