Diplomatica Belgica - Record 3562

DiBe ID

3562

ACTORS

Issuer(s)
(= author)

Function/title: emperor/empress
Name: Henry II
Institution/jurisdiction: Holy Roman Empire
Diocese: Archbishopric Mainz
Principality: German Empire
Religious order:

Author(s) of the actio juridica

(= disposer)

Function/title: emperor/empress
Name: Henry II
Institution/jurisdiction: Holy Roman Empire
Diocese: Archbishopric Mainz
Principality: German Empire
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: S.Ghislain
Diocese: Diocese Cambrai
Principality: Hainaut
Religious order: Benedictines

DATE

Scholarly dating (preferential)	//1185 (approximation - NELIS)
Scholarly dating (any)	//1018 (donnée par document / mentioned in document - ) Scholarly qualification: -
	//1185 (approximation - NELIS) Scholarly qualification: FORGERY
Date in the charter	//1018
Place-date (in the text)	Noviomago
Place-date (normalised)	Nijmegen (NEDERLAND, Gelderland, Nijmegen) Diocese: Diocese Cologne Principality: Lower Lorraine

SUMMARY AND DESCRIPTION

Summary	confirme les possessions et les privilèges de l'abbaye (énumération) , dont ses droits sur le marché qui se tenait dans la "villa" de Hornu
Description	Language: Latin Authenticity: suspected document Textual tradition: original Nature of the charter: diploma

FULL TEXT OF CHARTER


-c-. In nomine sanctae et indiuae trinitatis. Heinricus diuina fauente clementia Romanorum imperator augustus. Ubicumque locorum aecclesias a christi fidelibus constitutas uel aliquid addendo uel addita confirmando iuuamus nobis id regni que nostri stabilitati prodesse non dubitamus. Quapropter nouerit omnium fidelium nostrorum que uniuersitas qualiter nos pro remedio animę nostre senioris que et nepotis nostri tertii uidelicet Ottonis imperatoris augusti qui ipsum uenerabilem locum ad dei seruitium ibi confirmandum in tuitionem suę imperatorię auctoritatis suscepit interuentu etiam Reinharii comitis ac petitione Gerardi Cameracensis ęcclesię uenerandi presulis pauperi monasterio in honore sancti Petri apostolorum principis constructo ubi preciosus confessor christi Gislenus corporaliter iacere uidetur predia a christi fidelibus concessa uel adhuc concedenda precinctum etiam loci ipsius in gyro a flumine uidelicet Wamii usque ad uiam ubi magna crux statuta est et inde ad alterum fluuiolum qui Haneton appellatur et ut ipsum precinctum in circuitu loci totum cum districto et comitatu teneat quousque ad flumen magnum Hagnam perueniat in uilla Hornud quę infra precinctum eundem esse dinoscitur quam largitione Dagoberti regis beatus Gislenus perpetuo possidet omni quarta feria mercatum esse per hanc nostram imperialem paginam confirmamus nec non etiam uillae Alemannis duas partes que sita est in territorio Suessonico in omnibus ad eandem uillam pertinentiis uidelicet in terris cultis et incultis in pascuis in paludibus aquis pratis siluis in redditibus uinearum duos manipulos totius dęcimae eiusdem uillę cuius termini perueniunt usque ad bunnas de terris sancti Audoeni et a bunnis sancti Audoeni usque ad Fossatum furcarum in Frutecto et de Frutecto usque ad terras de Ualdesun et de Ualdesun usque ad terras de Pynon et de Pynon usque ad terras de Buirunual et usque ad terras de Mairecurt hanc Alemannis ex donatione Elephantis eiusdem loci abbatis qui fuit propinquus Karoli regis ab antiquo possidet hereditario iure idem sanctus in Durno aecclesiam unam cum decimiis ab antiquis diebus usque in presentem ibi aspicientibus uidelicet Offineiis et de Slogia dimidiam partem uillę et totam decimam omnium feodorum ad eandem uillam pertinentium in Durno mansosos X et dimidium inter Dercineias et Brantineias et Offineias et Gondurnum et Blelgeias et Hercanam mansos XXVIII in Lismonte ęcclesiam unam cum decimis ab antiquis ibi aspicientibus uidelicet de Blelgeiis et de Hercana et de Astices in Quaternione ecclesiam unam in honore Quintini martyris gloriosi et duos mansos terrę in Uillare ęcclesiam cum duobus mansis et appenditiis suis Harminiaco Bawineis. Hec ergo omnia more antecessorum nostrorum in nostram tuitionem accipimus. Precipiendo itaque precipimus ut nullus dux marchio comes siue aliqua maior minor ue iudicaria persona ipsum monasterium inquietare aut aliquid de rebus sibi pertinentibus auferre presumat. Et ut nostre ingenuitatis auctoritas stabilis et inconuulsa omni posthinc permaneat tempore hoc preceptum inde conscriptum manu propria confirmamus et sigilli nostri impressione precepimus insigniri. Signum domni Heinrici Romanorum -m- inuictissimi imperatoris augusti. Guntherius cancellarius uice Ercanbaldi archicappellani recognouit. Data indictione anno dominice incarnationis millesimo XVIII° anno domni Heinrici secundi regnantis XVI° imperii autem V° actum Nouiomago feliciter. Amen. Amen. Amen.

Source	BRESSLAU H.-BLOCH H. 1900

TRADITION

Original	Yes Mons, Archives de l'Etat [AE], S.Ghislain (détruit en 1940)
Manuscripts	Mons, Archives de l'Etat [AE], Fonds Cartulaires 60 (1401-1600)

EDITIONS AND SECONDARY LITERATURE

Editions	HONNIS M.. Saint-Ghislain. Choses et autres du passé, Saint-Ghislain, 1984., p.150 (fac-similé),
	BRESSLAU H.-BLOCH H.. Die Urkunden Heinrichs II. und Arduins. (Monumenta Germaniae Historica. Die Urkunden der deutschen Könige und Kaiser, III), Hannover-Leipzig, 1900-1903., n.386, p.490-493, LINK
Secondary literature	BOEHMER J.F.-GRAFF TH.. Regesta Imperii. II. Sächsisches Haus (919-1024). Vierte Abteilung: Die Regesten des Kaiserreiches unter Heinrich II. (1002-1024) Wien-Köln-Graz, 1971., n.1925, p.1059, LINK
	HELVETIUS A.-M.. Abbayes, évêques et laïques. Une politique du pouvoir en Hainaut au Moyen Âge (Crédit Communal. Collection Histoire. Série in-8·, 92), Bruxelles, 1994., note 121, p.232,
	NELIS H.. Etudes de diplomatique médiévale. I. Examen critique de chartes et bulles apocryphes de l'abbaye de Saint-Ghislain (965-1145), dans: Analectes pour servir à l'Histoire ecclésiastique de la Belgique, 33 (1907), p.73-107, 227-274., p.227-243, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.457, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.50, LINK LINK
	LMU. Abbildungsverzeichnis der europäischen Kaiser- und Königsurkunden, Ressource éléctronique, DH.II.#386 - 1018, LINK LINK