Diplomatica Belgica - Record 3435

DiBe ID

3435

ACTORS

Issuer(s)
(= author)

Function/title: king/queen
Name: Charles the Simple
Institution/jurisdiction: France
Diocese: Archbishopric Sens
Principality: France
Religious order:

Author(s) of the actio juridica

(= disposer)

Function/title: king/queen
Name: Charles the Simple
Institution/jurisdiction: France
Diocese: Archbishopric Sens
Principality: France
Religious order:

Beneficiary(ies)

(= recipient)

Function/title: bishopric
Name: Heidilo
Institution/jurisdiction: Noyon-Tournai
Diocese: Diocese Noyon
Principality: France
Religious order:

DATE

Scholarly dating (preferential)	//898 (conjecture précise / accurate conjecture - PIRENNE/PYCKE-VLEESCHOUWERS)
Scholarly dating (any)	//898 (conjecture précise / accurate conjecture - PIRENNE/PYCKE-VLEESCHOUWERS) Scholarly qualification: -
	//903 (terminus ante quem - LAUER/GUYOTJEANNIN/PYCKE-VLEESCHOUWERS) Scholarly qualification: -
	28/1/893 (terminus post quem - LAUER/GUYOTJEANNIN/PYCKE-VLEESCHOUWERS) Scholarly qualification: -
	//902 (approximation - DUVIVIER/WAUTERS) Scholarly qualification: -
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	à la demande de Heidilo , renouvelle des privilèges accordés par ses prédécesseurs (énumération)
Description	Language: Latin Authenticity: unsuspected document Textual tradition: copy (records) Nature of the charter: diploma

FULL TEXT OF CHARTER


In nomine sancte et indiuidue trinitatis. Karolus diuina propitiante clementia rex. Si liberalitatis nostre munere locis deo dicatis quiddam conferimus beneficii et necessitates ecclesiasticas ad petitiones sacerdotum nostro releuamus munimine atque tuemur iuuamine id nobis et ad mortalem uitam temporaliter transigendam et ad eternam feliciter obtinendam profuturum liquido credimus. Nouerit interea sagacitas seu utilitas omnium fidelium nostrorum tam presentium quam et futurorum quia ueniens uir uenerabilis Heidilo Vermandensis Nouiomagensis atque Tornacensis ecclesie presul obtulit obtutibus nostris auctoritates ataui nostri Karoli et proaui Chludouici necnon et aui nostri item Karoli imperatoris in quibus continebatur insertum quod non solum ipsi uerum etiam predecessores eorum reges uidelicet Francorum ecclesiam sancte Marie genitricis dei et domini nostri Ihesu christi semper que uirginis et sancti Medardi eiusdem ecclesie pontificis sub suo nomine et defensione cum cellulis sibi subiectis uidelicet sancti Eligii confessoris christi et sancti Mauricii ac sancti Martini necnon etiam ac reliquis cum omnibus rebus uel omnibus ad se pertinentibus uel aspicientibus consistere fecerunt et eorum immunitatum auctoritatibus hactenus ab inquietudine iudiciarie potestatis eadem munita atque defensa fuisset ecclesia. Sed pro rei firmitate postulauit prefatus uenerabilis Heidilo episcopus ut patrum seu predecessorum nostrorum regum morem sequentes huiuscemodi nostre immunitatis preceptum ob amorem dei et reuerentiam diuini cultus circa ipsas ecclesias fieri censeremus. Deprecatus est etiam quatinus res predecessoris sui Reinelmi et suas ad eandem ecclesiam acquisitas uidelicet Caprinum uillam Hainoensi in pago sitam et a Raimberto diacono eidem ecclesie collatam Viennam siquidem in Vermandensi pago super fluuium Somam ab Alquero necnon et fiscum in Tornaco in eadem ciuitate cum uilla Markedinio ad ipsum pertinente a Hilduino comite datam quam que Balduinus comes inique quondam moliebatur auferre similiter et in Flandris Artiriacum cum sibi pertinentibus et mansis III quondam Agardi que que etiam prefatus comes auferebat nostro iterum precepto insereremus atque refirmaremus insuper autem in predicta ciuitate Tornaco firmitatem antiquitus statutam et nunc destructam denuo ei edificare liceret monetam equidem ac riuaticum cum mercato et omni eorum undique in eadem ciuitate teloneo sepedicte ecclesie concederemus ac nostro edicto in perpetuum confirmaremus. Cuius petitioni libenter assensum prebuimus et hoc nostre auctoritatis preceptum erga ipsas ecclesias imunitatis atque tuitionis gratia pro diuini cultus amore et anime nostre remedio fieri decreuimus per quod precipimus atque iubemus ut nullus iudex publicus uel quislibet ex iudiciaria potestate in ecclesias aut loca uillas seu curtes uel agros seu reliquas possessiones quas moderno tempore in quibuslibet pagis et territoriis infra ditionem regni nostri memorata tenet uel possidet ecclesia uel ea que deinceps in iure ipsius ecclesie uoluerit diuina pietas augeri ad causas audiendas aut freda uel tributa exigenda seu queque iniuste molienda aut mansiones uel paratas faciendas uel fideiussores tollendos aut homines ipsarum ecclesiarum distringendos nec ullas redibitiones aut illicitas occasiones requirendas nostris et futuris temporibus ingredi audeat nec ea que supra memorata sunt penitus exigere presumat sed liceat memorato presuli suis que successoribus res predictarum ecclesiarum cum omnibus fredis concessis et cum rebus uel hominibus tam seruis quam ingenuis iuste ad se aspicientibus uel pertinentibus aut super terram ipsius ecclesie rationabiliter commanentibus sub tuitionis atque immunitatis nostre defensione remota totius iudiciarie potestatis inquietudine quieto ordine possidere et nostre fideliter parere uoluntati atque pro incolumitate nostra ac totius regni nostri nobis a deo collati eius que clementissima miseratione per immensum conseruandi una cum clero et populo sibi ad regendum commisso dei immensam clementiam exorare et quicquid de prefatis rebus ecclesiarum ius fisci exigere poterat in integrum eisdem ecclesiis concessimus scilicet ut perpetuo tempore sibi et successoribus suis ad peragendum dei seruicium augmentum et supplementum fiat. Hec quippe auctoritas ut pleniorem in dei nomine obtineat firmitatis uigorem manu propria subterfirmauimus et anulo nostro sigillari iussimus.

Source	LAUER PH. 1940

TRADITION

Original	No
Manuscripts	Beauvais, Archives départementales de l'Oise [AD], G 1984 (1201-1400)

EDITIONS AND SECONDARY LITERATURE

Editions	LAUER PH.. Recueil des actes de Charles III le Simple, roi de France (893-923) (Chartes et Diplômes relatifs à l'Histoire de France), I, Paris, 1940., n.2, p.1-4,
Secondary literature	WARICHEZ J.. Les origines de l'église de Tournai (Université de Louvain. Recueil des Travaux publiés par les Membres des Conférences d'Histoire et de Philologie, 10), Louvain-Paris, 1902., p.138-139,
	PIRENNE H.. Le fisc royal de Tournai, dans: Mélanges d'Histoire du Moyen Age offerts à M.Ferdinand Lot par ses amis et ses élèves, Paris, 1925, p.641-648., p.644-646, LINK LINK
	GUYOTJEANNIN O.. Noyon et Vermandois aux Xe et XIe siècles. La déclaration du trésorier Guy et les premières confirmations royales et pontificales des biens du chapitre cathédral de Noyon, dans: Bibliothèque de l'Ecole des Chartes, 139 (1981), p.143-189., p.178-179, LINK LINK
	PYCKE J.-VLEESCHOUWERS C.. Ouvrir les cartulaires des évêques de Tournai: une richesse dévoilée. 1098 regestes d'actes de 898 à 1677 (Tournai - Art et Histoire. Instrument de travail, 14), Louvain-la-Neuve, 2010., n.1, p.15,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.651, LINK LINK