Diplomatica Belgica - Record 333
DiplomataBelgica
Search | Tradition Search
DiBe 1 of 1
return to all results
DiBe ID 333
ACTORS
Issuer(s)
(= author)
Function/title:  count palatine/rheingrave/wildegrave
Name:  Sigafridus I of Ballenstedt
Institution/jurisdiction:  Rhine

Diocese:  Diocese Trier
Principality: Upper Lorraine
Religious order: 

Author(s) of the actio juridica 

(= disposer)

Function/title:  count palatine/rheingrave/wildegrave
Name:  Sigafridus I of Ballenstedt
Institution/jurisdiction:  Rhine

Diocese:  Diocese Trier
Principality: Upper Lorraine
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  Affligem

Diocese:  Diocese Cambrai
Principality: Brabant (Leuven)
Religious order:  Benedictines
DATE
Scholarly dating
(preferential)
//1112 (approximation - WAUTERS)
Scholarly dating
(any)
//1112 (approximation - WAUTERS) Scholarly qualification: -

Place-date

(in the text)

Place-date

(normalised)


Diocese: 
Principality: 
SUMMARY AND DESCRIPTION
Summary achève la fondation de l'abbaye de Maria-Laach (Niedermendig) et place ce monastère sous l'autorité de l'abbaye d'Affligem
Description
Language: Latin
Authenticity: unsuspected document Textual tradition: simple copy
Nature of the charter: charter
FULL TEXT OF CHARTER
In nomine sanctę et indiuiduę trinitatis ego Sifridus gratia dei comes palatinus notum esse uolo fidelibus. Qualiter et a quibus ęcclesia quę uocatur Lacus constructa sit et libertati tradita. Predecessor et dominus meus Heinricus comes palatinus exhortante uxore sua Athelheidę uidelicet matre mea predictam ęcclesiam ędificare cupiens fundamentum eius tantummodo posuit et iam morte imminente sicut bonorum suorum ita huius quoque laboris ęcclesię scilicet perficiendę heredem me instituit quod primum quidem utpote iuuenis negglexi postmodum uero penitentia ductus quod negglexeram deuotissime corrigere studui. Itaque castellum ęcclesię uicinum quieti fratrum prospiciens destruxi et bona ad ipsum prius pertinentia fratribus ibi deo et beatę- Marię famulantibus tradidi ipsum que locum cum omnibus appenditiis suis Haffligeniensis cenobii abbati et successoribus suis perpetuo regendum tradidi ea uidelicet consideratione ut quia uterque locus in allodio meo situs erat unius eiusdem que abbatis gubernaretur prouidentia. Cum uero presens abbas uel successores sui uocante domino de seculo transierint aliqui fratrum qui apud lacum ad hoc idonei erunt ad communis abbatis electionem Haffligenium occurant nisi forte aliquis uel scandali uel perturbationis imminentis metus obstiterit propter quem aduentum ipsorum conuentus Haffligeniensis expectare non possit. Quod si hęc uel alia quelibet rationabilis causa impedierit propter quam ad communem electionem non occurrerint quemcunque Haffligenienses fratres boni testimonii zelo dei secundum canonicam et priuilegii sui institutionem elegerint hunc et ipsi debita conueneratione tamquam patrem spiritualem suscipiant et ipse utrique loco sicut et predecessor suus gubernando presideat. Si autem aliquando in ouile christi peccatis exigentibus aliquis non dico abbas sed tyrannus quod absit symoniacę uel per secularem potentiam uiolenter subintroierit illum nullatenus suscipiant illi subiectionem nullam exhibeant. Quin immo quotquot ex fratribus de conuentu Haffligeniensi inuasoris illius pestiferam communionem declinantes ad eos confugerint cum gaudio suscipiant et pro facultate loci tamquam propria uiscera foueant donec propitiatio diuina gregem suum respiciat et idoneum pastorem ei prouideat. Aduocatum uero non alium quam me ipsum quamdiu uixero ęcclesię constituo. Me autem defuncto cuicumque filiorum meorum uel in posterum cuicumque heredum meorum bona mea lacum circumiacentia obuenerint hunc aduocatum sibi fratres assumant si tamen decretum a me constitutum et hic subscriptum obseruaturum se esse promiserit si bona ęcclesię uiriliter tueri et familiam eius clementer et humanę tractare uoluerit. Nouerit itaque omnimodo sibi obseruandum ne aduocatiam uel coniugi suę in dotem uel alicui in beneficium dare presumat ne alium pro se substituat ne aliquando in bonis ęcclesię hospitando ęcclesiam uel familiam eius grauet ne seruitia ab ea ne iniustas exactiones quas precarias uocant aliquando exigat. De placitis autem ad aduocatum iure pertinentibus ubi abbas duos nummos acceperit tertius eius erit in quo tamen suscipiendo uel in alio quolibet negocio cum familia ęcclesię peragendo nullus alius minister aduocati neque uicarius neque subaduocatus preerit nisi ille solummodo qui uillicus abbatis fuerit. Ad placitum autem nunquam ueniet nunquam considebit nisi a fratribus si res ita poposcerit inuitatus fuerit. Cum uero inuitatus uenerit subscriptum tantum seruitium a fratribus habebit duo maldrę ad panem uespere unum mane ad pabulum ęquorum X maldre hieme V ęstate duos porcos V solidorum uespere unum XXX denariorum mane hamam uini uespere dimidiam mane. Ita autem agat et tam pium tam modestum tam que benignum fratribus et familię se exhibeat ut et honore nominis sui dignus existat et pro officio fideliter amministrato ęternam a christo renumerationem beata- Maria interueniente suscipiat. Quod si timoris dei oblitus quos fouere debuerat uiolenter oppresserit et ammonitus infra VI ebdomadas non satisfecerit tandem apostolico anathemate percussus aduocatiam amittat et de propinquis eius idoneum sibi fratres eligant qui sub predicta conditione eam amministraturus suscipiat. Preterea desidero et quantum de mortuo uiuens possum firmiter statuo ut ubicumque in prouincia uita excessero nusquam nisi in eadem ęcclesia sepeliar. Idem de uxore mea et filiis nostris et de aduocatis omnibus et aduocatorum proximis fieri maxime uolo et constituo. Ne autem quisquam heredum uel successorum meorum aliquam iniuriam domino deo et beatę- Marię quandoque inferre intendat de bonis a domino meo Heinrico palatino comite et a me quoque sibi collatis ea nominatim supponi mihi placuit. Ipse quidem tradidit et episcoporum atque electorum sacerdotum banno confirmari fecit Croth cum ecclesia Bella Reyde Alkene Willeberch. Ego uero donationem eius confirmando renouaui et insuper quatuor milites de Croth Houerhof et Meylem de Brabant addidi atque banno similiter et probatis testibus confirmaui. Hęc inquam beatę- Marię tradidimus cum omnibus appenditiis suis id est cum utriusque sexus mancipiis ędificiis areis exitibus et reditibus agris quesitis et inquirendis pratis pascuis uiis et inuiis aquis aquarum que decursibus molis molendinis piscationibus uineis uinetis siluis ac cum omni utilitate quę ullo modo inde prouenire poterit. Vt autem hęc nostra traditio firma et inuiolabilis in perpetuum permaneat hanc cartam inde conscriptam nostri sigilli impressione insigniri fecimus. Postremo ut nullum scrupulum dimittam determinandum est quid ei in uenatione concessimus tam abbas quam aduocatus sibi uenari poterunt. Huius rei testes sunt Herman comes de Uerneburg et Ratro de eodem castello Matfridus comes et frater eius Ricquinus Burgardus de Oreburch Folcoldus de Brule et filius eius Warnerus Embrico Reinoldus Berno de Thure Emmicho de Pultersthorf.
Source DE MARNEFFE E. 1894
EDITIONS AND SECONDARY LITERATURE
Editions
PHILIPPS-UNIVERSITÄT MARBURG. Marburger Lichtbildarchiv online (LBA - Lichtbildarchiv älterer Orginalurkunden bis 1250), Ressource électronique, Zugangsnummer 7113, LINK LINK
DE MARNEFFE E.. Cartulaire de l'abbaye d'Afflighem et des monastères qui en dépendaient (1086-1245) (Analectes pour servir à l'Histoire ecclésiastique de Belgique, IIe Section: Cartulaires et documents étendus), Louvain, 1894-1901., n.20, p.36-39,
Secondary literature WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.110, LINK LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.202, LINK LINK
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.65, LINK LINK

 

Collaborator: Philippe Demonty