Diplomatica Belgica - Record 3261

DiBe ID

3261

ACTORS

Issuer(s)
(= author)

Function/title: pope
Name: Urban III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Urban III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Elizabeth abbess
Institution/jurisdiction: Messines
Diocese: Diocese Thérouanne
Principality: Flanders
Religious order: Benedictines

DATE

Scholarly dating (preferential)	9/1/1187 (plusieurs dates possibles / several possible dates - RAMACKERS)
Scholarly dating (any)	9/1/1187 (plusieurs dates possibles / several possible dates - RAMACKERS) Scholarly qualification: -
	9/1/1186 (plusieurs dates possibles / several possible dates - RAMACKERS) Scholarly qualification: -
	//1187 (terminus ante quem - DIEGERICK/DE COUSSEMAKER) Scholarly qualification: -
	//1185 (terminus post quem - DIEGERICK/DE COUSSEMAKER) Scholarly qualification: -
Place-date (in the text)	Verone
Place-date (normalised)	Verona (ITALIA, Veneto, Verona) Diocese: Archbishopric Aquileia Principality: German Empire

SUMMARY AND DESCRIPTION

Summary	confirme toutes les donations faites par les comtes de Flandre et par d'autres seigneurs (énumération)
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Urbanus episcopus seruus seruorum dei dilectis in christo filiabus Elisabeth abbatisse et conuentui ecclesie sancti Marie Mecinensis salutem et apostolicam benedictionem. Sacrosancta Romana ecclesia deuotas et humiles filias ex assuete pietatis officio propensius diligere consueuit et ne prauorum hominum molestiis agitentur. Tanquam pia mater sue protectionis munimine confouere. Ea propter dilecte in domino filie deuotionem quam erga beatum Petrum et nos ipsos habere noscimini attendentes prefatam ecclesiam in qua diuino estis obsequio mancipate cum omnibus quae in presentiarum iuste et pacifice possidet aut in futurum rationabiliter poterit adipisci sub beati Petri et nostra protectione suscipimus et presentis scripti patrocinio communimus specialiter autem ecclesiam Crucicularum cum altari quod de manu laica rationabiliter est exemptum. Elemosinam etiam quam nobilis uir Philippus comes Flandrie assensu uxoris sue bone memorie Elisabeth et dilectus filius noster Gerardus Insulensis prepositus uobis dederint sicut ea iuste et pacifice possidetis uobis et eidem ecclesie auctoritate apostolica confirmamus statuentes ut ea quoque firma uobis et illibata permaneant que a uobis iuste pacifice que possessa suis inferius nominibus annotantur ex dono comitis supradicti terra in Niwekerka et in Ballolio que singulis annis soluit centum raserias tritici et centum raserias auene et triginta duos solidos et dimidium et centum uiginti quatuor capones. Terra alia apud Hulseldam soluens singulis annis nouem marchas argenti et quinque solidos et uiginti quinque capones morus etiam quidam in territorio Furnense et triginta solidi ex officio Insulense ad conficiendum sacrificium altaris decem quoque libre in sancto Quintino ex tabulis nummulariorum modius tritici et modius auene ad modium Atrebacensem ex dono Gerardi Insulensis prepositi duodecim libre in territorio Brugense apud Kalueketam decem libre in territorio Furnense apud Verkenessam quinque libre ex oficio Leonis notarii Furnensis. Ex hiis autem uiginti septem libris instituit idem prepositus in supradicta Mecinense ecclesia unam prebendam quae terciadecima nunc est prius enim non nisi duodecim erant ibidem prebende canonicorum cui nouiter institute prebende idem prepositus assignauit tredecem libras et omnibus canonicis ibidem commorantibus undecim libras ad incrementam prebendarum suarum ad aniuersarium patris et matris sue et suum tres libras. Nulli ergo omnino hominum liceat hanc paginam nostre protectionis et confirmationis infringere uel ei ausu temerario contraire. Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se nouerit incursurum. Datum Verone V idus ianuarii.

Source	RAMACKERS J. 1934

TRADITION

Original	No
Manuscripts	Bruges, Rijksarchief [RA], Verzameling Aanwinsten 7026 (1201-1400)

EDITIONS AND SECONDARY LITERATURE

Editions	DE COUSSEMAKER I.. Documents inédits relatifs à la ville de Bailleul en Flandre, 3 vol., Lille, 1877-1878., 3, n.2, p.8-9, LINK LINK LINK LINK LINK
	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.284, p.434-435,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.355, LINK LINK