Diplomatica Belgica - Record 3434

DiBe ID

3434

ACTORS

Issuer(s)
(= author)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Alexander III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Arnold I abbot
Institution/jurisdiction: Bruges (Eekhout)
Diocese: Diocese Tournai
Principality: Flanders
Religious order: Arrouaise

DATE

Scholarly dating (preferential)	10/1/1180 (nouveau style / new style - WAUTERS/JAFFE)
Scholarly dating (any)	10/1/1180 (nouveau style / new style - WAUTERS/JAFFE) Scholarly qualification: -
	10/1/1179 (donnée par document / mentioned in document - ) Scholarly qualification: -
Date in the charter	10/1/1179
Place-date (in the text)	Velletri
Place-date (normalised)	Velletri (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme les possessions et les privilèges de l'abbaye
Description	Language: Latin Authenticity: unsuspected document Textual tradition: indeterminate textual tradition Nature of the charter: bull

FULL TEXT OF CHARTER


Alexander episcopus seruus seruorum dei dilectis filiis Arnulfo abbati ecclesie sancti- Bartholomei de Eckort eius que fratribus tam presentibus quam futuris regularem uitam professis in perpetuam memoriam. Cum sitis regularem uitam domino inspirante professi paci uestre paterna consideratione prospicimus et ne possitis malignorum uexationibus fatigari apostolicum uobis patrocinium exhibemus. Eapropter dilecti in domino filii uestris iustis postulationibus clementer annuimus et predictam ecclesiam sancti- Bartholomei in qua diuino estis obsequio mancipati sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus qui secundum dei et beati Augustini regulam in uestra ecclesia institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia in presentiarum iuste ac canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. Sane sepulturam ipsius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati- Augustini regulam prouiderint eligendum. Nichilominus etiam arctius interdicimus ne episcopo archidiacono uel eorum ministerialibus canonicis seu clericis aliis pro confirmatione intronizatione uel benedictione abbatis uestri palefridum cappam sericam aut quidquam aliud facultas uel licentia pateat a uobis obtentu cuiuslibet consuetudinis exigendi. Si uero pro his a uobis quidquam exegerint cum detestabile sit et obuium rationi libere uobis liceat eis quod postulauerunt denegare. Ad hec cum generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere uel aliquibus uexationibus fatigare. Sed omnia integra conseruentur eorum pro quorum sustentatione ac gubernatione concessa sunt usibus omnimodis profutura salua sedis apostolice autoritate et dioecesani episcopi canonica iustitia. Siqua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi reatum suum digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bone actionis percipiant et apud districtum iudicem premia eterne pacis inueniant. Amen amen amen. Ego Alexander catholice ecclesie episcopus subscripsi. Ego Hubaldus Hostiensis episcopus. Ego Theodinus Portuensis et sancte Rufine episcopus. Ego Hugo presbyter cardinalis titulo sancti- Clementis. Ego Mattheus- presbyter cardinalis titulo sancti- Marcelli. Ego Ardicio diaconus cardinalis sancti- Theodori. Ego Gratianus diaconus cardinalis sanctorum- Cosme et Damiani. Ego Iohannes diaconus cardinalis sancti- angeli. Ego Rainerius diaconus cardinalis sancti Adriani. Ego Mathaeus Mariae noue diaconus cardinalis-. Ego Paulus sanctorum- Sergii et Bachi diaconus cardinalis. Datum Velletri per manum Alberti sancte Romane ecclesie presbyteri- cardinalis- cancellarii IIII idus ianuarii indictionę III incarnationis domini- anno M° C° LXX° VIIII°. Pontificatus uero domini Alexandri pape III anno XXI.

Source	MIRAEUS A.-FOPPENS J.F. 1723

TRADITION

Original	Yes Bruges, Archief Groot Seminarie [A Gr. Sem.], Eekhout 1
Manuscripts	Bruges, Archief Groot Seminarie [A Gr. Sem.], Manuscrit 181/150 (1394)
	Bruges, Archief Groot Seminarie [A Gr. Sem.], Manuscrit 179/151 (1396-1711)
	Ghent, Universiteitsbibliotheek, Manuscrit 466 (112) ()

EDITIONS AND SECONDARY LITERATURE

Editions	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 3, n.64, p.56-57, LINK LINK LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13596, p.358, LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.596, LINK LINK