Diplomatica Belgica - Record 3268

DiBe ID

3268

ACTORS

Issuer(s)
(= author)

Function/title: monastic house
Name: Elizabeth abbess
Institution/jurisdiction: Messines
Diocese: Diocese Thérouanne
Principality: Flanders
Religious order: Benedictines

Author(s) of the actio juridica

(= disposer)

Function/title: provost/great provos (in a personal capacity)
Name: Gerard of Mesen
Institution/jurisdiction: Lille (S.Peter)
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Messines
Diocese: Diocese Thérouanne
Principality: Flanders
Religious order: Benedictines

DATE

Scholarly dating (preferential)	//1214 (terminus ante quem - DIPLOMATA BELGICA: FIN ELISABETH)
Scholarly dating (any)	//1214 (terminus ante quem - DIPLOMATA BELGICA: FIN ELISABETH) Scholarly qualification: -
	//1224 (terminus ante quem - DIEGERICK) Scholarly qualification: -
	//1199 (terminus post quem - DIEGERICK) Scholarly qualification: -
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	approuve la fondation faite par Gérard d'une chapellenie dans l'église de Mesen / Messines
Description	Language: Latin Authenticity: unsuspected document Textual tradition: original Nature of the charter: charter

FULL TEXT OF CHARTER


In nomine patris et filii et spiritus sancti in perpetuum. Ego Elizabeth dei gratia Mecinensis abbatissa totus que conuentus notum fieri uolumus tam posteris quam modernis quod Gerardus canonicus noster prepositus Insulensis inueniens in ecclesia nostra altare sancti Michaelis penitus destructum et a memoria hominum tunc uiuentium prorsus elapsum quod nullus ad memoriam reducere potuit quod in eodem altari a multis retroactis temporibus diuina celebrari uiderit. Venit igitur ei in mentem quod altare illud uellet reparare et capellanum ibidem instituere. Accessit igitur ad nos petens ut sicut ipsi in mentem uenerat ita ei facere liceret quod libenter et benigne ei concessimus. Fecit igitur ex propriis sumptibus altare de nouo fieri et capellam sicut adhuc patiens est perpulchre satis et decenter ornari capellanum etiam ibidem instituit ut in eadem capella pro salute anime sue et antecessorum suorum et omnium fidelium in honore dei et beate Marie et sancti Michaelis et omnium sanctorum seruiat et diuina in perpetuum celebret quem canonicum in ecclesia nostra fecimus uidelicet tercium decimum concedentes ei uocem in capitulo et stallum in choro et ut participaret omnibus communitatibus et prouentibus quibus participant alii canonici qui sunt stationarii. Habebit etiam de missa cotidiana quotquot receperit oblationes IIII-or denarios et de missa mortuorum VI denarios et ii denariatas panis et iustam uini si tamen ei oblatum fuerit sicut constitutum est aliis presbiteris in eadem ecclesia cantantibus. Si quid autem residuum fuerit diligenter et fideliter ad opus thesaurarie conseruabit. Sciendum autem quod idem Gerardus redditus XII librarum ex proprio emit iuxta Brugis in terra quadam que dicitur Calueketa ex quibus X libras assignauit capellano que sunt prebenda sua et XL solidos pariter ipsi et omnibus aliis canonicis in recompensatione communionis illius qua participat cum eis capellanus. Alios etiam redditus XV librarum emit in territorio Furnensi quarum X libre soluuntur in Verkanessa et V ex officio Leonii notarii. Ex eis autem assignauit clerico qui seruiet capellano XX solidos ad faciendum anniuersarium patris sui XX solidos ad anniuersarium matris sue XX solidos ad anniuersarium sui ipsius XX solidos quos ipse tota uita sua soluit in translatione sancti Benedicti et post decessum suum ad diem obitus sui transferuntur. Ex XI uero libris remanentibus singulis trium neptum suarum XXX solidos assignauit Gerardo filio suo V libras. Residuum autem sicut et illa que neptibus et filio suo sunt assignata quamdiu uixerit et uoluerit in manu sua tenebit. Si uero illi superuixerint post decessum suum ad eos reddibunt sicut eis sunt assignata. Post mortem autem tam ipsius quam eorum hec XI libre ad ecclesiam reddibunt hoc uidelicet modo VI libre ad communitatem canonicorum stationariorum V libre ad thesaurariam hac conditione quod prouidere debet capelle sue in lampade semper ardente et in candelis honorifice interim dum missa celebrabitur et in libris et uestimentis et in ceteris ornamentis sicut prouidet aliis altaribus per ecclesiam. Sciendum etiam quod ad petitionem eius concessimus quod XL solidi paulo plus uel paulo minus quos tenet de stallis mercenariorum in atris et quamdiu uixerit et uoluerit in manu sua tenebit ad thesaurariam transferentur ad amendanda luminaria omnium altarium in ecclesia illud etiam notandum quod capellanie donatio ad ipsum Gerardum quamdiu uixerit pertinebit. Post decessum uero suum abbatissa communicato consilio cum decano et capitulo eum dabit ubi melius expedire uiderit. Ut autem hoc ratum inconcussum que premaneat sigilli nostri appensione muniri fecimus et testium subnotatione roborari. Signum Sigeri decani. Signum Elye signum Euerardi signum Iohannis de Cominis signum Adale priorisse signum Aue de Ypris signum Gertrudis signum Sauine signum Agnetis quondam abbatisse signum Margarete de Nippaglisa et aliorum quam plurium.

Source	DIEGERICK L.A. 1876

TRADITION

Original	No
Manuscripts	Bruges, Rijksarchief [RA], Verzameling Aanwinsten 7026 (1201-1400)

EDITIONS AND SECONDARY LITERATURE

Editions	DIEGERICK L.A.. Inventaire analytique et chronologique des chartes et documents appartenant aux archives de l'ancienne abbaye de Messines (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale, 15), Bruges, 1876., n.45, p.54-56, LINK
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.587, LINK LINK