Diplomatica Belgica - Record 3614

DiBe ID

3614

ACTORS

Issuer(s)
(= author)

Function/title: king/queen
Name: Conrad III
Institution/jurisdiction: Germany
Diocese: Diocese Liège
Principality: Lower Lorraine
Religious order:

Author(s) of the actio juridica

(= disposer)

Function/title: king/queen
Name: Conrad III
Institution/jurisdiction: Germany
Diocese: Diocese Liège
Principality: Lower Lorraine
Religious order:

Beneficiary(ies)

(= recipient)

Function/title: monastic house
Name: Egericus abbot
Institution/jurisdiction: S.Ghislain
Diocese: Diocese Cambrai
Principality: Hainaut
Religious order: Benedictines

DATE

Scholarly dating (preferential)	15/10/1145 (terminus ante quem - HAUSMANN/BOEHMER-NIEDERKORN-HRUZA)
Scholarly dating (any)	15/10/1145 (terminus ante quem - HAUSMANN/BOEHMER-NIEDERKORN-HRUZA) Scholarly qualification: -
	1/10/1145 (terminus post quem - HAUSMANN/BOEHMER-NIEDERKORN-HRUZA) Scholarly qualification: -
	/10/1145 (conjecture précise / accurate conjecture - MULLER-BOUMAN) Scholarly qualification: -
	//1145 (donnée par document / mentioned in document - ) Scholarly qualification: -
Date in the charter	//1145
Place-date (in the text)	apud Altinam
Place-date (normalised)	Elten (DEUTSCHLAND, Nordrhein-Westfalen, Düsseldorf) Diocese: Diocese Utrecht Principality: Lower Lorraine

SUMMARY AND DESCRIPTION

Summary	prend l'abbaye sous protection et lui confirme ses possessions et ses droits
Description	Language: Latin Authenticity: unsuspected document Textual tradition: original Nature of the charter: diploma

FULL TEXT OF CHARTER


-CRUX- In nomine sanctę et indiuiduę trinitatis. Cuonradus diuina fauente clementia Romanorum rex secundus. ęquitas iusticię et regni auctoritas nos ammonent omnium ęcclesiarum et maxime earum quę ad regnum pertinent paci et quieti clementer prouidere et ipsarum iura illibata conseruare. Eapropter omnium christi nostri que regni fidelium tam futurorum quam presentium nouerit industria qualiter uir uenerabilis Egericus abbas monasterii sancti Gisleni celsitudinem nostram adiens petiit ut et hoc idem monasterium a predecessoribus nostris Dagoberto Ottone tercio Heinrico secundo Cuonrado item que Heinrico tercio regibus et imperatoribus constructum sub nostrę defensionis patrocinio susciperemus et res eidem monasterio pertinentes sicut in priuilegiis eorundem predecessorum nostrorum continetur eidem cenobio confirmaremus. Nos itaque ob regni nostri firmam stabilitatem et animę nostrę nostrorum que parentum perpetuam salutem interuentu quoque et petitione karissimę coniugis nostrę Gertrudis reginę precibus ipsius aurem clementię accommodantes predictam sancti Gisleni cellam sub nostrę tuitionis patrocinio suscepimus et omnes res ad eam pertinentes iuxta tenorem priuilegiorum prefatorum regum et imperatorum lege in perpetuum ualitura eidem monasterio renouamus et confirmamus. Statuimus etiam ut defuncto abbate fratres eiusdem monasterii inuocata sancti spiritus gratia idoneum et utilem rectorem libere sibi eligant qui tempore oportuno presentię regali se exhibeat et facto regię maiestati hominio inuestituram abbatię de manu regia suscipiat. Adicimus quoque ut sicut ex sententia principum coram nobis iudicatum est nullus uillicationem in possessionibus ad eundem locum pertinentibus hereditario iure teneat uel repetat sed abbas qui pro tempore fuerit idoneum et fidelem uillicum de familia monasterii constituat et deponat ac si quis de familia monasterii abbati suo rebellis inuentus fuerit ex iudicio et districtione parium suorum ad satisfactionem abbatis cogatur. Decernimus ergo et regia auctoritate precipimus ut nullus successorum nostrorum regum et imperatorem nullus episcopus dux marchio comes uel uicecomes aut alia quelibet persona magna siue parua huius nostrę renouationis confirmationem infringere presumat sed predictus abbas sui que successores nostra freti auctoritate bona monasterii recolligendo pristinam eiusdem loci libertatem sine impedimenti molestia optineant. Si quis uero quod absit huius precepti nostri statutum infringere temptauerit centum libras auri puri componat quarum partem dimidiam fisco nostro et reliquam predicto monasterio persoluat. Ut autem hec ab omnibus credantur et inconuulsa seruentur hanc inde cartam scribi et sigilli nostri impressione insigniri iussimus manu que propria corroborantes idoneos testes subternotari fecimus. Hartbertus Traiectensis episcopus Anselmus Hauelbergensis episcopus Heinricus comes de Gelra Godefridus de Cuich et frater eius Herimannus Walterus de Louenhuse Marquardus de Grumbach. Signum domini Cunradi Romanorum regis secundi -m- -ssp-. Ego Arnoldus cancellarius uice Heinrici Moguntini archiepiscopi et archicancellarii recognoui. Anno dominicę incarnationis MCXLV indictione VIII regnante Cuonrado Romanorum rege secundo anno uero regni eius VIII data est apud Altinam in christo feliciter amen -si-.

Source	HAUSMANN F. 1969

TRADITION

Original	No
Manuscripts	Mons, Archives de l'Etat [AE], Fonds Cartulaires 60 (1401-1600)

EDITIONS AND SECONDARY LITERATURE

Editions	MULLER FZ.S.-BOUMAN A.C.. Oorkondenboek van het Sticht Utrecht tot 1301, I (695-1197) , Utrecht-'S-Gravenhage, 1920., 1, n.385 (édition fragmentaire), p.349, LINK LINK
	HAUSMANN F.. Die Urkunden Konrads III. und seines Sohnes Heinrich (Monumenta Germaniae Historica. Diplomata 4: Die Urkunden der deutschen Könige und Kaiser, IX), Wien-Köln-Graz, 1969., n.137, p.247-248, LINK
Secondary literature	HAUSMANN F.. Die Urkunden Konrads III. und seines Sohnes Heinrich (Monumenta Germaniae Historica. Diplomata 4: Die Urkunden der deutschen Könige und Kaiser, IX), Wien-Köln-Graz, 1969., p.247, LINK
	STEURS W.. Un domaine de Toxandrie pendant le haut Moyen Age: Empel en Brabant septentrional, dans: Centenaire du Séminaire d'Histoire médiévale de l'Université Libre de Bruxelles, 1977, p.59-105., p.81-90,
	LAURENT R.. Verzameling zegelafgietsels van het Algemeen Rijksarchief / Collection de moulages de sceaux des Archives générales du Royaume, Ressource électronique, I 347 - 354, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.728, LINK LINK
	BOEHMER J.F.- NIEDERKORN J.P.-HRUZA K.. Regesta Imperii IV. Lothar III. und ältere Staufer 1125-1197. 1. Abt.: Die Regesten des Kaiserreiches unter Lothar III. und Konrad III. Tl. 2: Konrad III. 1138 (1093/94) – 1152, Köln-Weimar-Wien, 2008., n.351, p.152, LINK
	AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, RI IV,1,2 n.351, LINK LINK