Diplomatica Belgica - Record 3931

DiBe ID

3931

ACTORS

Issuer(s)
(= author)

Function/title: pope
Name: Gelasius II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Gelasius II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Audoenus III abbot
Institution/jurisdiction: S.Ghislain
Diocese: Diocese Cambrai
Principality: Hainaut
Religious order: Benedictines

DATE

Scholarly dating (preferential)	12/4/1118 (donnée par document / mentioned in document - )
Scholarly dating (any)	12/4/1118 (donnée par document / mentioned in document - ) Scholarly qualification: -
Date in the charter	12/4/1118
Place-date (in the text)	Capuae
Place-date (normalised)	Capua (ITALIA, Campania, Caserta) Diocese: Principality: Naples

SUMMARY AND DESCRIPTION

Summary	prend l'abbaye sous sa protection et lui confirme ses possessions (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Gelasius episcopus seruus seruorum dei dilecto filio Odoino abbati monasterii quod in honore sanctorum apostolorum Petri et Pauli et sancti Gislani constructum est in pago Hainoensi super Haynam fluuium in loco qui uocatur Cella eius que successoribus regulariter substituendis in perpetuum. Piae postulatio uoluntatis effectu debet prosequente compleri quatenus et deuotionis sinceritas laudabiliter enitescat et utilitas postulata uires indubitanter assumat. Quia igitur dilectio tua ad sedis apostolicae portum confugiens eius tuitionem deuotione debita requisiuit nos supplicationi tuae clementer annuimus et Cellense monasterium cui deo auctore praesides iuxta confratris nostri Burcardi Cameracensis episcopi petitionem eiusdem sedis apostolicae protectione munimus. Statuimus enim ut uniuersa quae in praesenti XI indictione concessione pontificum liberalitate principum oblatione fidelium uel aliis iustis modis idem monasterium possidet firma uobis uestris que successoribus et illibata permaneant in quibus haec propriis duximus nominibus annotanda uidelicet uillam Hornud cum appenditio suo Bussut et cum caeteris pertinentiis suis ab omni aduocatione liberam sicut in regum priuilegiis continetur Villare quod dicitur Ultra Montes cum pertinentiis suis excepto comitatu partem de Bussoit in terris et curtilibus et caeteris pertinentiis suis in uilla Vellerelle et in Harminiaco terras et curtilia in nouella terram arabilem carrucatae unius quartam partem uillae Blelgeiis cum districto uillam Offineias totam cum pertinentiis suis partem uillae Durni cum silua et districto in uilla Elogia curtem dominicatam cum terris et curtilibus uillam Gualherias totam liberam in uilla Aldrineiis cum terris et curtilibus curtem dominicatam in uilla Cauren curtem dominicatam cum terris pratis siluis aquis et curtilibus molendina tria infra coenobii ambitum in ecclesiae circuitu aquam piscatoriam cum pratis et districto in Baudulio curtem dominicatam cum terris et curtilibus uillam Basecles cum appenditiis et pertinentiis suis sicut in regum priuilegiis continetur alodia de Imbrechies de uilla de Rumineis de Guileries de Scornai de Humberges de Hersele de Eurebech de Resbais de Perecasa de Hisel de Tungres de Ottineis de Iorbisa de Herbiolo de Sirau de Altrege de Vileroth de Oleis de Simulgeis de Dimunt de Rembrechies de Hostrineis de Roisin de Angrello de Morteruls de Ursineis de Simurch de Gesineis de Spieres de Cipli de Fleineis de Obies de Guamiolo de gussineis de Hercana de Vileroth de Seniz de Campania Gualdini et alodium Alemannis molendinum de Haat octauam partem uillae Angre altaria de Cella cum ecclesia et appenditiis suis Hornud et Quaregione de Durno cum ecclesia et appenditiis suis Blelgeis Hercana Asticies Heslogio de Monticulo de Villari cum ecclesia et appenditiis Harminei et Bauuineis de Guamia cum appenditiis suis Guamiolo Resineis de Basecles cum ecclesia et appenditiis suis Guadelencurth Heilies Gualdineis de Haltregio cum appenditio suo uilla a personatu et omni exactione libera praeter episcopi obsonia altare de Bussut a personatu et omni exactione liberum praeter annuum sex denariorum redditum pro episcopi obsonio altare de Baldurno cum appenditio suo Vilerello a personatu et omni exactione liberum praeter annuum trium solidorum redditum pro episcopi obsonio lignorum que incisionem in silua Bandulii sicut ab illustris memoriae Balduino comite monasterii uestri utilitatibus concessa est nobis in perpetuum confirmamus. Quaecumque praeterea in futurum largiente deo iuste atque canonice poteritis adipisci quieta semper et integra conseruentur. Decernimus ergo ut neque Hainoensium comiti neque ulli omnino hominum liceat supradictum monasterium temere perturbare exactiones ab eo extorquere eius seruos uel ancillas praeter abbatis consensum capere uel incarcerare possessiones auferre uel ablata retinere minuere uel temerariis uexationibus fatigare sed omnia integra conseruentur eorum pro quorum sustentatione et gubernatione concessa sunt usibus omnimodi profutura. Obeunte te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia praeponatur nisi quem fratres uel fratrum pars consilii sanioris uel de suo uel de alieno si oportuerit collegio secundum dei timorem et beati Benedicti regulam prouiderit eligendum. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districtae ultioni subiaceat. Cunctis autem eidem monasterio iusta seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Ego Gelasius catholicae ecclesiae episcopus. Signum manus meae: deus in loco sancto suo ego senes dei gratia Capuanus archiepiscopus ego Petrus Portuensis episcopus ego Deusdedit presbyter cardinalis sancti Laurentii qui dicitur in Damaso ego Hugo cardinalis tituli apostolorum ego Petrus cardinalis presbyter tituli sanctae Susannae ego Romualdus cardinalis diaconus sanctae Mariae ego Comes cardinalis diaconus sanctae Mariae in agro ego Rossemannus cardinalis diaconus sancti Georgii. Datum Capuae II idus aprilis per manum Grisogoni sanctae Romanae ecclesiae diaconi cardinalis anno dominicae incarnationis MCXVIII indictione XI pontificatus autem domini Gelasii papae anno I.

Source	DE REIFFENBERG F. 1844

TRADITION

Original	No
Manuscripts	Mons, Archives de l'Etat [AE], Fonds Cartulaires 60 (1401-1600)
	Mons, Archives de l'Etat [AE], Fonds Cartulaires 61 bis (1628)

EDITIONS AND SECONDARY LITERATURE

Editions	NELIS H.. Etudes de diplomatique médiévale. I. Examen critique de chartes et bulles apocryphes de l'abbaye de Saint-Ghislain (965-1145), dans: Analectes pour servir à l'Histoire ecclésiastique de la Belgique, 33 (1907), p.73-107, 227-274., planche 2 (fac-similé fragmentaire), LINK LINK
	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.341-343, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.6641, p.776, LINK LINK LINK LINK LINK LINK LINK
	NELIS H.. Etudes de diplomatique médiévale. I. Examen critique de chartes et bulles apocryphes de l'abbaye de Saint-Ghislain (965-1145), dans: Analectes pour servir à l'Histoire ecclésiastique de la Belgique, 33 (1907), p.73-107, 227-274., p.103-105, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.93, LINK LINK