Diplomatica Belgica - Record 35274

DiBe ID

35274

ACTORS

Issuer(s) (= author)	Function/title: pope Name: Honorius III Institution/jurisdiction: Rome Diocese: Principality: Papal States Religious order:
Author(s) of the actio juridica (= disposer)	Function/title: pope Name: Honorius III Institution/jurisdiction: Rome Diocese: Principality: Papal States Religious order:
Beneficiary(ies) (= recipient)	Function/title: cathedral/collegiate chapter Name: Institution/jurisdiction: S.Omer Diocese: Diocese Thérouanne Principality: Artois Religious order:
	Function/title: notary/prothonotary/apostolic notary/imperial notary Name: James Institution/jurisdiction: Rome Diocese: Principality: Papal States Religious order:

DATE

Scholarly dating (preferential)	17/4/1219 (conjecture précise / accurate conjecture - HOROY/REGISTRA VATICANA/DIPLOMATA BELGICA)
Scholarly dating (any)	17/4/1219 (conjecture précise / accurate conjecture - HOROY/REGISTRA VATICANA/DIPLOMATA BELGICA) Scholarly qualification: -
Place-date (in the text)	Romae apud Sanctum Petrum
Place-date (normalised)	Rome (S.Peter) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	le pape reproche au doyen du chapitre de S . Omer son inobéissance et lui ordonne de conférer sans attendre une prébende de son chapitre à Jacques , notaire ('scriptor") à son service ; une première bulle avait été adressée au chapitre de S . Omer par Honorius III (acte du 16 mars 1218 , DiBe 35391)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Honorius, ---, dilectis filiis decano et capitulo Sancti Audomari. Olim dilecto filio praeposito uestro dedisse recolimus semel et iterum in mandatis, ut dilecto filio magistro Iacobo, scriptori nostro, in ecclesia uestra praebendale beneficium assignaret; sed ipso id efficere non curante, scripsimus iterato eidem, ut praecedentem inobedientiam expiaret per obedientiam subsequentem, et praebendam, si qua in ecclesia praedicta uacaret, conferret illi, uel procuratori eius nomine suo liberaliter ac libenter. Nihilominus --- cantori Nouiomensis suisque collegis mandantes, ut praebendam in dicta ecclesia proximo uacaturam denunciarent nostrae donationi seruatam, personae idoneae conferendam, decernentes irritum et inane, si quid contra formam mandati nostri de ipsa contingeret aliter ordinari, contradictores censum ecclesiastica compescendo; qui humiliter impleuerunt apostolicum super huiusmodi denuntiatione mandatum. Interim uero magister Walterus clericus ad praesentiam nostram accedens et asserens, quod dictus praepositus promittens eidem se in praebendali beneficio prouisurum, assignata ipsi annua pensione ad dimittendum scholas eumdem induxit, et postmodum promissionis suae immemor, quamquam ibi plures praebendae uacarint, in nulla ipsarum sibi curauit, quum commode potuerit prouidere, ad uenerabilem fratrem nostrum Ambianensis episcopum suosque collegas litteras Apostolicas de praemissis nullam facientes penitus mentionem obtinuit sub hac forma, ut uidelicet ipsum in praefata ecclesia in fratrem et canonicum recipi facientes, praebendam, si qua uacaret ibidem, uel quantocies super hoc se facultas offerret, Apostolica sibi auctoritate conferrent, contradictores per censuram ecclesiasticam appellatione postposita compescendo. Quarum occasione Iudices Ambianenses uos multipliciter inquietant, magistro Willelmo canonico Ariense per alias litteras in forma simplice ad --- decanum Insulensem suosque collegas a nobis obtentas in ecclesia praedicta nitente nihilominus praebendari. Cum igitur praebendam proximo uacaturam pro dicto scriptore nostro donationi nostrae iusserimus reseruari, nec intentionis nostrae fuerit per huiusmodi mandata, uel alia taliter a nobis subrepta reuocare gratiam sibi factam, uniuersitati uestrae per Apostolica scripta mandamus, atque praecipimus, quatenus ipsum Iacobum in fratrem et canonicum liberaliter admittatis, ut idem qui uobis et ecclesiae uestrae poterit existere fructuosus propter hoc uobis, et illi specialiter astringatur, nosque deuotionem uestram possimus merito commendare. Alioquin cantori praefato, suisque collegis nostris damus litteris in mandatis, ut reuocato in irritum si quid fuerit contra praesumptum, ipsi, uel procuratori suo assignantes eamdem, uos ad receptionem illius per censuram ecclesiasticam appellatione remota compellant Datum Romae apud Sanctum Petrum decimo quinto kalendas maii pontificatus nostri anno tertio.

Source	HOROY C.-A. 1879

TRADITION

Original	No
Manuscripts	Rome, Archivio Segreto Vaticano [ASV], Registra Vaticana 10 ()

EDITIONS AND SECONDARY LITERATURE

Editions

HOROY C.-A.. Honorii Romanorum pontificis opera omnia, I-V, (Medii aevi Bibliotheca Patristica ser. I t.I-V), Parisiis, 1879-1883., 3, n.111, col.204-205, LINK LINK