Diplomatica Belgica - Record 3372

Diplomatica Belgica - Record 3372

DiplomataBelgica

colophon | about | copyright | contact | version française

Search | Tradition Search

DiBe 1 of 1

‹

›

return to all results

DiBe ID

3372

ACTORS

Issuer(s) (= author)	Function/title: bishop Name: Nicholas I Institution/jurisdiction: Cambrai Diocese: Diocese Cambrai Principality: Cambrai Religious order:
Author(s) of the actio juridica (= disposer)	Function/title: bishop Name: Nicholas I Institution/jurisdiction: Cambrai Diocese: Diocese Cambrai Principality: Cambrai Religious order:
Beneficiary(ies) (= recipient)	Function/title: count/countess Name: Baldwin IV Institution/jurisdiction: Hainaut Diocese: Diocese Cambrai Principality: Hainaut Religious order:
	Function/title: bishopric Name: Institution/jurisdiction: Cambrai Diocese: Diocese Cambrai Principality: Cambrai Religious order:

DATE

Scholarly dating (preferential)	//1142 (donnée par document / mentioned in document - )
Scholarly dating (any)	//1142 (donnée par document / mentioned in document - ) Scholarly qualification: -
Date in the charter	//1142
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	vend au comte l'alleu de Le Quesnoy contre deux cents quarante livres de sa monnaie et assigne à la mense épiscopale l'autel du lieu et ses revenus
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine sancte trinitatis et indiuidue unitatis. Nicholaus dei gratia Cameracensis episcopus tam futuris quam presentibus. In consecratione nostra ex consuetudine nobis preceptum est ut dispersa congregaremus congregata conseruaremus. Commoditati igitur nostre et successorum nostrorum utilitati in posterum prouidentes illustris comitis Balduini Montensis postulationem consilio et hortatu cleri et populi suscepimus et ad honorem ecclesie nostre eum ad obtinenda que petiit exconsulto collegimus. Erat enim in territorio Hainonensi allodium de Nofluz ecclesie nostre ad mensam episcopalem antiquitus assignatum sed raptorum incursione et terre sterilitate inhabitatum et inutillimum. Cum autem idem comes et sui super uenditione eiusdem allodii nos frequentius conuenirent personarum abbatum et capituli nostri consilio et ordinatione casatorum clientum ciuium assensu et hortatione prefatum allodium pro ducentis et XL nostre monete libris ut melior et utilior possessio a nobis comparetur quicquid iuris in eodem allodio nostrum erat excepto altari saluo iure Adam prepositi nostri de nouo Castello salua que Gualteri de Alnoit prout iudicatum fuerit reclamatione eo tenore concessimus ut prefatus comes et successores sui nobis et successoribus nostris hominium et fidelitatem facerent et si pro aliquo excessu idem comes uel successores sui a nobis uel successoribus nostris et iustum est submoniti fuerint ad deuitandas ciuitatis commotiones apud Salsoit uel ad locum qui Fontes Riuie uocatur sicut de loco ordinauerimus iusticiam hominum nostrorum iudicio exequentur. Nos uero pro melioratione et commutatione allodii clientum nostrorum consilio et prouidentia prefatum altare episcopali mense assignauimus et que a predecessoribus nostris inuadiata erant hac pecunia consilio curie nostre redemimus et de remanenti quod mense nostre utile fuit comparauimus. Nobis autem super reditibus eiusdem altaris et pace idem comes in presentia hominum nostrorum et suorum de omnibus securitatem promisit et pepigit quibus in curia nostra iusticiam hominum nostrorum iudicio exequemur. Ut igitur hec sicut presignauimus semoto omni scrupulo inuicem conseruentur subnotato testimonio nostro et comitis Balduini sigillo presens cyrographum alternatim confirmauimus. Signum Iohannis Alardi archidiaconorum. Signum Gerardi archidiaconi et decani. Signum Paruini abbatis sancti sepulchri. Signum Walteri abbatis sancti Autberti. Signum Radulphi Vacellensis abbatis. Signum Godescalci abbatis de Monte Sancti Martini signum Wirimbaldi cancellarii. Signa- Walteri Hescelo Radimardi Radulfi Walteri capellanorum. Signum Wirinbaldi Hugonis Willelmi Hugonis Walcheri Eustachii canonicorum. Signa- Symonis castellani Radulfi de Romelli Godefridi de Canthen Iohannis de Marchun parium. Signa- Huardi Thome Baldwini Reinaldi Thome de Fontanis militum. Signum Isenbardi. Signum Arnolfi de Erbau. Signum Iwani de Waldripont. Signum Teoderici de Lin. Signum Alolfi de Halci. Signum Teoderici de Wallers. Signum Roberti de Aisunuil. Signum Amandi de Donench. Signum Walcheri de Obrizcurt. Signum Nicholai de Quaernun. Signum Hardwini uillici. Actum anno uerbi incarnati M° C° XLII° presulatus domni Nicholai VI°.

Source	DUVIVIER CH. 1863

TRADITION

Original	Yes Lille, Archives départementales du Nord [AD], 3G 30/326
Manuscripts	Paris, Bibliothèque nationale de France [BNF], Manuscrit latin 10969 (1201-1300)
	Lille, Archives départementales du Nord [AD], 3 G 539 (1401-1500)

EDITIONS AND SECONDARY LITERATURE

Editions	DUVIVIER CH.. Quelles étaient l'importance et les limites du Pagus Hainoensis jusqu'au XIe siècle ?, dans: Mémoires et Publications de la Société des Sciences des Arts et des Lettres du Hainaut, 2e série, 9, Mons, 1863-1864., n.121, p.569-571, LINK
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.237, LINK LINK
	PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.7, LINK
	PIETRESSON DE SAINT-AUBIN P.. Répertoire numérique. Série G. Tome II. Fascicule 1. Clergé régulier. 3 G à 5 G (Archives départementales du Nord), Lille, 1968., col.1, p.141, LINK

Collaborator: Philippe Demonty