Diplomatica Belgica - Record 3239

DiBe ID

3239

ACTORS

Issuer(s)
(= author)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Adaleidis abbess
Institution/jurisdiction: Messines
Diocese: Diocese Thérouanne
Principality: Flanders
Religious order: Benedictines

DATE

Scholarly dating (preferential)	28/7/1147 (donnée par document / mentioned in document - )
Scholarly dating (any)	28/7/1147 (donnée par document / mentioned in document - ) Scholarly qualification: -
	//1147 (donnée par document / mentioned in document - DIEGERICK) Scholarly qualification: -
Date in the charter	//1147
	28/7/1147
Place-date (in the text)	Altisiodori
Place-date (normalised)	Auxerre (FRANCE, Bourgogne-Franche-Comté, Yonne) Diocese: Archbishopric Sens Principality: France

SUMMARY AND DESCRIPTION

Summary	impose la règle de saint Benoît , prend l'abbaye sous sa protection et confirme les donations qui lui ont été faites (énumération)
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Eugenius episcopus seruus seruorum dei dilectis in christo filiabus Adelidi abbatisse Mecinensis cenobii eius que sororibus tam presentibus quam futuris regularem uitam professis in perpetuum. Desiderium quod ad religionis propositum et animarum salutem pertinere monstratur auctore deo est sine aliqua dilatione complendum. Eapropter dilecte in domino filie uestris iustis postulationibus clementer annuimus et prefatum Mecinense cenobium in quo diuino mancipate estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo monasticus secundum beati Benedicti regulam et Cluniacensium fratrum institutionem perpetuis ibidem temporibus inuiolabiliter conseruetur. Preterea statuimus ut quascumque possessiones quecumque bona in presentias iuste et canonice possidetis aut in futurum concessione pontificum largitione regum uel principum oblatione fidelium seu aliis iustis modis deo propitio poteritis adipisci firma uobis et his que post uos successure sunt et illibata permaneant. In quibus hec propriis duximus exprimenda uocabulis locum ipsum in quo predicta ecclesia sita est cum decima et annale forum quod comes Robertus contulit ecclesia uestre apud Lampernessam X berquerias et quartam partem unius apud Alurengehem VII mansa terre apud Deches VII mansa terre. Apud Widesgat XXVIIII mansa terre altare de Warnestum et medium theloneum de Duuia apud Ferlingehem dimidia uaccaria apud Duplices Montes curiam et duo molendina et XII mansa terre et portam aque decimam de Merengies et de Martini Campo uillam de Scotis apud Ipram X libras de censu et mansuram Alcheri et mansuras quas Hugo eidem ecclesie contulit uillam Croisetthes cum appendiciis suis mansum unum apud Martini Campum apud Duacum terram que diuiditur in XII partes apud Alegange mansum terre decimam sancti Richarii apud Comines pratum et terram que uocatur Ploisc cum hospitibus quam Iwanus contulit eidem ecclesie apud Chemblam VIII solidos denariorum capellam de Merchem cum redditibus et terris adiacentibus. Obeunte te uero nunc eiusdem loci abbatissa uel earum aliqua que tibi est successura nulla inibi qualibus subreptionis astucia seu uiolentia preponatur nisi quam sorores communi concensu uel pars sanioris consilii secundum dei timorem et beati Benedicti regulam prouiderunt eligendam. Decernimus ergo ut nulli omnino hominum leceat prefatum cenobium temere perturbare aut eius possessiones aufferre uel ablatas retinere minuere aut aliquibus uexationibus fatigare sed omnia integra conseruentur ancillarum christi pro quarum gubernatione et sustentatione concessa sunt usibus omnimodis profutura salua sedis apostolice autoritate et diocesani episcopi canonica iusticia. Si qua igitur in futurum ecclesiastica secularis ue personna hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterna pacis inueniant. Amen. Amen. Amen. -CRUX- Ego Eugenius catholicę ęcclesię episcopus. -CRUX- Ego Albericus Ostiensis episcopus. -CRUX- Ego Iacintus diaconus cardinalis sancte Marie in cosmydyn. -CRUX- Ego Hugo presbyter titulo in Lucina. -CRUX- Ego Guido presbyter cardinalis titulo pastoris. Datum Altisiodori per manum Guydonis sanctę Romane ecclesie diaconi cardinalis et cancellarii V kalendas augusti indictione X incarnationis dominicę anno M C XLVII pontificatus uero domini Eugenii pape III anno III.

Source	DIEGERICK L.A. 1876

TRADITION

Original	Yes Bruges, Rijksarchief [RA], Blauwe nummers 11410
Manuscripts	Bruges, Rijksarchief [RA], Verzameling Aanwinsten 7026 (1201-1400)

EDITIONS AND SECONDARY LITERATURE

Editions	DIEGERICK L.A.. Inventaire analytique et chronologique des chartes et documents appartenant aux archives de l'ancienne abbaye de Messines (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale, 15), Bruges, 1876., n.9-10, p.14-16, LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9105, p.46, LINK LINK LINK LINK LINK LINK LINK
	TEULET A.-DELABORDE J.-BERGER E.. Layettes du Trésor des chartes (Archives de l'Empire. Inventaires et documents publiés par ordre de l'Empereur), 5 vol., Paris, 1863-1909., 5, n.49, p.16, LINK LINK LINK LINK LINK LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.246, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.275, LINK LINK