Diplomatica Belgica - Record 3221

DiBe ID

3221

ACTORS

Issuer(s)
(= author)

Function/title: pope
Name: Innocent III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Innocent III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Hugh abbot
Institution/jurisdiction: Voormezele
Diocese: Diocese Thérouanne
Principality: Flanders
Religious order: Augustinian Canons

DATE

Scholarly dating (preferential)	2/8/1200 (donnée par document / mentioned in document - )
Scholarly dating (any)	2/8/1200 (donnée par document / mentioned in document - ) Scholarly qualification: -
	10/8/1200 (conjecture précise / accurate conjecture - PYCKE/HUYGHEBAERT) Scholarly qualification: -
Date in the charter	2/8/1200
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	confirme à l'abbaye sa fondation , ses possessions (énumération) et ses privilèges
Description	Language: Latin Authenticity: unsuspected document Textual tradition: indeterminate textual tradition Nature of the charter: bull

FULL TEXT OF CHARTER


Innocentius episcopus seruus seruorum dei dilectis filiis Hugoni abbati Formisellensis ecclesiae eius que fratribus tam praesentibus atque futuris regularem uitam professis in perpetuum. Quoties a nobis petitur quod religioni et honestati conuenire dignoscitur animo nos decet libenti concedere et iusta postulantium desideriis apostolicum patrocinium impertiri. Eapropter dilecti in domino filii uestris iustis postulationibus clementer annuimus et praefatam ecclesiam Formisellensem in qua diuino mancipati estis obsequio sub beati Petri et nostra protectione suscipimus et praesentis scripti priuilegio communimus. Imprimis siquidem statuentes ut ordo canonicus qui secundum dominum et beati Augustini regulam in eadem ecclesia institutus esse dignoscitur perpetuis ibidem temporibus inuiolabiliter obseruetur. Praeterea quascumque possessiones quaecumque bona eadem ecclesia inpraesentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis praestante domino poterit adipisci uobis uestris que successoribus et illibata permaneant. In quibus haec propriis duximus exprimenda uocabulis locum ipsum in quo praefata ecclesia sita est cum omnibus pertinentiis suis duo altaria Renighes et Marck cum decimis ad ea pertinentibus tres etiam ecclesias uidelicet Dickebusch Sillebeka et Sandtfoort cum tertia parte decimarum ad eas pertinentium sicut uobis Ioannes Morinensis episcopus ab omni exactione liberas concessit synodalibus tantum reditibus reseruatis in aestiua scilicet synodo sex tantum denariis de omnibus persoluendis in autumnali uero de Renynghe duobus solidis de Marck similiter duobus de singulis autem ecclesiis supradictis duodecim denariis tantum in bissextili uero anno de Renighe uiginti solidis de Marck uiginti et de singulis ecclesiis supradictis decem persoluendi sunt. Altare de Eluerdynghe cum tertia parte decimae quod de dono episcopi eiusdem possidetis synodalibus tantum reditibus reseruatis. Altare de Staples cum tertia parte decimae quod uobis Milo Morinensis episcopus concessit saluo iure tam episcopali quam synodali. Altare Ghyuerdynchoue cum tertia parte decimae et de wastina quae uobis idem Milo libere et quiete concessit perpetuo possidenda redditibus tantum synodalibus tam ei quam successoribus persoluendis sex insuper iugera wastinae in fronte terrae Egberti de Gheleuelt adiacentia simul que totum morum qui in ea est quae ecclesiae uestrae Robertus comes Flandriae libere et absolute in perpetuum dedit. Quamdam etiam terram quae Latine dicitur Arena uulgo uero T'sant et omnia iura saecularia ad dominum comitatus pertinentia a Balduino comite uobis concessa et praebendam eleemosinariam quam Balduinus comes in officio Brugensi uobis perpetuo concessit habendam terram desertam in Sadelt cum decimis pertinentibus ad eam a parte australi Steenwerke quatuor iugera terrae in proximo adiacentis et a Steenwerke usque ad desertum quas uobis Carolus comes donauit duodecim bonaria terrae in Dickebusck et quatuor alia bonaria in Wideskate quae comes Theodoricus ab omni dominio libera uobis concessit. Praeterea uiginti quinque mensuras terrae mori ob omni exactione liberas cum omni libertate fodiendi quandocumque libet et decem mensuras terrae mori eidem terrae adiacentes quae fuerunt W-- de Locris uiginti quinque solidos Brugis assignatos ex officio Lamberti notarii ad conficiendum corpus et sanguinem domini nostri Iesu christi annuatim recipiendos et quinquaginta solidos ex eodem officio pro recolendo anniuersario Gertrudis Comitissae quondam Morianensis annuatim persoluendos quae omnia comes Flandriae Philippus uobis perpetualiter concessit uiginti etiam solidos quod uobis Margareta comitissa assensu Balduini uiri sui et maioris sui Balduini de breuibus maioris officii Brugensis annuatim in eleemosinam dedit quinque solidos annuos in uilla de Kemmela et bonarium prati in uilla de Warneston iuxta Lisiam. libertatem quoque telonii de rebus ad usus ecclesiae pertinentibus quae Robertus Betuniensis aduocatus per manum et consensum W-- filii sui uobis libere in perpetuum concessit duas mensuras terrae uel paulo plus iuxta terram canonicorum ab australi parte iacentis et tres mensuras uel paulo plus iuxta ueterem curtum quas Formisellensi ecclesiae W-- in eleemosynam dedit et quadraginta octo solidos annuos quos antecessores Henrici de Godeuerdesuelde super quandam terram canonicorum assignatos ab eodem W-- in feudum tenuerant. Circiter etiam uiginti mensuras terrae apud Hoghebrugam quas Robertus quondam praepositus et Elias decanus sancti- Donatiani Brugensis assensu capituli ecclesiae eiusdem uobis ab omni saeculari exactione concesserunt libere possidendas. Sane noualium uestrorum quae propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere praesumat. liceat quoque uobis clericos uel laicos liberos et absolutos e saeculo fugientes ad conuersationem recipere et eos sine contradictione aliqua retinere. Prohibemus insuper ut nulli postquam in eo loco professionem fecerit absque abbatis sui licentia arctioris religionis intuitu de eodem loco discedere discedentem uero absque communium litterarum cautione nullus audeat retinere. In parochialibus autem ecclesiis quas habetis liceat uobis proprios sacerdotes eligere et eos dioecesano episcopo praesentare quibus si idonei fuerint episcopus curam animarum committat ut ei de spiritualibus uobis uero de temporalibus debeant respondere. Ad haec praesenti decreto districtius inhibemus ne quis intra fines parochialium ecclesiarum uestrarum ecclesias seu oratoria sine uestro et episcopi dioecesani assensu de nouo construere audeat saluis priuilegiis pontificum Romanorum. Cum autem interdictum generale terrae fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Sepulturam praeterea eiusdem loci liberam esse decernimus et eorum deuotioni et extremae uoluntati qui se illic sepeliri deliberauerunt nisi forte excommunicati aut interdicti sint nullus obsistat salua canonica iustitia illarum ecclesiarum a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia praeponatur nisi quem fratres communi consensu uel fratrum pars concilii sanioris secundum deum et beati- Augustini regulam prouiderint eligendum. libertates insuper immunitates uobis et ecclesiae uestrae concessas nec non antiquas et rationabiles consuetudines hactenus obseruatas ratas habemus et eas futuris temporibus illibatas manere censemus. Decernimus ergo ut nulli omnino hominum liceat praefatam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolicae authoritate et dioecesani episcopi canonica iustitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam temere uenire tentauerit secundo tertio ue commonita nisi reatum suum congrua satisfactione correxerit potestatis honoris que sui careat dignitate ream que se diuino iudicio existere de perpetrata iniquitate cognoscat et a sacratissimo corpore ac sanguine dei et redemptoris nostri Iesu christi aliena fiat atque in extremo examine districtae ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen. Datum Laterani per manum Reynaldi Acherontensis archiepiscopi uicem gerentis cancellarii quarto nonas augusti indictione --- incarnationis dominicae anno millesimo ducentesimo pontificatus uero domini Innocentii papae III anno tertio.

Source	MIRAEUS A.-FOPPENS J.F. 1723

TRADITION

Original	No
Manuscripts	Bruges, Rijksarchief [RA], Verzameling Aanwinsten 3472 (1101-1300)

EDITIONS AND SECONDARY LITERATURE

Editions	MIRAEUS A.-FOPPENS J.F.. Opera diplomatica et historica, 4 vol., Lovanii, 1723-1748., 3, n.80, p.69-71, LINK LINK LINK LINK
Secondary literature	POTTHAST A.. Regesta pontificum Romanorum inde ab anno post Christum natum 1198 ad annum 1304, 2 vol., Berlin, 1874 - 1875., 1, n.1119, p.103, LINK LINK LINK
	HUYGHEBAERT N.. Observations sur la date de quelques chartes rédigées à la prévôté de Voormezele dans le premier quart du XIIe siècle, dans: Bulletin de la Commission royale d'Histoire, 145 (1979), p.115-140., p.124,
	PYCKE J.. Prévôté puis abbaye de Sainte-Marie à Voormezele, dans: Monasticon Belge, III, Flandre occidentale, III, Liège, 1974, p.691-756., p.708,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.136, LINK LINK