Diplomatica Belgica - Record 3803

Diplomatica Belgica - Record 3803

DiplomataBelgica

colophon | about | copyright | contact | version française

Search | Tradition Search

DiBe 1 of 1

‹

›

return to all results

DiBe ID

3803

ACTORS

Issuer(s) (= author)	Function/title: count/countess Name: Hilduinus Institution/jurisdiction: UNKNOWN Diocese: Principality: Religious order:
Author(s) of the actio juridica (= disposer)	Function/title: count/countess Name: Hilduinus Institution/jurisdiction: UNKNOWN Diocese: Principality: Religious order:
	Function/title: serf/tributary Name: NN Institution/jurisdiction: UNKNOWN Diocese: Principality: Religious order:
Beneficiary(ies) (= recipient)	Function/title: cathedral/collegiate chapter Name: Institution/jurisdiction: Noyon (Notre-Dame) Diocese: Diocese Noyon Principality: France Religious order:

DATE

Scholarly dating (preferential)	//898 (terminus ante quem - PIRENNE)
Scholarly dating (any)	//898 (terminus ante quem - PIRENNE) Scholarly qualification: -
	//884 (terminus post quem - PIRENNE) Scholarly qualification: -
	//900 (approximation - DUVIVIER) Scholarly qualification: -
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	le comte Hilduinus donne un "fiscus" sis dans la "civitas" et le "pagus" de Tournai avec toutes les terres et les "mancipia" dépendant de ce "fiscus" et obtient la jouissance de certains biens situés dans le "pagus" de Vermandois
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Omnibus qui sacris prisce noue que legis paginis imbuti unice inherentes fidei diuino reguntur imperio liquido constat quod quicunque ad laudem et honorem obsequium que sui conditoris atque omnium bonorum largitoris exercendum necnon ad euitandos temporalis eterni que examinis laqueos aliqua sui iuris que possidet bona cultui diuino omnipotentis sincera sancte religionis deuotione offerens delegare studuerit spe credende immutationis fretus apud eundem omnium remuneratorem dominum in sancta resurrectionis gloria sibi esse profutura dubitare non patitur cum dominica per euangelium tuba cotidie clamitans in auribus ortodoxorum totius matris ecclesie populorum uoce intonet uiuifica dicens: facite uobis sacculos qui non ueterascant thesaurum indeficientem in celis quo fur non appropiat neque tinea corrumpit et iterum: thesaurizate uobis in celo et cetera item: date elemosinam et ecce omnia munera sunt uobis et alibi: date et dabitur uobis et rursum: facite uobis amicos de mammona iniquitatis ut cum defecerint recipiant uos in eterna tabernacula. Hiis itaque dominice admonitionis testimoniis prelibatis nichil hoc desiderabilius negocio nichil hoc salubrius consilio credimus quam si quid ualemus de temporalibus eterna de transitoriis stabilia de mutabilibus incommutabilia de caducis mercari festinemus sine fine mansura et in hac peregrinatione accommodata nobis commercia celesti thesaurizemus in patria ne deficiamus in uia. Quapropter ego in dei nomine Hilduinus comes cogitans de dei timore uel eterna bona retributione dono et trado ad partem ecclesie sancte Marie et sancti Medardi in Nouiomo infra murum constructe ubi Heidilo presul uenerabilis rector esse uidetur quendam fiscum quem dominus Karlomannus mihi per preceptum suum tradidit qui est situs in pago Tornacensi in eadem scilicet ciuitate Tornaco cum omni integritate terrarum uidelicet atque mancipiorum ad eiusdem caput fisci pertinentium in ea siquidem ratione ut pars prefate ecclesie hec ad integrum recipiat teneat atque possideat uel quicquid deinceps exinde facere uoluerit liberam in omnibus habeat potestatem faciendi. Propterea igitur mea fuit petitio et sua decreuit uoluntas ut hiis que supra dicta sunt presentialiter receptis de rebus predicte ecclesie supra memoratus presul in pago Vermandensi constitutis uillam Viennam nuncupatam cum omni integritate sua hoc est mansum indominicatum cum ecclesiis duabus terris cambis molendinis mansa etiam singula huic deseruientia XL ac seruos XXIII cum mancipiis desuper residentibus et ad se iure pertinentibus et in eodem pago siluam I item circa Nouiomum in plantis uineas V et Ursicampo pratum unum et in Castello mansionem unam beneficium mihi tempore uite sue usufructuario excolendi faceret. Quod ita cum consensu clericorum atque laicorum fidelium suorum fecit in ea uero ratione ut dum aduixerimus ego scilicet et frater meus Geilo necnon et filius meus Hilduinus quiddam ex hiis licentia nobis uendendi non fiat nec commutandi nec minuendi uel naufragandi sed augmentandi et emeliorandi annis que singulis ad festiuitatem sancti Medardi denariorum solidi III nostra de parte soluantur sin aliter legibus componamus. Post nostrum itaque de hoc seculo discessum predicte res cum integritate et emelioratione ad potestatem prefate ecclesie absque ullius contradictione recipiantur et si aliquis horum quod minime est credendum repetitor existens contra hanc traditionem a me sponte factam uenire uoluerit eam que infringere conatus fuerit nequaquam ad effectum perducat sed potius inferat cui litem intulerit auri pondera C et argenti libram I coactus exsoluat et quod repetit euendicare non ualeat sed presens hec donatio firma stabilis que permaneat cum stipulatione subnixa.

Source	DUVIVIER CH. 1898

TRADITION

Original	No
Manuscripts	Beauvais, Archives départementales de l'Oise [AD], G 1984 (1201-1400)

EDITIONS AND SECONDARY LITERATURE

Editions	DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 1, n.1, p.3, LINK LINK
Secondary literature	PIRENNE H.. Le fisc royal de Tournai, dans: Mélanges d'Histoire du Moyen Age offerts à M.Ferdinand Lot par ses amis et ses élèves, Paris, 1925, p.641-648., p.644-646, LINK LINK
	GRAT F.-DE FONT-REAULX J.-TESSIER G.-BAUTIER R.H.. Recueil des Actes de Louis II le Bègue, Louis III et Carloman II, rois de France (877-884) (Chartes et Diplômes relatifs à l'Histoire de France), Paris, 1978., p.219-220,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.22, LINK LINK

Collaborator: Philippe Demonty