‹
›
return to all results
| DiBe ID | 387 |
| ACTORS |
|
Issuer(s)
(= author) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Function/title:
count/countess Name: Philip I the Noble Institution/jurisdiction: Namur Diocese: Diocese Liège Principality: Namur Religious order: |
|
|
Author(s) of the actio juridica (= disposer) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Function/title:
count/countess Name: Philip I the Noble Institution/jurisdiction: Namur Diocese: Diocese Liège Principality: Namur Religious order: |
|
|
Beneficiary(ies)
(= recipient) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Function/title:
count/countess Name: Philip I the Noble Institution/jurisdiction: Namur Diocese: Diocese Liège Principality: Namur Religious order: |
| DATE |
|
Scholarly dating
(preferential) |
26/7/1199 (donnée par document / mentioned in document - ) |
|
Scholarly dating
(any) |
26/7/1199 (donnée par document / mentioned in document - ) Scholarly qualification: - |
|
Date in the charter
|
26/7/1199 |
|
Place-date (in the text) |
apud Dynant in monasterio sancti Medardi |
|
Place-date (normalised) |
Dinant (BELGIQUE, Région Wallonne, Namur)
Diocese: Diocese Liège Principality: Liège |
| SUMMARY AND DESCRIPTION |
| Summary | concluent un traité de paix , par lequel ils fixent leur droit respectif de propriété sur les terres sises des deux côtés de la Meuse vers les Ardennes et vers Namur |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Nouerint uniuersi tam futuri quam presentes quod habita diu guerra inter Balduwinum comitem Flandrie et Hainonie et Philippum fratrem eius comitem Namucensem et Theobaldum comitem Barri et Luccemburgi hoc modo facta est pax et concordia inter eos. Quod tota terra que est ultra Mosam uersus Ardennam usque ad nemus quod dicitur Ars remanet comiti Barri nemus uero predictum sicut extenditur a Mosa usque ad Mosam in longum et latum cum tota terra comprehensa in eodem nemore remanet comiti Namucensi et etiam tota terra citra Mosam uersus Namucum remanet comiti Namucensi. Omnes uero homines qui sunt in parte terre comitis Barrensis habebunt in nemore de Ars omnes consuetudines et usualia quas in nemore predicto solebant habere de iure et easdem consuetudines quas soluere de iure debebant soluent comiti Namucensi. Hoc etiam ordinatum est in concordia ista quod omnes homines undecumque sint qui terras et feoda habebant in illa parte terre que remanet comiti Barri terras et feoda sua requirent de comite Barri et ipse comes eis tenetur reddere et si eas requirere noluerint remanere debent in manu comitis Barri donec eas requisierint et quando eas requisierint comes eas eis reddere debet. Similiter erit de illis qui terras et feoda habent in diuisione terre comitis Namucensis. Aque Mose debent esse communes inter comitem Barri et comitem Namucensem usque ad nemus quod dicitur Ars sed quantum nemus illud durat aque sunt solius comitis Namucensis. Omnes homines comitis Barrensis et comitis Namucensis et coadiutores eorum qui propter guerram habitam inter eos inciderunt in faidiam uel in odium cuiusquam remanere debent in bona pace et comes Flandrensis et comes Namucensis et comes Barrensis debent eis pacem tenere et debent eos iuuare in bona fide et ad posse eorum quod in pace perpetua remaneant. Preterea sciendum est quod Balduinus comes Flandrie dedit Theobaldo comiti Barrensi quingentas libratas terre Valencenensis monete ita uidelicet quod comes Barrensis et heredes sui illas quingentas libratas terre tenere debent iure hereditario a comite Flandrensi et a suis heredibus et comes Barrensis recepit cum istis V-c libratis terre in feodum de comite Flandrensi omne allodium quod spectat ad Durbuis et omne allodium quod spectat ad Rocham et etiam omnia alodia et omnia feoda que iacent in predicta diuisione terre comitis Barrensis que descendunt de comitatu Namucensi et de hiis predictis deuenit homo ligius comitis Flandrensis ita uidelicet quod comitem Flandrensem debet iuuare precipue contra regem Francie et contra ducem Suauie et contra omnes homines qui possunt uiuere uel mori preterquam contra dominum Virdunensem episcopum et comitem Campanie ita tamen si comes Flandrie et predictus episcopus de Verduno et comes Campanie inter se propriis personis guerriauerint et si forte comes Flandrie guerram habuerit contra istos duos uel contra alterum eorum comes Barrensis debet facere seruicium fieri comiti Flandrie de feodo suo. Insuper comes Flandrie debet ad hoc inducere regem Anglie quod ipse rex Anglie dabit in feodum comiti Barri in castello et in castellania terram eque ualentem terre illi Namucensi que remanet comiti Namucensi. Et si forsitan castellum et castellania tantum non ualuerint quantum terra comitis Namucensis rex Anglie debet ei perficere in terra plana quantum poterit castello propinquiori ad dictum comitis Flandrie et comitis Bolonie et de feodo isto debet facere fieri seruicium regi Anglie contra omnes homines. Et si rex Anglie hoc facere noluerit comes Flandrie debet cum supradictis quingentis libratis terre adhuc superaddere et dare comiti Barri ducentas libratas terre et ita tenebit de comite Flandrie septingentas libratas terre et terram ultra Mosam sicut dictum est. Sciendum autem est quod si comes Barri habuerit heredem de Ermensinde comitissa Luccemburgensi uxore sua quicquid postmodum accidat de comite Barri siue comitissa alii uiro nupserit et alium heredem habuerit siue non feodum predictum remanebit heredi comitis Barri qui procedet de predicta Ermensinde. Et si forte comes Barri decesserit et nullum habuerit heredem de predicta Ermensinde et postmodum Ermensindis predicta de alio uiro cui legittime nupserit heredem habuerit ipsa et heres suus habebunt feodum predictum preter quingentas libratas terre de feodo comitis Flandrensis quas heres comitis Barrensis habebit. Si Ermensindis predicta et comes Barri uir suus absque proprio herede carnis sue decesserint omnia prenotata feoda remanebunt heredi comitis Barri. Sciendum preterea quod comes Flandrie nullo modo potest facere pacem cum rege Francie sine Theobaldo comite Barri. Ut autem omnes iste conuentiones firmiter obseruentur in perpetuum ego Balduwinus Flandrie et Hainonie comes et Maria comitissa uxor mea et Philippus comes Namucensis et Henricus fratres mei et ego Theobaldus comes Barri et Luccemburgensis et Ermensindis comitissa uxor mea eas approbauimus. Et ut etiam firmiores permaneant in perpetuum et stabiliores ego Balduinus Flandrie et Hainonie comes et ego Theobaldus comes Barri et Luccemburgensis scripto cyrographizato eas commendari fecimus et sigillorum nostrorum appensionibus et testium subscriptionibus corroborari. Testes ex parte comitis Flandrie et Hainonie Maria comitissa Flandrie et Haynonie Renaldus comes Bolonie Henricus frater comitis Flandrie et Haynonie Gerardus prepositus Brugensis et Flandrie cancellarius Willelmus patruus comitis Flandrie et Haynonie Theodericus de Walecourt Robertus de Tornehem Walterus de Soteiguien Hugo de sancto Oberto Gillebertus de Burguella Osto de Arba. Testes ex parte comitis Barri Theodericus de Masliers Theodericus de Hufalise Radulphus de Caues Arnulphus de Rodemacre Guido castellanus Barri Pontius aduocatus de Mouzons Iacobus de Orceymont Henricus de Mirewairt Nicholaus de Ham Robertus de Condato Nicholaus de Escordai Girardus de Belloramo. Actum apud Dynant in monasterio sancti Medardi iuxta pontem septimo kalendas augusti anno ab incarnatione domini millesimo centesimo nonagesimo nono. | |
| Source | PREVENIER W. 1975 |
| TRADITION |
|
Original
|
No |
| Manuscripts | Liège, Bibliothèque Générale de Philosophie et Lettres (BGPhL), Manuscrit 986 () |
| Luxembourg, Archives nationales du Grand-Duché de Luxembourg [AN], A-X-42-1 () |
| EDITIONS AND SECONDARY LITERATURE |
|
Editions
|
WAMPACH C.. Urkunden-und Quellenbuch zur Geschichte der altluxemburgischen Territorien bis zur burgundischen Zeit, I-II, Luxemburg, 1935-1938., 1, n.550, p.773-777, LINK LINK |
| WALRAET M.. Actes de Philippe Ier, dit le Noble, comte et marquis de Namur (1196-1212) (Publications de la Commission royale d'Histoire, Series I in 4°), Bruxelles, 1949., n.3, p.121-125, | |
| PREVENIER W.. De oorkonden der graven van Vlaanderen (1191-1206) (Publications de la Commission royale d'Histoire, Series I in 4°), 3 vol., Brussel, 1964-1971., 2, n.114, p.254-258, | |
| Secondary literature | TANDEL E.. Les communes luxembourgeoises (Publications de l'Institut archéologique du Luxembourg. Annales, 21-28), 7 vol. , Arlon, 1889-1894., 4, n.7, p.264, |
| VERKOOREN A.. Inventaire des chartes et cartulaires du Luxembourg (Comté puis duché) (Archives générales du Royaume), I, Bruxelles, 1914., 1, n.10, p.13-16, | |
| WAMPACH C.. Urkunden-und Quellenbuch zur Geschichte der altluxemburgischen Territorien bis zur burgundischen Zeit, I-II, Luxemburg, 1935-1938., 1, p.773, LINK LINK | |
| DERECK D.. Guillaume l'Oncle (Circa 1150-Novembre 1219). Rôle politique, fortune et descendance d'un fils naturel du comte de Hainaut Baudouin IV, dans: Annales du Cercle archéologique de Mons, 78 (1999), p.43-135., n.119, p.115, | |
| ARCHIVES NATIONALES DE LUXEMBOURG. Section ancienne. A-X-42 Livres des fiefs et des hommes féodaux de Luxembourg et Arlon, 1199-1561 (Dossier) (02/03/2009, Archives nationales de Luxembourg). URL: http://query.an.etat.lu/Query/detail.aspx?ID=212410, Ressource électronique, A-X-42-1-95v, LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.411, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.15, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
