Diplomatica Belgica - Record 3777

DiBe ID

3777

ACTORS

Issuer(s)
(= author)

Function/title: bishop
Name: Baudry II
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Baudry II
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Liège (S.James)
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	1/6/1101 (terminus ante quem - STIENNON)
Scholarly dating (any)	//1016 (donnée par document / mentioned in document - ) Scholarly qualification: -
	6/9/1016 (conjecture précise / accurate conjecture - WAUTERS/COENEN) Scholarly qualification: -
	1/6/1101 (terminus ante quem - STIENNON) Scholarly qualification: FORGERY
	//1101 (approximation - STIENNON) Scholarly qualification: FORGERY
Date in the charter	//1016
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	cède l'alleu de Celles-lez-Waremme et les domaines de Hanret , Marneffe et Yernawe (S . Georges-sur-Meuse)
Description	Language: Latin Authenticity: suspected document Textual tradition: original Nature of the charter: charter

FULL TEXT OF CHARTER


In nomine sanctę et indiuiduę trinitatis. Quia manentem in hoc mundo ciuitatem constat quenquam non habere futuram quę in cęlis est qui sani consilii sunt non negligunt inquirere et ad hanc possidendam quanto quisque potuerit studio anhelare. In qua etsi primum obtinere gradum ex diuina promerentur gratia qui obtimam partem elegerunt cum Maria illos tamen ab eius beatitudine nequaquam credendum est excludi qui more Marthę ipsi christo in suis fidelibus eius scilicet uestigiis adherentibus officiosa caritate frequens ministerium satagunt impendere. Nam quorum uoluntariam paupertatem in proposito beatę ac quietę uitę de suis facultatibus pro nomine Iesu uidentur sustentare eorum etiam in futuro donabuntur mercede ipso domino in euangelio sic attestante: qui recipit prophetam in nomine prophetę mercedem prophetę accipiet. Hanc domini auctoritatem me cum retractans et cum fidelibus christi tantam mercedem accipere desirans ego Baldricus sanctę Leodiensis ęcclesię sacerdos indignus cum ex propriis operibus plus odii timerem quam amoris sperarem decreui eos michi amicos et adiutores preparare qui me deficientem in ęterna possent tabernacula recipere. Ea ergo spe et consilio confugiens ad tutelam et patrocinium sancti Iacobi apostoli fratris domini et omnium apostolorum christi qui omnia pro eius amore relinquentes ipsum secuti sunt nudi in honore et uenerabili memoria eorum cenobium monachorum temptaui construere in insula Leodii. Ubi collocato ęcclesię fundamento cum iam criptam ipsius ad effectum perduxissem nesciens diem neque horam acceleraui eam dedicare VIII idus septembris in honore sancti Andreę apostoli cuius pias ac semper uenerabiles reliquias ibidem in altari recondidi. Tali autem meę deuotionis ędificio incepto in dotem asscripsi plusquam bonuarium terrę undique adiacentis eam que liberam fore ab omni exactione decreui et allodium quod silua nominatum hereditario iure michi competebat eodem die ad ipsum altare per manum Wigeri aduocati contradidi presentibus fratribus meis Gileberto uidelicet comite de Los et Arnulfo et aliis quampluribus clericis ac laicis liberis beatos uidelicet apostolos Iacobum et Andream faciens in primis patrimonii mei heredes. Deinde fratres ibidem deo sub regula et abbate seruientes quos cum sanctis apostolis redemptionis animę meę fideiussores esse decreueram. Quorum amabiles primitias quas ibi iam ad cultum dei constitueram cum postmodum interrogassem quem predicti allodii uel ęcclesię aduocatum esse uellent fratrem que meum Gilebertum comitem de Los sibi eligerent libenter annui petitioni eorum sperans a nullo fidelius aut rectius quam ab ipso et ab eius heredibus detineri ac foueri ęcclesiam quam pro mea et eorum salute construere inceperam. Sed iterum metuens ne forte aliquando uel ipse uel heredes eius obliti fidei et propinquitatis iusticię ac pietatis libera uellent uti potestate et prauas consuetudines per accessum temporum bonis ęcclesię uiolenter irrogare uisum est michi sub iudicio et testimonio illustrium uirorum illi constituere quid iuris haberet quid premii speraret pro ipsa aduocatione et ne aliquando quisquam illud infringere uellet pręsenti cartę cum idoneis testibus inserere. Nouerit ergo ipse cum sua successione nouerint omnes filii ęcclesię in prędicto fundo quod siluam ex pulchritudine circunstantium siluarum nominauimus id iuris illi tantummodo constitutum esse ut ad tria generalia placita solummodo in anno illuc ueniat sic tamen ut non amplius quam ad opus decem uirorum et undecim equorum seruitium quod ei adiudicatum fuerit accipiat et de omnibus quę in his tribus placitis annuntiata uel correcta seu corrigenda et placitanda usque ad legitimas noctes fuerint ministri et scabinorum consilio tercium denarium sibi tollens abeat in pace. De omnibus uero aliis quę foris uel intus abbas uel minister eius per se corrigere toto tempore poterit nichil exigat nec de ullo negocio molestus sit ei in ipso predio non pernoctet nichil precetur denique non ueniat nisi iuxta proprietatem nominis sui aduocetur. Pręterea ut ipsam aduocationem in manu sua semper teneat nulli unquam beneficet neque sub se quenquam instituat nisi abbatis et fratrum uoluntate et consensu id fiat pro quo id meriti speret ut de peccatis suis consequatur ueniam. Sin autem aliud fecerit iram dei quam meretur se incurrere sciat. Itaque aduocatione ęcclesię data fratri meo Gileberto comite scilicet de Los tradidi per manum eius ad supradictum altare sancti Andreę duo predia cum omnibus appendiciis et procincturis suis Hanretium uidelicet et Matrenam tercium quoque quod dicitur Ernau quod de bonis sancti Lamberti pro Pasnaldes commutaui eodem die tradidi cum omnibus appendiciis suis excepta ę et nona. Sed duo quę pręmisi quia a comitatu fratris mei remota erant aliis prouidenda committere decreui Ernau uero quod propinquum erat sub aduocatione eiusdem fratris mei constitui ea tamen lege qualem antiquitus ibi fuisse compertum habui uidelicet ut in procincturis Ernau nemo sequentium forestem uel aliquam potestatem intercipere presumat sed cum quanta pace sanctus Lambertus possederat cum tanta et sancti apostoli possideant. Testes dux Godefridus Arnulfus comes frater comitis Gileberti Wigerus aduocatus Godescalcus de Sancto Germano Oldo de Tornines Rogerus filius Lamberti Eurardus filius Tiebaldi Rodulfus de Haleh Lambertus de Oltapie Hethelinus de Sencile Engo de Vilencen Hugo de Cultuen Hugo de Tormala et alii quamplures liberi homines. Acta sunt hęc anno ab incarnatione domini MXVI indictione XIIII imperante feliciter Heinrico secundo.

Source	HARSIN P. 1930

TRADITION

Original	Yes Liège, Collection particulière R.JANNE,
Separate copies	Liège, Archives de l'Etat [AE],
Manuscripts	Liège, Archives de l'Etat [AE], Abbaye de Saint-Jacques (Liège) - Chartrier ()
	Liège, Bibliothèque Générale de Philosophie et Lettres (BGPhL), Manuscrit 188 (1635-1640)
	Liège, Archives de l'Etat [AE], Manuscrits généalogiques de J. G. et J. H. Lefort. 2e partie - Manuscrit 17 ()

EDITIONS AND SECONDARY LITERATURE

Editions	STIENNON J.. L'écriture diplomatique dans le diocèse de Liège du XIe au milieu du XIIIe siècle. Reflet d'une civilisation (Bibliothèque de la Faculté de Philosophie et Lettres de l'Université de Liège, série grand in 8· (Jésus), fasc.5), Paris, 1960., planche 162 (fac-similé fragmentaire), p.167,
	HARSIN P.. Contribution à l'étude de la paléographie liégeoise. Les chartes de Saint-Jacques du XIe siècle, dans: Bulletin de la Société d'Art et d'Histoire du Diocèse de Liège, 22 (1930), p.53-72., p.69-72 (+ fac-similé),
	STIENNON J.. Etude sur le chartrier et le domaine de l'abbaye de Saint-Jacques de Liège (1015-1209) (Bibliothèque de la Faculté de Philosophie et Lettres de l'Université de Liège, 124), Paris, 1951., planche 10 (fac-similé), LINK
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.146, p.84,
	NIERMEYER J.F.. Onderzoekingen over luikse et maastrichtse oorkonden en over de Vita Baldrici Episcopi Leodiensis. Een bijdrage tot de geschiedenis van burgerij en geestelijkheid in het Maasgebied tot het begin van de dertiende eeuw (Bijdragen van het Instituut voor middeleeuwsche Geschiedenis der Rijks-universiteit te Utrecht, 20), Groningen, 1935., p.70-75, LINK LINK
	STIENNON J.. L'écriture diplomatique dans le diocèse de Liège du XIe au milieu du XIIIe siècle. Reflet d'une civilisation (Bibliothèque de la Faculté de Philosophie et Lettres de l'Université de Liège, série grand in 8· (Jésus), fasc.5), Paris, 1960., p.49-51, 81, 84-99, 169,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.666, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.454, LINK LINK