‹
›
return to all results
| DiBe ID | 3621 |
| ACTORS |
|
Issuer(s)
(= author) |
Function/title:
king/queen Name: Frederick I Barbarossa Institution/jurisdiction: Germany Diocese: Diocese Liège Principality: Lower Lorraine Religious order: |
|
Author(s) of the actio juridica (= disposer) |
Function/title:
king/queen Name: Frederick I Barbarossa Institution/jurisdiction: Germany Diocese: Diocese Liège Principality: Lower Lorraine Religious order: |
|
Beneficiary(ies)
(= recipient) |
Function/title:
bishopric Name: Nicholas I Institution/jurisdiction: Cambrai Diocese: Diocese Cambrai Principality: Cambrai Religious order: |
| DATE |
|
Scholarly dating
(preferential) |
29/12/1152 (nouveau style / new style - APPELT/BOEHMER-OPLL-MAYR) |
|
Scholarly dating
(any) |
29/12/1152 (nouveau style / new style - APPELT/BOEHMER-OPLL-MAYR) Scholarly qualification: - |
| 29/12/1153 (donnée par document / mentioned in document - ) Scholarly qualification: - | |
|
Date in the charter
|
29/12/1153 |
|
Place-date (in the text) |
Treveris |
|
Place-date (normalised) |
Trier (DEUTSCHLAND, Rheinland-Pfalz, - )
Diocese: Diocese Trier Principality: Upper Lorraine |
| SUMMARY AND DESCRIPTION |
| Summary | confirme à l'évêché ses possessions (énumération) et ses droits |
|
Description
|
Language:
Latin Authenticity: unsuspected document Textual tradition: original Nature of the charter: diploma |
| FULL TEXT OF CHARTER |
| -CRUX- In nomine sanctę et indiuiduę trinitatis. Fridericus diuina fauente clementia Romanorum rex augustus. Predecessorum debet priuileya conseruare qui sua uult a decessoribus instituta seruari. Et quia regię maiestatis est iustis peticionibus aurem misericordię porrigere et precipue illis quę iudicio etiam principum ut faciamus decernuntur nec non fidelium regni necessitatibus affectu debito subuenire dilecti nostri Nicolay uenerabilis Cameracensis episcopi precibus annuentes collatam ęcclesię suę a predecessoribus nostris priuileya pietatis intuitu dignum duximus confirmare ut quod precedentium imperatorum et regum Pippini Karoli magni Lodowici Arnulfi et Octonis ęcclesię Cameracensi dedit et confirmauit auctoritas nostro roboraretur auxilio et regię nostrę auctoritatis munimine fulciretur ac ratum et inconuulsum omni futuro in posterum tempore perduraret. Auctoritatis igitur nostrę precepto iura et honorem Cameracensis ęcclesię roborantes subsignatas possossiones prefate sedi Cameracensi ad honorem et utilitatem prefati episcopi et successorum suorum irrefragabiliter assignauimus ciuitatem scilicet quę Cameracus dicitur cum iusticiis districtibus moneta molendinis tam in ciuitate quam extra aquis aquarum decursibus ęcclesiis uillis quę hactenus episcopalis possessionis extitisse noscuntur abatiam etiam sancti Gaugerici comitatum totius terrę Cameracensis castellaniam quoque et casaturas et hominia que de feudo episcopi esse consistit ad hec Nouum Castellum cum iusticiis districtis moneta molendinis aquis casatis forastum etiam tendens in longitudine a Sauasonis monte usque in illum locum ubi duę Helprę in Sambram cadunt in latitudine a uilla quę dicitur Baysis et loco qui uocatur Gorgunces ita ut Sambra decurit et duę Hellprę usque ad ulteriorem ulterioris Helprę ripam. Decernimus ergo et regia auctoritate nostra precipimus ut nullus iudex publicus uel quislibet ex iudiciaria potestate in ęcclesias aut loca uel agros seu reliquas denominatas possessiones predictę ęcclesię quas moderno tempore in quibuslibet pagiis uel territoriis infra dicionem regni nostri iuste et legaliter tenet uel possidet memorata ęcclesia uel ea quę deinceps a catholicis uiris eidem collata fuerint ęcclesię aut causas exigendas aut freda uel mansiones uel paratas faciendas aut fideiussores tollendos aut homines ipsius ęcclesię tam ingenuos quam seruos super terram ipsius commonentes aliquatenus distringendos uel ullas redibitiones aut illicitas occasiones requirendas nostris temporibus et futuris ingredi audeat uel ea que supra memorata sunt penitus exigere presumat. Porro ad exterminandas emulorum et maliuolorum suggestiones conseruandos etiam honoris et regni nostri fines prefato episcopo et successoribus suis ex regalis munificentię benignitate concedimus ut in nostra et successorum nostrorum tam regum quam imperatorum manu et tuicione nullo duce comite principe seu qualibet maiori minori ue persona intercidente donum episcopatus sollicitudo inrefragabiliter permaneant ut clerus et ordo in seruicio dei roboretur principum quoque et populi fidelitas nobis et regno nostro inuiolabiliter conseruetur. Preterea nouam illam nociuam que consuetudinem quę uulgo gaulum dicitur quam iniusta usurpatione solet comes Flandrensis exigere predicto fideli nostro Nicolao episcopo ciuitati ęcclesię et territorio Cameracensi ex regalis auctoritatis beneficio remittimus statuentes ut nullo in posterum tempore liceat Flandrensi uel cuilibet alii comiti seculari ue persone ad predictam consuetudinem manum mittere uel ęcclesię Cameracensis pacem super iniustis uexationibus fatigare sed liceat memorato presuli suis que successoribus res predictę ęcclesię cum cellulis et rebus uel hominibus sibi legaliter subiectis sub inmunitatis nostre defensione quieto ordine possidere et nostro fideliter regno parere atque pro stabilitate nostra uel tocius regni a deo nobis collati uel conseruandi una cum clero et populo sibi subiecto libere dei misericordiam exorare. Et quicquid exinde fiscus noster exigere poterat ad luminaria ipsius ęcclesię concinanda perpetualiter concessimus adhibendum. Preterea constituimus ut nullus successorum nostrorum regum seu imperatorum et nullus dux uel comes atque uicarius seu quislibet ex iudiciaria potestate nostram uel antecessorum nostrorum regum et imperatorum auctoritatem uiolare presumat. Quodsi quisquam ausu temerario nostram et predecessorum nostrorum autoritatem infringere temptauerit causis regalibus sit obnoxius et insuper mille libras auri purissimi componat dimidietatem fisco nostro et reliquam partem prefate Cameracensi ęcclesię. Ut autem hec ab omnibus credantur et omni deinceps tempore rata et inconuulsa conseruentur hanc inde cartam scribi et sigilli nostri inpressione insigniri iussimus manu que propria ut infra aparet corroborauimus. Testes quoque in quorum presentia hec acta sunt subter notari fecimus quorum nomina hec sunt Arnoldus Coloniensis archiepiscopus Hillinus Treuerensis archiepiscopus Stephanus Metensis episcopus Conradus Wormaciensis episcopus Henricus Leodicensis episcopus Phillippus Osenburcgensis episcopus Wibaldus Stabulenses abbas Henricus dux Saxonię Matheus dux lotharingię Gotefridus dux Louanię Welpho dux Spoleti marchio Tuscię rector Sardinię Otto patalinus de Witelinesbach Heremannus palatinus de Reno palatinus Fridericus de Sumerseburch Teodericus comes de Flandria Henricus comes de Namuco. Signum domini Friderici Romanorum regis -m- inuictissimi. Ego Arnoldus cancellarius uice Mogontini archiepiscopi et archicancellarii recognoui. Datum Treuiris IIII° kalendas- ianuarii anno dominicę incarnationis M° C° L° III° indictione I-a regnante domino Friderico Romanorum rege glorioso anno uero regni eius primo -sid-. | |
| Source | APPELT H. 1975 |
| TRADITION |
| EDITIONS AND SECONDARY LITERATURE |
|
Editions
|
APPELT H.. Die Urkunden Friedrichs I. (Monumenta Germaniae Historica. Die Urkunden der deutschen Könige und Kaiser, X), 5 vol., Hannover, 1975-1990., 1, n.43, p.71-73, LINK LINK |
| MUTTE H.D.. Mémoire pour l’archevêque de Cambrai contre les prévots et échevins. Pièces justificatives, Cambrai, 1772., n.13, p.18-20, LINK LINK | |
| Secondary literature | APPELT H.. Die Urkunden Friedrichs I. (Monumenta Germaniae Historica. Die Urkunden der deutschen Könige und Kaiser, X), 5 vol., Hannover, 1975-1990., 1, p.71, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.369, LINK LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.3, LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.148, LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.139, LINK | |
| BOEHMER J.F.-OPLL F.-MAYR H.. Regesta Imperii IV. Lothar III. und ältere Staufer 1125-1197. 2. Abt.: Die Regesten des Kaiserreichs unter Friedrich I. 1152 (1122) - 1190. 1. Lief.: 1152 (1122) – 1158, Wien-Köln-Graz, 1980., n.153, p.42-43, LINK LINK | |
| AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, RI IV,2,1 n.153, LINK LINK | |
| LMU. Abbildungsverzeichnis der europäischen Kaiser- und Königsurkunden, Ressource éléctronique, DF.I.43 - 1152.12.29, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
