Diplomatica Belgica - Record 3469
DiplomataBelgica
Search | Tradition Search
DiBe 1 of 1
return to all results
DiBe ID 3469
ACTORS
Issuer(s)
(= author)
Function/title:  emperor/empress
Name:  Frederick I Barbarossa
Institution/jurisdiction:  Holy Roman Empire

Diocese:  Archbishopric Mainz
Principality: German Empire
Religious order: 
Beneficiary(ies)

(= recipient)

Function/title:  bishop
Name:  Nicholas I
Institution/jurisdiction:  Cambrai

Diocese:  Diocese Cambrai
Principality: Cambrai
Religious order: 
DATE
Scholarly dating
(preferential)
4/10/1165 (terminus post quem - APPELT/BOEHMER-OPLL-MAYR)
Scholarly dating
(any)
4/10/1165 (terminus post quem - APPELT/BOEHMER-OPLL-MAYR) Scholarly qualification: -
/11/1165 (terminus ante quem - WEILAND) Scholarly qualification: -
/10/1165 (terminus post quem - WEILAND) Scholarly qualification: -
/6/1165 (conjecture précise / accurate conjecture - WAUTERS) Scholarly qualification: -
//1163 (approximation - D'ACHERY) Scholarly qualification: -

Place-date

(in the text)

Place-date

(normalised)


Diocese: 
Principality: 
SUMMARY AND DESCRIPTION
Summary informe Nicolas , évêque de Cambrai qu'il a ordonné à l'abbé de Stavelot d'exiger des clercs de l'évêché de Cambrai de prêter serment au pape Pascal III et lui ordonne de consacrer l'abbé de S . Ghislain
Description
Language: Latin
Authenticity: unsuspected document Textual tradition: copy (records)
Nature of the charter: letters
FULL TEXT OF CHARTER
Fridericus dei gratia Romanorum imperator augustus fideli suo Nicolao Cameracensis ecclesię uenerabili episcopo gratiam et omne bonum. Audiuimus et ex multorum de partibus Cameracensis episcopatus relatione fidelium auribus nostris iam sepius insonuit quod in partibus tuis nec debitus honor ut deceret imperio impendatur nec obedientia seu etiam reuerentia domino pape paschali prout expediret exhibeatur presertim cum multi clericorum et prelatorum immo etiam religiosorum tua nimia patientia abutentes per episcopatum Cameracensem debitum iuramentum nondum prestiterint. Super quo plurimum ammiramur mirantur et uniuersi qui uident et audiunt. In quo liquido patet nobis que manifeste datur intelligi quod circa negotium domini pape paschalis fidelitas tua non sincere se gerit uel moderatur. Quia uero super his omnibus cotidie ammirari non cessamus et omnis mora seu dilatio semper ad se trahit periculum huius rei causa honorabilem curię nostrę principem Erleboldum Stabulensis ecclesię abbatem uirum discretum et prudentem cum plena auctoritate nostrę legationis ad uniuersum Cameracensem episcopatum transmittimus eum que tuę fidei ac dilectioni attentius commendamus monentes summopere atque rogantes quatinus in omni parte tui episcopatus ubicunque tua ope opus habuerit fideliter et uiriliter ei assistas et ad promouenda imperii et domini pape negotia contra rebelles clericos uel abbates seu alios prelatos tuum auxilium diligenti opera studeas adhibere. A nostra enim maiestate in mandatis accepit quod nulli rebelli clerico uel monacho in toto episcopatu tuo oculus eius parcat uel lingua sed in eius presentia et tua eos qui nondum iurauerunt domino pape paschali iurare faciat nolentes autem et contradicentes nostra iussione et auctoritate ab episcopatu Cameracensi prorsus eliminet atque eiciat. De cętero maxima ducimur ammiratione super negotio dilecti et fidelis nostri Gossichini abbatis sancti Gisleni qua uidelicet occasione qua intentione manum consecrationis ei imponere distuleris presertim cum eum a nobis honoratum atque inuestitum et cum plenitudine honoris et gratię tibi et ecclesię tuę remissum cognoueris et acceperis maxime cum nobis et imperio ipse fidelis habeatur et utilis ac deuotus tibi et ecclesię Cameracensi semper debeat inueniri precipue etiam cum in eius litteratura et honestate nichil quod sit dignum repudio inesse ueraciter cognoscamus. Mandamus itaque tuę fidelitati et monendo precipue rogamus quatinus predicto abbati Gossichino quem tuę discretioni remittimus omni occasione et dilatione remota sicut iure debes manum consecrationis statim imponas eius que personam et ecclesiam et bona ecclesię nostrę pertinentia prout de te confidimus omni studio cures defensare. Quodsi aliquo impedimento legitimo interueniente hoc promouere distuleris rogamus et uolumus ut abbati Stabulensi potestatem et licentiam concedas quod ipsum abbatem consecrandum ex tua permissione Leodiensi episcopo representet qui ei manum imponat. Volumus enim absque omni dubio ut sicut in temporalibus nostris plenitudinem honoris a nobis accepit ita et plenitudinem officii in spiritualibus consequatur et habeat.
Source APPELT H. 1975
EDITIONS AND SECONDARY LITERATURE
Editions
APPELT H.. Die Urkunden Friedrichs I. (Monumenta Germaniae Historica. Die Urkunden der deutschen Könige und Kaiser, X), 5 vol., Hannover, 1975-1990., 2, n.494, p.418-419, LINK LINK
Secondary literature APPELT H.. Die Urkunden Friedrichs I. (Monumenta Germaniae Historica. Die Urkunden der deutschen Könige und Kaiser, X), 5 vol., Hannover, 1975-1990., 2, p.418, LINK LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.463, LINK LINK
BOEHMER J.F.-OPLL F.-MAYR H.. Regesta Imperii IV. Lothar III. und ältere Staufer 1125-1197. 2. Abt.: Die Regesten des Kaiserreichs unter Friedrich I. 1152 (1122) - 1190. 2. Lief.: 1158-1168, Wien-Köln, 1991., n.1515, p.238-239, LINK LINK
AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource éléctronique, RI IV,2,2 n.1515, LINK LINK

 

Collaborator: Philippe Demonty