Diplomatica Belgica - Record 3604

DiBe ID

3604

ACTORS

Author(s) of the actio juridica

(= disposer)

Function/title: other
Name: Warinharius
Institution/jurisdiction: Grez
Diocese: Diocese Liège
Principality: Grez
Religious order:

Beneficiary(ies)

(= recipient)

Function/title: cathedral/collegiate chapter
Name:
Institution/jurisdiction: Fosses
Diocese: Diocese Liège
Principality: Liège
Religious order:

DATE

Scholarly dating (preferential)	//1096 (conjecture précise / accurate conjecture - BERLIERE)
Scholarly dating (any)	//1096 (conjecture précise / accurate conjecture - BERLIERE) Scholarly qualification: -
	//1095 (donnée par document / mentioned in document - ) Scholarly qualification: -
Date in the charter	//1095
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	vend l'alleu de Vaux-et-Borset (comté de Huy) , au moment de partir pour Jérusalem avec le duc Godefroid
Description	Language: Latin Authenticity: unsuspected document Textual tradition: copy (records) Nature of the charter: notitia

FULL TEXT OF CHARTER


In nomine sancte et indiuidue trinitatis. Felix et incomparabile mercimonium pro rebus transitoriis externe uitae quando percipitur premium felices huius premii possessores huius negocii sectatores qui dum caduca summis momentanea permansuris postponunt beatitudinis eterne fieri merentur coheredes. Huius hereditatis portionem Garnerus de Greis plane et indubitanter obtinuit qui in feruore iuuentutis miles strenuus nobilitate pollens seculi dignitate inter suos conspicuus mundum quasi aridum cum flore despexit et ut perfectus esse posset se ipsum abnegauit crucem suam portauit secutus dominum non sua tantum pauperibus erogauit sed et humilis christi pauper factus se cum suis deo obtulit. Anno igitur quo magnus ille concursus factus est fidelium in sanctam Hierusalem ipse cum duce Godefrido nec non et aliis regni principibus pro desiderio satisfaciens quod dudum animo conceperat factis curauit adimplere ut quia deum uidere non poterat in sede maiestatis sue in loco saltem ubi steterunt pedes eius ubi et nasci uoluit ut pateretur pati non abnuit ut moreretur mori dignatus est ut resurrectionis sue gloriam nobis largiretur mereretur adorare quod quia ei ad hoc sufficere non potuit res familiares et priuata uendidit predia distraxit patrimonia ut in hoc deo fidelius seruiret si eum de suis iustis laboribus honoraret et non de rapina. Inter plurima ergo que distraxit ad uie stipendium allodium quoque in comitatu Hoyensi quod uallis dicitur quod in diuisione patrimonii cum fratre suo Henrico in partem susceperat et ei in tranquillam et in quietam possessionem peruenerat cum seruis et ancillis intra eiusdem tamen allodii terminum commanentibus cum farmario et camba cum campis et pratis cum cultis et incultis cum wadriscapis et pascuis cum uiis et inuiis cum aquis et aquarum decursibus postremo cum omnibus ad idem allodium iure pertinentibus ecclesie Fossensi et sancto Foillano martiri astante collaudante confirmante contradente fratre suo Henrico nec non et domina Adelende uxore sua legitima astante confirmante contradente astantibus quoque et confirmantibus et collaudantibus Wigero eiusdem ecclesie aduocato domino abbate Gemblacensi Liethardo sed et aliis pluribus tam ingenuis quam de eclesie familia boni testimonii uiris ad altare maius quod in honore sancti Petri in Cancello eiusdem ecclesie situm est supra corpus eiusdem domini Foillani martiris quod in superiore altari ubi corpus eius quiescit delatum fuerat in perpetuam commemorationem sui patris et matris et aliorum predecessorum suorum contradidit in usum fratrum deo ibidem seruientium accepto ab eadem eclesia aureo calice non modici ponderis uidelicet uiginti marcarum et firtonis quem a Waldrade regine et Gisle abbatisse temporibus ob reuerentiam pie memorie eadem ecclesia sibi retinuerat insuper et argenti massa non modica quantum ibidem pia deuotio fidelium omnibus annis contulerat. Eisdem quoque supradictis uiris astantibus uterque frater Warnerus scilicet et Henricus data fide supra sacrosanctum ipsius martiris corpus manu propria firmauerunt se nec facturos nec fieri passuros per se aut per aliquem alium de supradicto allodio ullum preiudicium ecclesie quin quantum possent iudiciali iure liberali lege illud ecclesie retinerent tanquam facerent sibi si esset proprium. Proxima uero die tertia idem Guarnerus in eodem allodio presente ipso corpore sancti Foillani presentibus quoque nonnullis tam nobilibus quam de ecclesie familia idoneis testibus Wigero aduocato domino Otberto preposito cum ceteris fratribus facte traditionis inuestituram dedit quod de familia fecerat confirmauit et supra sacrosanctum ipsius martiris corpus quotquot de seruis et ancillis inibi inuenti sunt fidelitatem facere fecit. Wigerus quoque aduocatus allodii eiusdem suscepit aduocationem ea conditione ut non aliud ipse siue sub eo aliquis requireret in toto allodio siue in placitis siue in obsoniis siue in acquisitis siue in acquirendis quam per singulos mansos unum modium auene nisi forte rebellis aliquis ab ipso ad placitum cogeretur uenire tunc tertiam partem obtineret aduocationis iure. Quod si fortasse aliquis huic traditioni iuste et ordinabiliter facte obuiare presumpserit aut quod legaliter factum est infectum reddere siue in peius commutare temptauerit iram incurrat dei omnipotentis et omnium fidelium testimonio redarguatur ut temerator ueritatis. Huius rei testes sunt Wigerus aduocatus Arnulfus frater eius Godefridus Henricus et Albertus fratres de Namurco Arnulfus Iohannes Gualterus et Adelardus filii eius Lambertus Albertus Libertus Albertus Balduinus Bouo Marsilius item de familia ecclesie testes Gaultherus Franco Parrinus Godefridus Euerardus Gualtelmus Theodericus. Actum anno dominice incarnationis 1095 indictione quarta imperatore domino Henrico tertio augusto regnante uero filio eius Henrico quarto episcopatus domini nostri Otberti uenerabilis episcopi anno quinto.

Source	BARBIER J. 1867

TRADITION

Original	No
Manuscripts	Namur, Archives de l'Etat [AE], Archives écclésiastiques de la province de Namur 522 (1734)

EDITIONS AND SECONDARY LITERATURE

Editions	BARBIER J.. Documents extraits du cartulaire du chapitre de Fosses, dans: Analectes pour servir à l'Histoire ecclésiastique de la Belgique, 4 (1867), p.396-422; p.489-505., n.1, p.396-398,
Secondary literature	BERLIERE U.. Abbaye de Gembloux, dans: Monasticon Belge, I, Province de Hainaut, I, Maredsous, 1890, p.15-26., p.18,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.177, LINK LINK