DiBe ID | 3285 |
ACTORS |
Issuer(s)
(= author) |
Function/title:
monastic house Name: Walter I abbot Institution/jurisdiction: Liège (S.Lawrence ) Diocese: Diocese Liège Principality: Liège Religious order: Benedictines |
Author(s) of the actio juridica (= disposer) |
Function/title:
dean (chapter) Name: Wichnand Institution/jurisdiction: Maastricht (S.Servatius) Diocese: Diocese Liège Principality: Loon Religious order: |
Function/title:
monk/nun/lay brother (in a personal capacity) Name: Nicholas Institution/jurisdiction: Liège (S.Lawrence ) Diocese: Diocese Liège Principality: Liège Religious order: Benedictines |
|
Beneficiary(ies)
(= recipient) |
Function/title:
monastic house Name: Institution/jurisdiction: Liège (S.Lawrence ) Diocese: Diocese Liège Principality: Liège Religious order: Benedictines |
DATE |
Scholarly dating
(preferential) |
//1159 (donnée par document / mentioned in document - ) |
Scholarly dating
(any) |
//1159 (donnée par document / mentioned in document - ) Scholarly qualification: - |
Date in the charter
|
//1159 |
Place-date (in the text) |
|
Place-date (normalised) |
Diocese: Principality: |
SUMMARY AND DESCRIPTION |
Summary | fait connaître les donations faites à son abbaye par le doyen Wichnand et le moine Nicolas |
Description
|
Language:
Latin Authenticity: unsuspected document Textual tradition: copy (records) Nature of the charter: charter |
FULL TEXT OF CHARTER |
In nomine sancte et indiuidue trinitatis. Digne deo seruientium cedere debent usibus ea que deo offeruntur a fidelibus nec ea prorsus uarietate aliqua turbari licet sed pro uoto offerentium in usus deo ministrantium dispensanda sunt fideliter. Quapropter ego Walterus per gratiam dei abbas ecclesie sancti Laurentii notum facio presentibus et futuris fratribus et fidelibus nostris quam elemosinam deo et beato Laurentio deuote obtulerunt decanus sancti Seruatii in Traiecto felicis memorie Winandus necnon et specialis ecclesie nostre filius frater Nicholaus que ue constitutio de eadem elemosina ad commune bonum facta sit tam ipsorum deliberatione quam unanimi fratrum uoluntate simul et nostra ordinatione. Itaque predicti fratres et amici nostri multo labore multa que expensa pecunie ecclesiam de Masuich decimam que de Lohun nobis readquesierunt predium etiam in Fode a se comparatum deo et sancto Laurentio pari deuotione obtulerunt. Singulari autem oblatione frater Nicholaus in adquisitione ecclesie sancti seueri in Maffia XX-ti marchas argenti dedit necnon et de terra que capelle sancti Cristofori circumiacet XIII-cim solidos annui census et II°s cappones adquisiuit. De hac ergo elemosina pro salute sua in usus fratrum hanc distributionem per nos facere uoluerunt. Ipse decanus domnus Winandus de sua parte allodii in Fode XV solidos pro candelis in missis fratrum comparandis constituit X-cem nichilominus ad augmentum prebende fratrum in quadragesima delegauit V-e etiam fratribus nostris et V-e fratribus sancti Iacobi in festiuitate sancti Seruatii V-e itidem nobis et V-e illis in die sui anniuersarii et III ipsa die pauperibus per manum elemosinarii IIII-or in anniuersario Fredelonis monachi III in duobus anniuersariis patris et matris Berengeri fratris nostri XXX-ta denariis cuique anniuersario subdiuisis. Et hec quidem per se domnus Winandus in uita sua ordinauit reliqua fratri Nicholao post se ordinanda reliquit. Quod ipse fideliter et industrie ad communem fratrum utilitatem tali exsecutus est ordine decem solidos ad luminare ante altare sancte dei genitricis Marie in cripta ut sit ibi in nocte lux assidua tribus proximis diebus post natale domini III solidos cuique diei fratribus constituit similiter II-a III-a et IIII-a feria in albis pascalibus III solidos unoquoque die et infra pentecosten II-a III-a et IIII-a feria itidem III solidos in purificatione sancte Marie III solidos dominica in palmis IIII solidos in inuentione sancte crucis denarios XXX-a in exaltatione eiusdem XXX in natiuitate sancti Iohannis baptiste XXX in martirio apostolorum Petri et Pauli XXX in conuersione sancti Pauli XXX in die sancti Iacobi fratris Iohannis euangeliste XXX in die sanctorum Philippi et Iacobi XXX in transitu sancti Benedicti XXX in translatione eiusdem XXX in missa sancti Nicholai denarios XII in missa sancte Marie Magdalene denarios XII tribus diebus rogationum XXX denarios unoquoque die in anniuersario domni abbatis Wazelini primi denarios XII pauperibus in anniuersario autem sui ipsius Nicholai VI solidos fratribus et ii solidos pauperibus in anniuersario patris ipsius denarios XXX et in matris eius anniuersario XXX-a. Summa distributionis huius in unum collecta solidos explet nonaginta de quibus nimirum XXX solidos soluet ecclesia sancti seueri in Maffia XX-ti solidos sua pars allodii in Fode XV-cim solidos ecclesia de Masuich VII-tem decima de Lohun XIII-cim terra circumiacens ecclesie sancti Cristofori. Et hec quidem constitutio siue constitutionis ordinatio propria est fratris Nycholai. Porro domni Winandi in summam colligitur soldorum LV qui omnes soluentur de sua parte allodii in Fode. Prouisio autem et amministratio tocius elemosine huius ad curam et manum prioris monasterii pertinebit et ipse ad preceptum abbatis et uoluntatem congregationis fideliter hec amministrare debebit. Que omnia nos firma et immutabilia perpetuo manere uolentes scriptum hoc iussimus et nostri impressione sigilli roborauimus ac pro legitimo testimonio confirmationis uniuersitatem adhibuimus congregationis. Conseruantibus hec potestas detur in ligno uite et per portas intrent in Iherusalem contemptoribus autem pena sit preualens ipsa mors. Actum anno ab incarnatione domini M° C° LVIIII° indictione VII-a imperante Frederico anno regni eius VIII°. | |
Source | YANS M. 1967 |
EDITIONS AND SECONDARY LITERATURE |
Editions
|
YANS M.. Le cartulaire de l'abbaye de Saint-Laurent-lez-Liège conservé au British Museum, dans: Bulletin de la Société d'Art et d'Histoire du Diocèse de Liège, 47 (1967), p.23-134., n.10, p.45-48, |
Secondary literature | COENEN J.. Limburgsche Oorkonden (98-1340), 4 vol., Maaseik, 1932-1942., 1, n.438, p.184, |