Diplomatica Belgica - Record 3884

DiBe ID

3884

ACTORS

Issuer(s)
(= author)

Function/title: king/queen
Name: Charles II the Bald
Institution/jurisdiction: France
Diocese: Archbishopric Sens
Principality: France
Religious order:

Author(s) of the actio juridica

(= disposer)

Function/title: king/queen
Name: Charles II the Bald
Institution/jurisdiction: France
Diocese: Archbishopric Sens
Principality: France
Religious order:

Beneficiary(ies)

(= recipient)

Function/title: monastic house
Name: Gautelinus abbot
Institution/jurisdiction: S.Amand
Diocese: Diocese Tournai
Principality: Tornacensis
Religious order: Benedictines

DATE

Scholarly dating (preferential)	4/2/872 (conjecture précise / accurate conjecture - FINOT/TESSIER/PLATELLE)
Scholarly dating (any)	4/2/872 (conjecture précise / accurate conjecture - FINOT/TESSIER/PLATELLE) Scholarly qualification: -
	4/2/871 (date impossible / impossible date - WAUTERS) Scholarly qualification: -
Place-date (in the text)	in monasterio sancti Vedasti
Place-date (normalised)	Arras (S.Vaast) (FRANCE, Hauts-de-France, Pas-de-Calais) Diocese: Diocese Arras Principality: Artois (pagus)

SUMMARY AND DESCRIPTION

Summary	assure à la mense conventuelle la possession de l'église de Barisis avec soixante-sept manses , y ajoute plusieurs biens sis en Tournaisis , confirme leurs revenus dans sa consistance actuelle et concède un bénéfice
Description	Language: Latin Authenticity: unsuspected document Textual tradition: copy (records) Nature of the charter: diploma

FULL TEXT OF CHARTER


In nomine sancte et indiuidue trinitatis. Karolus gratia dei rex. Diuinorum beneficiorum memores inter alias precipuam religionis curam gerimus et ut ea nostris diebus confirmetur atque proficiat prospicere desideramus ita enim propitium deum nobis credimus affuturum si cultus illius nostra industria incrementum accipiat. Idcirco nouerit omnium sancte dei ecclesie fidelium ac nostrorum presentium scilicet et futurorum sollertia quia Gozlinus uenerabilis abbas cenobii almi presulis Amandi adiit serenitatem culminis nostri deuote postulans ut ex rebus ipsius monasterii aliquid monachis in eodem loco deo militantibus ad eorum subleuandam indigentiam pro intuitu diuine remunerationis concedere deberemus. Cuius petitionibus ob deuotum et inreprehensibilem ergo nos eius fidelitatem libenter aurem commodantes hos serenitatis nostre apices fieri decreuimus per quos sancimus ut in pago Lugdunensi in loco qui uocatur Barisiacus ecclesiam cum omnibus rebus iuste et legaliter ad se pertinentibus et cum mansis LXVII a prefato abbate Gozlino illis concessis cum domibus seu et mancipiis desuper commanentibus utriusque sexus campis scilicet ac uineis et molendinis tribus deinceps iam dicti monachi per hoc nostre auctoritatis preceptum firmissime teneant. Insuper etiam addidimus ad uestimentorum usus in pago Tornacense in loco nuncupato Madria mansa VI et in Walsna molendinum unum cum bunuariis XX et in Helcinio bunuaria tria et in Dottiniacas bunuaria duo cum mancipiis utriusque sexus ad hec loca pertinentibus necnon et alia mancipia commutata Hastbertum uidelicet et Gontuuaram atque Gontrannum necnon et Bertlindem cum infantibus suis sed et mansum quem Samuel tenuit et in Castello mansum unum atque inter Mespilarios et Tunnes mansa quinque et uaccariciam que uocatur Mansus Baldini atque in Noua Uilla molendinum unum. Hec omnia et quecumque ipsi fratres moderno tempore habere uidentur cum sui integritate et concessa concedimus et noua ex nostra largitione largimur uidelicet que idem uenerabilis abbas Gozlinus nobis suggessit predictis fratribus concedenda id est beneficium quod Rodericus clericus super Helnonem fluuium tenet in loco qui uocatur Waracci Mortarium et in Brillione inter utraque mansa octo et dimidium eo uidelicet pacto ut idem Rodericus omnibus annis quamdiu res ipsas tenuerit ad missam sancti Dyonisii in memoriam eiusdem Gozlini abbatis in cibo et potu refectionem preparet sufficientem et post eiusdem Roderici decessum seu uoluntarium recessum quicumque ex fratribus res ipsas preuiderit omnibus annis deinceps similiter faciat sed et theloneum qui colligitur ex mercato petente iam dicto uenerando abbate prefatis fratribus concedimus unde idem Rodericus aut quicumque ex fratribus successor eius in eleuatione corporis sancti Amandi que est XII kalendas- octobris similiter ipsis monachis in memoriam cuius supra honestam exhibeat refectionem. Ista uero et superius memorata auctoritatis nostre priuilegio confirmamus ut dei seruos in memorato cenobio degentes pro nobis coniuge et prole atque stabilitate totius regni a deo nobis concessi continuatim orare delectet. Et ut hec nostre largitionis auctoritas inuiolabilem et inconuulsam obtineat firmitatem manu propria subter eam firmauimus et anuli nostri impressione iussimus insigniri. Signum Karoli -monogramma- gloriosissimi regis. Adalgarius notarius ad uicem Gozleni recognoui. Data II nonas- februarii- indictione IIII anno XXXII regnante Karolo gloriosissimo rege. Actum in monasterio sancti Vedasti. In dei nomine feliciter. Amen.

Source	TESSIER G.-GIRY A.-PROU M. 1934

TRADITION

Original	No
Manuscripts	Lille, Archives départementales du Nord [AD], 12 H 1 (1201-1300)

EDITIONS AND SECONDARY LITERATURE

Editions	TESSIER G.-GIRY A.-PROU M.. Recueil des actes de Charles II le Chauve, roi de France (Chartes et Diplômes relatifs à l'Histoire de France), 3 vol., Paris , 1934-1955., 2, n.357, p.294-296,
Secondary literature	PLATELLE H.. Le premier cartulaire de l'abbaye de Saint-Amand, dans: Le Moyen Age, 62 (1956), p.301-329., p.321,
	FINOT J.. Liste des diplômes des rois carolingiens et des premiers rois capétiens conservés dans les archives du Nord, dans: Bulletin de la Commission historique du département du Nord, 26 (1904), p.139-162., n.6, p.144, LINK LINK
	TESSIER G.-GIRY A.-PROU M.. Recueil des actes de Charles II le Chauve, roi de France (Chartes et Diplômes relatifs à l'Histoire de France), 3 vol., Paris , 1934-1955., 2, p.294,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.278, LINK LINK