Diplomatica Belgica - Record 3508

DiBe ID

3508

ACTORS

Issuer(s)
(= author)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Innocent II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: bishopric
Name: Milo I
Institution/jurisdiction: Thérouanne
Diocese: Diocese Thérouanne
Principality: Flanders
Religious order:

DATE

Scholarly dating (preferential)	14/4/1139 (donnée par document / mentioned in document - )
Scholarly dating (any)	14/4/1139 (donnée par document / mentioned in document - ) Scholarly qualification: -
Date in the charter	14/4/1139
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	notifie à l'évêque Milo qu'il prend son église épiscopale sous sa protection , énumère les abbayes et chapitres soumis à l'évêque et confirme les possessions de l'évêché (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Innocentius episcopus seruus seruorum dei. Uenerabili fratri Miloni Morinensi episcopo eius que successoribus canonice substituendis in perpetuum. In apostolice sedis specula disponente domino constituti fratres nostros sincera debemus caritate diligere et ecclesiis sibi commissis suam iusticiam conseruare ut qui ad regimen ecclesiarum assumpti sumus eas et a prauorum hominum nequitia tueamur et apostolice sedis priuilegio defensare curemus. Quamobrem uenerabilis frater Milo episcope tuis desideriis debita benignitate impertimur assensum et ecclesiam Teruannensem cui auctore deo presides nostre auctoritatis patrocinio communimus. Et quoniam in sede iusticie residemus ita nos oportet nostra defendere ut unicuique ecclesie sua iura illibata seruentur nec tamen a nobis conuenit quod potestatis est fieri sed potius quod rationis ordo exigit singulis exhiberi. Huius ergo considerationis intuitu abbatias que infra Teruannensem episcopatum site sunt tibi tuis que successoribus canonicam subiectionem et obedientiam exhibere decernimus et earum abbates uel abbatissas uobis canonice obedire sancimus abbatias uidelicet sancti Bertini sancti Wlmari de nemore sancti Winoci Bergensis sancte Marie Watiniensis sancte Marie de Capella sancte Marie Boloniensis sancti Wlmari Boloniensis sancte marie de nemore sancte Marie Lislensis ecclesie Andernensis sancti Nicholai Furnensis sancti Martini Yprensis sancte Marie Mecinensis ecclesie Formeselensis sancti Vedasti Euerhainensis sancte crucis Loensis sancti saluatoris Hamensis sancti Siluini Alchinensis sancte Berte Blangiensis ecclesie de Dunis ecclesie de Ruholto ecclesie de Bello Loco sancti Iohannis de Dodellisuilla sancte Marie Bubburgensis ecclesie Merchemensis sancti Iohannis Teruannensis ecclesie Warnestunensis ecclesie Longuilerrensis Keokensis preposituras etiam sancti Audomari sancte Walburgis Furnensis sancti Petri Casletensis ecclesie Ariensis Selebecensis Liriensis Hisdiniensis sancti Pauli. Episcopalem quoque dignitatem eiusdem ecclesie sicut hucusque fuit tibi tuis que successoribus presentis scripti pagina confirmamus ut quecumque in presentiarum iuste et canonice possidet aut in futurum concessione pontificum liberalitate regum uel principum oblatione fidelium seu aliis rationabilibus modis deo propitio poterit adipisci firma uobis et inconuulsa permaneant. In quibus hec propriis uocabulis duximus exprimenda ciuitatem uidelicet Teruannensem cum comitatu hospite et dimidietatem molendinorum in eadem ciuitate altare de sancto Paulo cum appendiciis suis altare de Alkina cum tota uilla et comitatu eius terram et hospites et nemus apud Lokin altare de Lokin altare de Bolingehem de Bocoltho de Adenehem de Iurni de Rosberga de Clarkes de Merchenes de Loberga de Fleternel de Watewa dimidietatem reddituum altaris de Baios terram et hospites et pratum apud Hersellam terram et nemus apud Falkenbergam terram et hospites et decimam apud Fornehoua et Dardingehem et Helbodingehem aquam illam que dicitur Liis ne quis inter Rademers et ueterem Kersecam molendinum construere presumat uiginti modios uini apud Altresche terram apud Boloniam et hospites et redditus salis et nummorum et uillam Biscopen alam magni cete in portu Giuelt dimidietatem uille sancti Quintini iuxta Hisdinicum. Decernimus ergo ut nulli hominum liceat prefatam ecclesiam super hac nostra constitutione temere perturbare aut eius possessiones auferre uel ablatas retinere aut iniuste acceptas suis usibus uendicare minuere aut temerariis uexationibus fatigare sed omnia integra conseruentur eorum pro quorum sustentatione et gubernatione concessa sunt usibus omnibus profutura. Si qua igitur in posterum ecclesiastica secularis ue persona huius nostre constitutionis paginam sciens contra eam uenire temptauerit secundo tertio ue commonita nisi reatum suum congrua satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei ac domini nostri Iesu christi aliena fiat atque in extremo examine districte subiaceat ultioni. Cunctis autem eidem loco sua iura seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Data- Laterani per manum Aimerici sancte Romane ecclesie dyaconi cardinalis et cancellarii XVIII kalendas- maii dominice incarnationis anno M° C° XXXVIIII indictione secunda pontificatus uero domni Innocentii pape secundi anno X°.

Source	RAMACKERS J. 1934

TRADITION

Original	No
Manuscripts	Bruges, Archief Bisdom [A Bisdom], Y 2 (1201-1400)

EDITIONS AND SECONDARY LITERATURE

Editions

RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.36, p.135-137,