‹
›
return to all results
| DiBe ID | 3616 |
| ACTORS |
|
Issuer(s)
(= author) |
Function/title:
king/queen Name: Conrad III Institution/jurisdiction: Germany Diocese: Diocese Liège Principality: Lower Lorraine Religious order: |
|
Author(s) of the actio juridica (= disposer) |
Function/title:
king/queen Name: Conrad III Institution/jurisdiction: Germany Diocese: Diocese Liège Principality: Lower Lorraine Religious order: |
|
Beneficiary(ies)
(= recipient) |
Function/title:
bishopric Name: Nicholas I Institution/jurisdiction: Cambrai Diocese: Diocese Cambrai Principality: Cambrai Religious order: |
| DATE |
|
Scholarly dating
(preferential) |
30/12/1145 (nouveau style / new style - HAUSMANN/COENEN/BOEHMER-NIEDERKORN-HRUZA) |
|
Scholarly dating
(any) |
30/12/1145 (nouveau style / new style - HAUSMANN/COENEN/BOEHMER-NIEDERKORN-HRUZA) Scholarly qualification: - |
| 30/12/1146 (donnée par document / mentioned in document - ) Scholarly qualification: - | |
|
Date in the charter
|
30/12/1146 |
|
Place-date (in the text) |
Aquisgrani in regio palatio |
|
Place-date (normalised) |
Aachen (DEUTSCHLAND, Nordrhein-Westfalen, Köln)
Diocese: Diocese Liège Principality: Lower Lorraine |
| SUMMARY AND DESCRIPTION |
| Summary | confirme les possessions (énumération) et l'immunité et libère l'église , le territoire , l'évêque et la ville de Cambrai de la nouvelle coutume appelée "gavalum" , que le comte de Flandre exigeait injustement |
|
Description
|
Language:
Latin Authenticity: unsuspected document Textual tradition: copy (records) Nature of the charter: diploma |
| FULL TEXT OF CHARTER |
| In nomine sancte et indiuidue trinitatis. Conradus diuina fauente clementia Romanorum rex secundus. Predecessorum debet priuilegia conseruare qui sua uult a decessoribus instituta seruari. Et quia regie maiestatis est iustis petitionibus aurem misericordie porrigere et fidelium regni necessitatibus affectu debito subuenire dilecti nostri Nicolai uenerabilis Cameracensis episcopi precibus annuentes collata ecclesie sue a predecessoribus nostris priuilegia pietatis intuitu dignum duximus confirmare ut quod precedentium imperatorum et regum Pippini Karoli magni Lodouici Arnulfi et Ottonis ecclesie Cameracensi dedit et confirmauit auctoritas nostro roboraretur auxilio et regie nostre auctoritatis munimine fulciretur ac ratum et inconuulsum omni futuro in posterum tempore perduraret. Auctoritatis igitur nostre precepto iura et honorem Cameracensis ecclesie roborantes subsignatas possessiones prefate sedi Cameracensi ad honorem et utilitatem prefati episcopi et successorum suorum irrefragabiliter assignauimus ciuitatem scilicet que Cameracus nuncupatur cum iusticiis districtibus moneta molendinis tam in ciuitate quam extra aquis aquarum decursibus ecclesiis uillis que hactenus episcopalis possessionis extitisse constat abbatiam etiam sancti Gaugerici comitatum totius terre Cameracensis castellaniam quoque et casaturas et hominia que de feodo episcopi esse consistit ad hec Nouum Castellum cum iusticiis districtibus moneta molendinis aquis casatis forastum etiam tendens in longitudine a Sauasonis monte usque in illum locum ubi due Helpre cadunt in Sambram in latitudine a uilla que dicitur Baisis et loco qui uocatur Gorgonces ita ut Sambra decurrit et due Helpre usque ad ulteriorem ulterioris Helpre ripam. Decernimus ergo et regia auctoritate nostra precipimus ut nullus iudex publicus uel quislibet ex iudiciaria potestate in ecclesias aut loca uel agros seu reliquas denominatas possessiones predicte ecclesie quas moderno tempore in quibuslibet pagis uel territoriis infra ditionem regni nostri iuste et legaliter tenet uel possidet memorata ecclesia uel ea que deinceps a catholicis uiris eidem collata fuerint ecclesie aut causas exigendas aut freda uel mansiones uel paratas faciendas aut fideiussores tollendos aut homines ipsius ecclesie tam ingenuos quam seruos super terram ipsius commanentes aliquatenus distringendos uel ullas redibitiones aut illicitas occasiones requirendas nostris et futuris temporibus ingredi audeat uel ea que supra memorata sunt penitus exigere presumat. Porro ad exterminandas emulorum et maliuolorum suggestiones conseruandos etiam honoris et regni nostri fines prefato episcopo et successoribus suis interuentu karissime coniugis nostre Gertrudis regine ex regalis munificentie benignitate concedimus ut in nostra et successorum nostrorum tam regum quam imperatorum manu et tuitione nullo duce comite principe seu qualibet maiori minori ue persona intercedente donum episcopatus sollicitudo irrefragabiliter permaneant ut clerus et ordo in seruitio dei roboretur principum quoque et populi fidelitas nobis et regno nostro inuiolabiliter conseruetur. Preterea nouam illam et nociuam consuetudinem que uulgo gaulum dicitur quam iniusta usurpatione solet comes Flandrensis exigere predicto fideli nostro Nicolao episcopo ciuitati ecclesie et territorio Cameracensi ex regalis auctoritatis beneficio remittimus statuentes ut nullo in posterum tempore liceat Flandrensi uel cuilibet alii comiti seculari ue persone ad predictam consuetudinem manum mittere uel ecclesie Cameracensi pacem super hoc iniustis uexationibus fatigare sed liceat memorato presuli suis que successoribus res predicte ecclesie cum cellulis et rebus uel hominibus sibi legaliter subiectis sub immunitatis nostre defensione quieto ordine possidere et nostro fideliter parere regno atque pro stabilitate nostra uel totius regni a deo nobis collati uel conseruandi una cum clero et populo sibi subiecto libere dei misericordiam exorare et quicquid exinde fiscus noster exigere poterat ad luminaria ipsius ecclesie concinnanda perpetualiter concessimus adhibendum. Preterea constituimus ut nullus successorum nostrorum regnum seu imperatorum ut nullus dux uel comes atque uicarius seu quislibet ex iudiciaria potestate nostram uel antecessorum nostrorum regum et imperatorum auctoritatem uiolare presumat. Quod si quisquam ausu temerario nostram et predecessorum nostrorum auctoritatem infringere temptauerit causis regalibus sit obnoxius et insuper mille libras auri purissimi componat dimidietatem fisco nostro et reliquam partem prefate Cameracensi ecclesie. Ut autem hec ab omnibus credantur et omni deinceps tempore rata et inconuulsa conseruentur hanc inde cartam scribi et sigilli nostri impressione insigniri iussimus manu que propria ut infra apparet corroborauimus. Huius rei testes sunt Arnulfus Coloniensis archiepiscopus Henricus Leodiensis episcopus Wernerus Monasteriensis episcopus Ordliebus Basiliensis episcopus Philippus Osenbruggensis episcopus Albero Virdunensis episcopus Anselmus Hauelenburgensis episcopus Wibaldus Stabulensis abbas Godefridus Prumiensis abbas Lambertus Werdinensis abbas Anno Indensis abbas Herimannus palatinus comes de Reno Henricus de Lemburch et frater eius comes Walerannus de Arlon Otto comes de Rinekka et filius eius Otto Lodewicus comes de Lon Adolfus comes de monte Hugo comes de Dagesburch Otto comes de Rauensberch Otto comes de Duoras Henricus comes de Gelren Herimannus comes de Cuich Ruobertus comes de Lurenburch Albertus comes de Noruenich Willelmus comes de Iuliaco Henricus comes de Kazenelenbogen Marquardus de Grumbach Tibertus de Spilemberch. Signum domini Conradi Romanorum regis secundi -m- -ssp-. Ego Arnoldus cancellarius uice Henrici Moguntini archiepiscopi et archicancellarii recognoui. Anno dominice incarnationis millesimo centesimo quadragesimo sexto indictione octaua tertio kalendas- ianuarii regnante Conrado Romanorum rege secundo anno uero regni eius octauo data est Aquisgrani in regio palatio feliciter amen -b-. | |
| Source | HAUSMANN F. 1969 |
| TRADITION |
| EDITIONS AND SECONDARY LITERATURE |
|
Editions
|
HAUSMANN F.. Die Urkunden Konrads III. und seines Sohnes Heinrich (Monumenta Germaniae Historica. Diplomata 4: Die Urkunden der deutschen Könige und Kaiser, IX), Wien-Köln-Graz, 1969., n.143, p.257-260, LINK |
| MUTTE H.D.. Mémoire pour l’archevêque de Cambrai contre les prévots et échevins. Pièces justificatives, Cambrai, 1772., n.12, p.16-18, LINK LINK | |
| Secondary literature | COENEN J.. Limburgsche Oorkonden (98-1340), 4 vol., Maaseik, 1932-1942., 1, n.355, p.156, |
| HAUSMANN F.. Die Urkunden Konrads III. und seines Sohnes Heinrich (Monumenta Germaniae Historica. Diplomata 4: Die Urkunden der deutschen Könige und Kaiser, IX), Wien-Köln-Graz, 1969., p.257, LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.241, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.253, LINK LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.3, LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.148, LINK | |
| PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.139, LINK | |
| BOEHMER J.F.- NIEDERKORN J.P.-HRUZA K.. Regesta Imperii IV. Lothar III. und ältere Staufer 1125-1197. 1. Abt.: Die Regesten des Kaiserreiches unter Lothar III. und Konrad III. Tl. 2: Konrad III. 1138 (1093/94) – 1152, Köln-Weimar-Wien, 2008., n.360, p.156-157, LINK | |
| AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, RI IV,1,2 n.360, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
