Diplomatica Belgica - Record 3300

DiBe ID

3300

ACTORS

Issuer(s)
(= author)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Henry of Leez
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name: Wazelinus I abbot
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	29/11/1149 (donnée par document / mentioned in document - )
Scholarly dating (any)	29/11/1149 (donnée par document / mentioned in document - ) Scholarly qualification: -
Date in the charter	29/11/1149
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	incorpore l'église de Meeffe (S . Sévère) à l'abbaye
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Qui diuina dispensante gratia locum regiminis obtinent in ecclesia hoc precipue bone intentionis studio ac subsequentis operis effectu curare debent necessario ut in uenerabilibus et deo sacratis locis sanctorum gloria religiosis ut dignum est honoretur famulantium obsequiis. Quod sciens ego Heinricus secundus dei gratia Leodiensium episcopus quantum auxiliante christi gratia ualui sollicitudinis debite curam impendi ut diuine cultum religionis in subiectis mee prouidentie amplificarem ecclesiis. Inter quas precipue ecclesiam sancti seueri in Maffia debita miseratus sum sollicitudine que patroni sui corpore aliorum que sanctorum pignoribus nobilitata floruerat pridem religione canonia sed per successum temporis religiosis decedentibus canonicis in tantam permutationis negligentiam deciderat ut imminuto cultu diuine seruitutis ipsis que pene labentibus edificiis iam non uideretur esse que fuerat. De cuius nimirum restauratione cum semel iterum atque tercio uerbum fecissem in conuentu Leodiensis ecclesie ex consilio spiritualium uirorum fidelium que meorum placuit ut religioso abbati ecclesie sancti Laurentii Wazelino eandem ecclesiam contraderem qui ad honorem dei et sanctorum uenerationem regularium in ea monachorum disponeret ordinem. Quod et factum est nam in presentia ecclesiasticarum personarum predictam ecclesiam cum dote integra et omnibus pertinentiis suis cum tota omnino familia ac possessionum reditibus uniuersis tradidi libero ac perpetuo iure monasterio sancti Laurentii ita ab hodierna die et deinceps ecclesia sancti seueri subiecta sit ecclesie sancti Laurentii tanquam propria filia spirituali matri et eam tam in spiritualibus quam in temporalibus abbas sancti Laurentii ut propriam ecclesiam libere disponat et ex nostre preceptionis auctoritate regularem monachorum ordinem ad seruiendum deo in ea constituat sane decimam de maiori ac minori Seron et de Foris Uilla uilla ab hac largitione excepi et ad episcopalia continui eo quod benefitium sit persone que more ecclesiastico nostro debet adherere obsequio. Cetera omnia cunctas possessiones sancti seueri sicut propriis discrete sunt terminis cum omnibus usuariis et appenditiis suis ex integro tradidi perpetualiter monachis deo et sancto Seuero ad sacrum eius corpus seruituris ut inde necessarios habentes sumptus cum securitate ac tranquilla deuotione dei clementiam pro nostra exorent salute ac perpetuali sancte Leodiensis ecclesie conseruatione. Hac enim spe seu retributionis mercede nostra minificensia religiosis liberalem se impendit quatinus deuotis eorum orationibus et sanctorum quos ueneramur meritis suffragantibus temporali et eterna securitate in dei letemur miseratione. Ut autem huius nostre donationis uel munificentie largitio firma atque perpetualis maneat sancto Laurentio legitimo eam roboramus confirmationis priuilegio carte uidelicet presentis astipulatione cum impresso sigilli nostri munimine testibus subscriptis clericis ac laicis. Nomina testium Dodo archidiaconus Reimbaldus decanus Ioannes Gozelinus eiusdem ecclesie sancti seueri prepositus de nobilibus uiris Eustachius aduocatus Berengerus de Lez Ricardus de Maruilis de familia ecclesie Wedericus de prato Lambertus de Hoio et alii nonnulli. Actum Leodii III° kalendas decembris anno incarnationis domini M° C° XL° VIIII° indictione XIII-a regnante Cunrado II° anno regni eius XII°.

Source	YANS M. 1967

TRADITION

Original	No
Manuscripts	Liège, Archives de l'Evêché, G III 2 (1501-1600)

EDITIONS AND SECONDARY LITERATURE

Editions	YANS M.. Le cartulaire de l'abbaye de Saint-Laurent-lez-Liège conservé au British Museum, dans: Bulletin de la Société d'Art et d'Histoire du Diocèse de Liège, 47 (1967), p.23-134., n.8, p.41-43,
Secondary literature	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.386, p.167,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.311, LINK LINK