Diplomatica Belgica - Record 3930

DiBe ID

3930

ACTORS

Issuer(s)
(= author)

Function/title: pope
Name: Gelasius II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Gelasius II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Audoenus III abbot
Institution/jurisdiction: S.Ghislain
Diocese: Diocese Cambrai
Principality: Hainaut
Religious order: Benedictines

DATE

Scholarly dating (preferential)	//1185 (approximation - NELIS)
Scholarly dating (any)	9/4/1118 (donnée par document / mentioned in document - ) Scholarly qualification: -
	//1185 (approximation - NELIS) Scholarly qualification: FORGERY
Date in the charter	9/4/1118
Place-date (in the text)	Capuae
Place-date (normalised)	Capua (ITALIA, Campania, Caserta) Diocese: Principality: Naples

SUMMARY AND DESCRIPTION

Summary	prend l'abbaye sous sa protection et lui confirme ses possessions (énumération)
Description	Language: Latin Authenticity: document regarded as a forgery Textual tradition: copy (records) Nature of the charter: bull

FULL TEXT OF CHARTER


Gelasius episcopus seruus seruorum dei dilecto filio Odoino abbati monasterii quod in honore sanctorum apostolorum Petri et Pauli et sancti Gislani constructum est in pago Hainoensi super Haynam fluuium in loco qui uocatur Cella eius que successoribus regulariter substituendis in perpetuum. Piae postulatio uoluntatis effectu debet prosequente compleri quatenus et deuotionis sinceritas laudabiliter enitescat et utilitas postulata uires indubitanter assumat. Quia igitur dilectio tua ad sedis apostolicae portum confugiens eius tuitionem deuotione debita requisiuit nos supplicationi tuae clementer annuimus et Cellense monasterium cui auctore deo praesides iuxta confratris nostri Burcardi Cameracensis episcopi petitionem eiusdem sedis apostolicae protectione munimus. Statuimus enim ut uniuersa quae in praesenti XI indictione concessione pontificum liberalitate principum oblatione fidelium uel aliis iustis modis idem monasterium possidet firma uobis uestris que successoribus et illibata permaneant in quibus haec propriis duximus nominibus annotanda uillam Hornud cum appenditio suo Bussud et caeteris pertinentiis suis ab omni aduocatione liberam sicut in regum priuilegiis continetur Villare quod dicitur Ultra Montes cum pertinentiis suis excepto comitatu partem de Bossoit in terris et curtilibus et caeteris pertinentiis suis ab omni aduocatione liberam quartam partem uillae Blengies tam in terris dominicatis quam in caeteris pertinentiis cum districto in uilla Alemannis quae sita est in pago Suessionensi curtem dominicatam et quatuor carrucatas terrae cultae et incultae cum uineis pratis paludibus siluis pascuis aquis redditibus uinearum et omni decima memoratae curtis et terrae quod ex donatione Elephantis abbatis qui fuit propinquus Karoli regis antiquitus possidet hereditario iure beatus Gislenus in uilla Slogia curtem dominicatam et carrucatam terrae arabilis cum curtilibus et tota decima tam ipsius terrae quam omnium feodorum eiusdem uillae in silua Baldulii decimam quercum et decimum denarium de pasnagio incisionem que lignorum ad omnes ecclesiae usus infra ambitum monasterii tam in fomentis ignium quam in structura aedificiorum libertatem quoque piscandi in fluuio Haynae a Gamapio usque ad Condatum quotiens fratres uoluerint siluam Richeltalnoit et medietatem Haynae ad usum molendinorum suorum ab antiquo possessam uobis in perpetuum confirmamus. Quaecumque praeterea in futurum largiente deo iuste atque canonice poteritis adipisci quieta semper et integra conseruentur. Decernimus ergo ut neque Hainoensium comiti neque ulli omnino hominum liceat supradictum monasterium temere perturbare exactiones ab eo extorquere eius seruos uel ancillas praeter abbatis consensum capere uel incarcerare possessiones auferre uel ablata minuere retinere uel temerariis uexationibus fatigare sed omnia integra conseruentur eorum pro quorum sustentatione et gubernatione concessa sunt usibus omnimodis profutura. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districtae ultioni subiaceat cunctis autem eidem monasterio iusta seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen. Ego Gelasius catholicae ecclesiae episcopus. Signum manus meae: deus in loco sancto suo. Ego senes dei gratia Capuanus archiepiscopus. Ego Petrus Portuensis episcopus. Ego Deusdedit presbiter cardinalis sancti Laurentii qui dicitur in Damaso. Ego Hugo cardinalis tituli apostolorum. Ego Petrus cardinalis presbyter tituli sanctae Susannae. Ego Romualdus cardinalis diaconus sanctae Mariae. Ego Comes cardinalis diaconus sanctae Mariae in agro. Ego Rossemanus cardinalis diaconus sancti Georgii. Datum Capuae V idus aprilis per manum Grisogoni sanctae Romanae ecclesiae diaconi cardinalis anno dominicae incarnationis MCXVIII indictione XI pontificatus autem domini Gelasii II papae anno I.

Source	DE REIFFENBERG F. 1844

TRADITION

Original	No
Manuscripts	Mons, Archives de l'Etat [AE], Fonds Cartulaires 60 (1401-1600)
	Mons, Archives de l'Etat [AE], Fonds Cartulaires 61 bis (1628)

EDITIONS AND SECONDARY LITERATURE

Editions	NELIS H.. Etudes de diplomatique médiévale. I. Examen critique de chartes et bulles apocryphes de l'abbaye de Saint-Ghislain (965-1145), dans: Analectes pour servir à l'Histoire ecclésiastique de la Belgique, 33 (1907), p.73-107, 227-274., planche 1 (fac-similé fragmentaire), LINK LINK
	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.339-341, LINK LINK
Secondary literature	NELIS H.. Etudes de diplomatique médiévale. I. Examen critique de chartes et bulles apocryphes de l'abbaye de Saint-Ghislain (965-1145), dans: Analectes pour servir à l'Histoire ecclésiastique de la Belgique, 33 (1907), p.73-107, 227-274., p.227-243, LINK LINK LINK
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.6639, p.776, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.93, LINK LINK