Diplomatica Belgica - Record 3289

DiBe ID

3289

ACTORS

Issuer(s)
(= author)

Function/title: monastic house
Name: Euerhelmus abbot
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

Author(s) of the actio juridica

(= disposer)

Function/title: monastic house
Name: Euerhelmus abbot
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

Beneficiary(ies)

(= recipient)

Function/title: monastic house
Name:
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	//1176 (donnée par document / mentioned in document - )
Scholarly dating (any)	//1176 (donnée par document / mentioned in document - ) Scholarly qualification: -
Date in the charter	//1176
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	institue les fondations concernant l'argent de poche , la ration de vin et l'usage de la graisse
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Cum moderator rerum uniuersa in numero et mensura et pondere constituerit constat profecto quod sine his nulla res publica nulla tranquillo ordine dispensatur ecclesia ubi hec assunt procul abest confusio et rationabilis semper prouentum habet dispositio. Eapropter ego Euerelmus beati Laurentii humilis seruus omnis que conuentus cui auctore deo deseruio unanimi consensu considerantes nobis esse sufficientiam annone in qualitate panis et pondere et similarum que diebus certis sunt constitute defectum cotidiani stipendii in numero denariorum defectum in mensura potus scilicet de uino tali ordine supplere curauimus allodium de Mathincurth saluo iure custodis et speltam de terra sancti Egidii in Nouilia quatuordecim denariis ueteris institutionis superaddidimus unde omni tempore excepto aduentu et quadragesima et diebus sollempnibus XV-cim denariorum IIII-or denarios fratres abbas uero duos in cotidiano uictu habent addito desuper sagimine in frixuris trium dierum singulis ephthomadibus omni tempore quo sagimine uti licet. Ad mensuram uero potus de uino cum antiquis et modernis elemosinis et allodio de Foz decimam eiusdem uille superaddidimus quibus in unum collectis Moselle aut Colonie aut Leodii prout fratribus uisum fuerit uinum comparabitur. Que autem labore nostro et industria uel largitione amicorum nostrorum adquisita sunt post obitum meum sic ordinata permanebunt dum autem uixero usibus nostris deseruient prout uoluero. Summa eorum est XVI libre que ita proueniunt in allodio de Boreis et decima in Glauns VIIII libre de quibus jam in presenti XL-a solidi redduntur custodi de Embeines et fiodo Roboam in Glauns duorum bonuariorum et fiodo Reineri in Mosmale LX-a solidi de domo forensi XL-a solidi de minuta decima in Aurido XX-ti solidi ab ecclesia sancte Marie de silua sancti que Cristofori XV solidi de curte monti nostro subiacente XXX-a solidi de quibus V redduntur sancto Iohanni item de ipsa curte et prato eidem curti contiguo V solidi III ad luminare sancte Marie de cripta duo in anniuersario fratris nostri Gersolani de theloneo de Aiuncurth XX-ti solidi Louaniensis monete de fiodo Bonefidei de Maffia X-cem solidi. Que summa XVI-cim marcarum ita ordinabitur in natali domini marca argenti IIII-or solidis unicuique diei cum octaua supputatis similiter in pasca et in rogationibus et in pentecosten que supputatio IIII-or marchis constat usibus infirmorum languentium marca argenti quinque minutionibus fratrum L solidi in aduentu reliquiarum sancti Laurentii V solidi in conceptione beate Marie V in anniuersario tam meo quam fratris mei domni Eustachii XL-a V-e solidi qui ita diuidentur ad sanctum Iacobum pro anniuersario domni Eustachii V-e solidi pro meo autem V-e ad sanctum Egidium V-e. De triginta qui remanent in nocte fratribus fatigatis in pulsando campanas et cantando V-e ministerialibus V-e ad agapem pauperum V-e in die ad missam XV ad candelas et incensum XXX denarii in anniuersario patris et matris fratris Eustachii quia eorum fuit domus Forensis et ab ipsis comparaui V-e ad luminare ecclesiole sanctorum Luce Mauricii et Thome V-e solidi in sollempnitate sancti Luce XXX-a denarii in sollempnitate sancti Andree XXX in sollempnitate sancti Mauricii XXX in octauis sancti Lamberti XXX in octauis sancti Iacobi fratris domini V-e solidi in dedicatione ecclesie sancti Iacobi V-e solidi in dedicatione ecclesie sancti Luce III solidi cantoribus et candelis in sollempnitate utrarumque ecclesiarum V solidi carnibus pauperum intrante quadragesima X-cem solidi in anniuersario domni elberti abbatis sancti Huberti et fratris mei Antonii II° solidi in anniuersario Erleboldi uinitoris et uxoris eius Ode quia iuuerunt pecunia sua in redemptione minute decime de Aurido V solidi XXX-a denariis unicuique anniuersario subdiuisis dominica circumdederunt in usus fratrum V solidos. Quod reliquum est scilicet XLVIII° solidos in quadragesima fratres in quos uoluerint usus expendent. Quinquaginta IIII-or cappones qui exeunt de Boreis et de Embeines dabuntur fratribus in infirmaria positis. Hoc tamen prenotato quod ab omnibus tam pusillis quam maioribus sub excommunicatione decretum est ne quis de omnibus his Iota unum aut unum apicem a predicta dispositione dimoueat et ut hec mihi adquisitori attribuatur recompensatio ut dum uixero meis usibus deseruiat et beneplacito. Etiam si quid in posterum adquirere potuero simili ratione in uita mea tenebo post obitum uero meum peruenient fratribus in quos usus disponero. Excommunicationis autem tanta fuit interminatio ut ego Euerelmus et domnus Cuno prior et sacerdotes omnes omnis que conuentus etiam cum pueris minoribus tenentes candelas in manibus anathematisauerunt eos qui aliqua circumuentione uel uiolentia preripere hec uel immutare presumpserint nisi quod absit tam grauis et tam euidens ecclesie necessitas emerserit ut omnis reliqua portio fratrum de uino in magis necessarios usus scilicet panis et uestium communi consilio ad tempus commutetur. Istius dispensationis curam non abbas nec prior sibi uendicare presumant sed frater humilis in ea positus fratribus gratanter deseruiat. Ad duo luminaria sancti Iacobi sancte que Marie Magdalene accipiuntur V-e solidi de VII-tem solidis Thome militis nepotis mei II° reseruantur anniuersario eius V-e domo Udonis quam emi IIII-or modii spelte de tribus bonnuariis allodii quod dedit frater meus domnus Eustachius unde ad duo altaria lucerna olei ponetur singulis noctibus. Summis autem sollempnitatibus coram altari beati Iacobi pro lucerna olei candela de cera ponetur. In anniuersario autem patris et matris mee fratrum que meorum domni Eustachii Ottonis et Hazece uxoris eius Amelii Anthonii Iohannis Lieberti Sebastiani LIIII-or solidi diuidentur sicut prescriptum est in regula. Et ut hec rata sit constitutio sigillo beati Lamberti beati Laurentii beati Iacobi beati que Egidii confirmari fecimus et testes idoneos adhibuimus quorum hec sunt nomina Heinricus maioris ecclesie prepositus et archidiaconus Hugo abbas ecclesie sancti Iacobi cum suis fratribus Bartholomeus abbas ecclesie sancti Egidii et alii multi. Factum est hoc anno ab incarnatione domini M° C° LXX° VI° indictione VIIII-a imperante Frederico Romanorum imperatore glorioso anno regni eius XX° IIII° Rodulpho Leodiensium uenerabili episcopo.

Source	YANS M. 1967

TRADITION

Original	No
Manuscripts	Liège, Archives de l'Evêché, G III 2 (1501-1600)

EDITIONS AND SECONDARY LITERATURE

Editions	YANS M.. Le cartulaire de l'abbaye de Saint-Laurent-lez-Liège conservé au British Museum, dans: Bulletin de la Société d'Art et d'Histoire du Diocèse de Liège, 47 (1967), p.23-134., n.17, p.64-68,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.770, LINK LINK