Diplomatica Belgica - Record 3610

DiBe ID

3610

ACTORS

Issuer(s)
(= author)

Function/title: archdeacon
Name: Amalricus provost of Fosses
Institution/jurisdiction: Liège (Hainaut)
Diocese: Diocese Liège
Principality: Brabant (Leuven)
Religious order:

Author(s) of the actio juridica

(= disposer)

Function/title: archdeacon
Name: Amalricus provost of Fosses
Institution/jurisdiction: Liège (Hainaut)
Diocese: Diocese Liège
Principality: Brabant (Leuven)
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Fosses
Diocese: Diocese Liège
Principality: Liège
Religious order:

DATE

Scholarly dating (preferential)	//1167 (donnée par document / mentioned in document - )
Scholarly dating (any)	//1167 (donnée par document / mentioned in document - ) Scholarly qualification: -
Date in the charter	//1167
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	confirme la donation , faite par son prédécesseur Berengarius , prévôt de Fosses de son obédience d'"astut"
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Ego Amalricus dei miseratione Leodiensis archidiaconus et Fossensis ecclesie prepositus tam futuris quam presentibus in dilectione dei et proximi legem christi adimplere. Cum bonus agricola christus in sancta ecclesia fidei nostre radicem plantauerit et cum in obsequio diuino totius humane uirtutis collocauerit fundamentum omnes qui in christiane religionis amplexibus conquiescunt uigilanti intentione ad hoc inniti debent ut statum sancte ecclesie promoueant et uineam in quam excolendam christus eos tamquam operarios suos introduxit fructuosa propagatione dilatare elaborent. Ex hac quippe uinea fructus indeficientes capiemus si in operibus bonis studio caritatis accensi in ea diligentem culturam adhibere studeamus si uero per ignorantiam ceci aut per negligentiam tepidi eam arescere patiamur huius ariditatis iactura in caput nostrum refundetur. Quamdiu enim ecclesia rigorem sancte religionis incolumen seruabit filii eius copiosa uberis sui nutrientur ubertate. Si autem per eorum desidiam infirmari ceperit ipsi iam non ciues sed aduene iam non filii sed priuigni a domo patrisfamilias in tenebras exteriores eiicientur. Hoc igitur attente considerans secundus Berengerus Fossensis prepositus in dispositione rerum ecclesie totam discretionis sue aciem defixit et onus commune fratribus humeris suis imposuit diligenter in ecclesia docendo et prudenter extra ecclesiam administrando. Obedientiam autem de Astut cui ex officio dignitatis sue prouidebat fratribus suis ex debito distribuebat. Si quid uero residuum erat pro arbitrio uoluntatis sue in usum rei familiaris cedebat. Postea uero cum iam senectutis grauitate defessus esset attentius utilitati fratrum suorum inuigilans eis prefatam obedientiam in perpetuo habendam concessit hac tamen conditione implicita ut in commemorationem ipsius ei anniuersarium pro salute anime sue et omnium fidelium defunctorum singulis annis exhiberent et de fructibus obedientie si ultra uiginti quinque solidos qui fratribus debentur superessent duodecim solidos et dimidium tum in elemosinis pauperum tum in expensa luminaris assignarent. Hoc autem egit in presentia quorumdam fratrum Fossensis ecclesie et fratrum Leodiensis ecclesie sancti Iohannis anno ab incarnatione domini millesimo centesimo sexagesimo septimo. Ego autem Amalricus dei gratia domini Berengeri in eadem dignitate successor predictam donationem utpote honestati et utilitati ecclesie necessariam approbaui et ne a facie posteritatis per ignorantiam hoc factum se absconderet testimonio presentis pagine memorie commendaui. Et ne insuper successor meus maligna delatorum suggestione incitatus uel spiritu presumptionis elatus pacem ecclesie super hoc turbaret sigilli mei impressione roboraui. Et cum in hiis Gregorii precepta secutus communem utilitatem magis quam lucrum singulare quesiui in recompensationem huius beneficii cum iuxta dispositionem diuine uoluntatis de medio sublatus fuero diem obitus mei in catalogo suo fratres annotare decreuerunt et celebrem anniuersarii mei commemorationem ex communi omnium fratrum astipulatione mihi in eadem die concesserunt. Mutua enim beneuolentia caritatis exigit ut qui pro communi fratrum suorum utilitate uigilanter laborat per orationes eorum anime sue in eterna uita remedium inueniat. Huius autem confirmationis testes sunt sacerdotes Arnoldus decanus Fossensis ecclesie Henricus decanus sacerdotum diaconi Bernardus Arnulfus cantor Nicholaus Arnulphus Obertus Guerardus Balduinus subdiaconi Gobertus Alardus Balduinus item Balduinus.

Source	BARBIER J. 1867

TRADITION

Original	No
Manuscripts	Namur, Archives de l'Etat [AE], Archives écclésiastiques de la province de Namur 522 (1734)

EDITIONS AND SECONDARY LITERATURE

Editions	BARBIER J.. Documents extraits du cartulaire du chapitre de Fosses, dans: Analectes pour servir à l'Histoire ecclésiastique de la Belgique, 4 (1867), p.396-422; p.489-505., n.10, p.408-410,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.759, LINK LINK