‹
›
return to all results
| DiBe ID | 3222 |
| ACTORS |
|
Issuer(s)
(= author) |
Function/title:
bishop Name: Lietard Institution/jurisdiction: Cambrai Diocese: Diocese Cambrai Principality: Cambrai Religious order: |
|
Author(s) of the actio juridica (= disposer) |
Function/title:
bishop Name: Lietard Institution/jurisdiction: Cambrai Diocese: Diocese Cambrai Principality: Cambrai Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Grimbergen Diocese: Diocese Cambrai Principality: Brabant (Leuven) Religious order: Premonstratensians |
| DATE |
|
Scholarly dating
(preferential) |
//1132 (donnée par document / mentioned in document - ) |
|
Scholarly dating
(any) |
//1132 (donnée par document / mentioned in document - ) Scholarly qualification: - |
|
Date in the charter
|
//1132 |
|
Place-date (in the text) |
Cameraci |
|
Place-date (normalised) |
Cambrai (FRANCE, Hauts-de-France, Nord)
Diocese: Diocese Cambrai Principality: Cambrai |
| SUMMARY AND DESCRIPTION |
| Summary | confirme les possessions et les privilèges (énumération) de l'abbaye , fondée par Gautier de Grimbergen |
|
Description
|
Language:
Latin Authenticity: unsuspected document Textual tradition: indeterminate textual tradition Nature of the charter: charter |
| FULL TEXT OF CHARTER |
| In nomine sanctae et indiuiduae trinitatis. Liethardus dei gratia Cameracensium episcopus tam futuris quam praesentibus in perpetuum. Diuina attestante scriptura quae ait: ante mortem tuam benefac quoniam non est apud inferos inuenire cibum ad bene agendum inuitamur prouidendum itaque nobis est ne de nostra tarditate post mortem abiudicemur. Ecclesiam igitur Grimbergensem in honore sanctaę dei genitricis Mariae et sancti- Petri apostolorum principis --- sitam exaltare et nobilitare decreuimus et qualiter ad nos a praedecessoribus nostris emancipata peruenerit subnotare censuimus. Cum enim praefatam ecclesiam Gualterus quidam nobilis quia in alodio suo sita erat teneret dominus Odo praedecessor noster petitione ipsius Gualteri et redditione eamdem ecclesiam ab omni laica manu et exactione aliqua et debitis obsoniis ad usum canonicorum secundum regulam beati- Augustini uiuentium primo emancipauit. Succedentibus uero temporibus cum illi nihil profecissent et penitus ecclesiam in nihilum redactam reliquissent iterum petitione eiusdem praedicti Gualteri monachorum ordinem sub eadem libertate ibidem imposuit. Sed et illi persecutiones malefactorum et paupertatem sustinere non ualentes iterum desolatam reliquerunt. Nouissime uero defuncto Gualtero heredes eius Gerardus uidelicet et Arnulphus quia patris et matris parentum eorum ibidem ossa requiescebant desolationem ecclesiae non ferentes petierunt a domino Norberto uiro spectabilis religionis per legatum suum hominem quemdam Aluaricum nomine ut suae religionis fratres in praefata ecclesia poneret. Ipse uero tandem petitionibus eorum acquieuit et fratres ibidem impositi sub tutela abbatis et fratrum Praemonstratae ecclesiae per aliquot tempus commorantes et de die in diem adiutrice gratia in melius pro sua paupertate et proposito proficientes a nobis et abbatem et praefatam libertatem innouari petierunt. Nos uero iustis eorum petitionibus annuimus sic uidelicet ut libera esset a seruitio a ceterarum consuetudine ecclesiarum ab omni prorsus exactione episcopi archidiaconi et decani. His autem ecclesiae concessis ecclesiae Cameracensi hoc solum de illa habendum retinui ordinationem fratrum et filialem loci subiectionem. Et si quem secundum ordinem et tenorem Praemonstratae ecclesiae a qua descendit religio abbatem canonice elegerint uel eiusdem praepositum ego et successores mei sacrent uel ubi petitione fratrum et necessitate idonea cogente eum sacrari permiserint si quid etiam in conciliis in synodo de iure et negotiis et utilitatibus ecclesiasticis tractare contigerit episcopum de quiete sua abbas euocetur ad eius dirigendum consilium. Ipsemet uero abbas parochiam cuilibet sacerdoti boni testimonii committat quem episcopo per se uel unum de suis fratribus ad suscipiendam populi curam praesentet. Qui si peccauerit uel fratribus in aliquo molestus fuerit sicut ab episcopo uel ministro eius sic ab abbate remoueatur uel corripiatur. Concedo etiam ut si inbannitur terra remotis excommunicatis haec cantet ecclesia clausis ianuis. Interdico autem ne quemquam a praedicto ecclesiae claustro sine permissione abbatis et assensu totius congregationis liceat discedere discedentem uero nullus audeat recipere. bona etiam et possessiones quas iuste et legitime praedicta ecclesia possidet ad usus canonicorum regularium ibidem dei seruientium praesentis scripti pagina confirmamus altare uidelicet de Wamblinis cum appendiciis suis Barckehem Radelegim et Ramesdum altare Mensce cum appendiciis suis Opehem et Rode altare de Strombeke et decem et octo mansos terrae. Ex quibus praedictus Gualterus sex dedit Gerardus filius unum Aluericus tertius filius suus --- Reinerus duos et quod superest antiquitus possedit ecclesia. Quaecumque praeterea iuste adipisci poterit firma et illibata conseruentur. Ad arcendas igitur quorumlibet importunitates data conseruatoribus pace in praeuaricatores quoad resipuerint excommunicationis sententiam proferimus atque canonica subsignatione nostra que subimaginatione huius nostri decreti paginam confirmamus. Signum mei ipsius Liethardi episcopi. Signa- Ioannis Theoderici Alardi Theoderici Gerardi archidiaconorum. Signa- Elebaldi praepositi Gildardi decani Rothberti cantoris Guidonis Hugonis Werimbaldi Lantberti Adam Bartholomaei canonicorum. Actum est hoc Cameraci anno incarnationis domini millesimo centesimo tricesimo secundo indictione decima. Ego Werimbaldus cancellarius scripsi et recognoui ---. | |
| Source | MIRAEUS A.-FOPPENS J.F. 1723 |
| TRADITION |
| EDITIONS AND SECONDARY LITERATURE |
|
Editions
|
DELESTRE D.J.. Uit het verleden van Grimbergen (Heemkundige kring Eigen Schoon Abdijgemeenschap der Norbertijnen) , I, Grimbergen, 1980., p.10 (fac-similé), |
| MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 1, n.86, p.96-97, LINK LINK LINK LINK | |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.168, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.716, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
