‹
›
return to all results
| DiBe ID | 3707 |
| ACTORS |
|
Issuer(s)
(= author) |
Function/title:
pope Name: Alexander III Institution/jurisdiction: Rome Diocese: Principality: Papal States Religious order: |
|
Author(s) of the actio juridica (= disposer) |
Function/title:
pope Name: Alexander III Institution/jurisdiction: Rome Diocese: Principality: Papal States Religious order: |
|
Beneficiary(ies)
(= recipient) |
Function/title:
cathedral/collegiate chapter Name: Godescalc dean Institution/jurisdiction: Brussels (S.Gudula) Diocese: Diocese Cambrai Principality: Brabant (Leuven) Religious order: |
| DATE |
|
Scholarly dating
(preferential) |
9/4/1174 (nouveau style / new style - RAMACKERS/LEFEVRE/LEFEVRE-GODDING) |
|
Scholarly dating
(any) |
9/4/1174 (nouveau style / new style - RAMACKERS/LEFEVRE/LEFEVRE-GODDING) Scholarly qualification: - |
| 9/4/1173 (donnée par document / mentioned in document - ) Scholarly qualification: - | |
|
Date in the charter
|
9/4/1173 |
|
Place-date (in the text) |
Anagnie |
|
Place-date (normalised) |
Anagni (ITALIA, Latium, Frosinone)
Diocese: Principality: Papal States |
| SUMMARY AND DESCRIPTION |
| Summary | prend le chapitre sous sa protection , lui confirme ses possessions et lui accorde plusieurs privilèges (énumération) |
|
Description
|
Language:
Latin Authenticity: unsuspected document Textual tradition: original Nature of the charter: bull |
| FULL TEXT OF CHARTER |
| Alexander episcopus seruus seruorum dei dilectis filiis Godescalco decano et canonicis ecclesie sancti Michaelis sancte que Gudile Brucsellensis tam presentibus quam futuris canonice substituendis in perpetuum effectum iusta postulantibus indulgere et uigor equitatis et ordo exigit rationis presertim quando petentium uoluntatem et pietas adiuuat et ueritas non relinquit. Eapropter dilecti in domino filii uestris iustis postulationibus benignius annuentes prelibatam ecclesiam cum omnibus pertinentiis suis sub beati Petri ac nostra protectione suscipimus et presentis scripti priuilegio communimus statuentes ut quascumque possessiones quecumque bona eadem ecclesia inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo ecclesia uestra sita est cum cimiterio et adiacentiis suis capellam sancti Iacobi in Caldenberga cum omnibus pertinentiis suis capellam sancti Nicolai in foro inferiori cum omni iure et pertinentiis suis capellam sancti Gaugerici supra Sennam fluuium cum omni iure et pertinentiis suis tria etiam hospitalia infra ambitum oppidi uestri cum omnibus pertinentiis suis quibus ad receptionem pauperum et peregrinorum prouidere tenemini ecclesiam sancti Iohannis de Molenbeke cum decimis terris et omnibus que infra parrochiam illam habere noscimini ecclesiam de Meltbruc a Petro quondam ipsius ecclesie persona per manum Cameracensis episcopi perpetuo uobis concessam cum omnibus pertinentiis suis minutam etiam decimam quam infra terminos parrochie uestre habetis cum pratis hortis mansis terris cultis et incultis et omnibus ecclesiis et decimis quas in Cameracensi episcopatu rationabiliter possidetis preterea libertates et antiquas et rationabiles consuetudines ipsius ecclesie auctoritate uobis apostolica confirmamus. Statuimus etiam ut infra terminos parrochie uestre nullus sepeliatur uel baptizetur nisi apud maiorem ecclesiam preter leprosos quibus extra oppidum secundum tenorem autentici scripti exinde facti cimiterium cum oratorio a uobis indultum est quemadmodum ab antiquo statutum est et hactenus obseruatum. Sancimus quoque ut populus tocius parrochie uestre in maioribus anni solempnitatibus ad maiorem ecclesiam ad audienda et percipienda diuina conueniant sicut a prima fundatione ecclesie statutum est et obseruatum. Cum autem commune interdictum terre fuerit liceat uobis clausis ianuis non pulsatis tintinnabulis exclusis excommunicatis et interdictis suppressa uoce diuina officia celebrare. Decernimus ergo ut nulli omnino hominum liceat eandam ecclesiam temere perturbare uel eius possessiones auferre uel ablatas retinere minuere uel quibuslicet uexationibus fatigare sed omnia illibata et integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi reatum suum congrua satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen amen. Demonstra michi uias tuas domine. Ego Alexander catholice ecclesie episcopus subscripsi-. -monogramma- beneualete. Ego Hubaldus Hostiensis episcopus subscripsi-. Ego Bernardus Portuensis et sancte Rufine episcopus subscripsi-. Ego Gualterius Albanensis episcopus subscripsi-. Ego Iohannes presbyter- cardinalis- sanctorum Iohannis et Pauli tituli- Pamachii subscripsi-. Ego Iohannes presbyter- cardinalis- tituli- sancte Anastasie subscripsi-. Ego Albertus presbyter- cardinalis- tituli- sancti Laurentii in Lucina subscripsi-. Ego Guillelmus presbyter- cardinalis- tituli- sancti Petri ad uincula subscripsi-. Ego Boso presbyter- cardinalis- sanctę Pudentianę tituli- pastoris subscripsi-. Ego Iohannes presbyter- cardinalis- tituli- sancti Marci subscripsi-. Ego Petrus presbyter- cardinalis- tituli- sancte Susanne subscripsi-. Ego Petrus presbyter- cardinalis- tituli sancti Grisogoni subscripsi-. Ego Ardicio diaconus- cardinalis- sancti Eustachii iuxta templum Agrippe subscripsi-. Ego Vitellus sanctorum Sergii et Bachi diaconus- cardinalis- subscripsi-. Ego Hugo diaconus- cardinalis- sancti angeli subscripsi-. Ego Laborans diaconus- cardinalis- sanctę Marię in porticu subscripsi-. Datum Anagnie per manum Gratiani sancte Romane ecclesie subdiaconi et notarii V idus aprilis indictione VII-a incarnationis dominice anno M° C° LXXIII° pontificatus uero domni Alexandri pape III anno XV°. | |
| Source | LEFEVRE P. 1933 |
| TRADITION |
| EDITIONS AND SECONDARY LITERATURE |
|
Editions
|
LEFEVRE P.. Quatre bulles pontificales du XIIe siècle en faveur de la collégiale des Saints Michel-et-Gudule à Bruxelles, dans: Bulletin de l'Institut historique belge de Rome, 13 (1933), p.185-192., n.2, p.188-190, |
| RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.147 (édition fragmentaire), p.288, | |
| LEFEVRE P.-GODDING P.-GODDING-GANSHOF F.. Chartes du chapitre de Sainte-Gudule à Bruxelles (1047-1300) (Université de Louvain. Recueil de Travaux d'Histoire et de Philologie, 6e série, fasc. 45), Louvain-la-Neuve-Bruxelles, 1993., n.10, p.18-20, | |
| Secondary literature | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.12368, p.275-276, LINK LINK LINK LINK LINK LINK LINK |
| LEFEVRE P.. Quatre bulles pontificales du XIIe siècle en faveur de la collégiale des Saints Michel-et-Gudule à Bruxelles, dans: Bulletin de l'Institut historique belge de Rome, 13 (1933), p.185-192., p.188, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.310, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.545, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
