Diplomatica Belgica - Record 3204
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 3204
ACTORS
Issuer(s)
(= author) 		Function/title:  pope
Name:  Celestine III
Institution/jurisdiction:  Rome

Diocese: 
Principality: Papal States
Religious order: 

Author(s) of the actio juridica 

(= disposer)

Function/title:  pope
Name:  Celestine III
Institution/jurisdiction:  Rome

Diocese: 
Principality: Papal States
Religious order: 
Beneficiary(ies)

(= recipient)

Function/title:  archdeacon
Name:  Evrard
Institution/jurisdiction:  Liège (Hesbaye)

Diocese:  Diocese Liège
Principality: Liège
Religious order: 
Function/title:  cathedral/collegiate chapter
Name: 
Institution/jurisdiction:  Liège (Holy Cross)

Diocese:  Diocese Liège
Principality: Liège
Religious order: 
DATE
Scholarly dating
(preferential) 		4/1/1192 (conjecture précise / accurate conjecture - RAMACKERS/PONCELET)
Scholarly dating
(any) 		4/1/1192 (conjecture précise / accurate conjecture - RAMACKERS/PONCELET) Scholarly qualification: -

Place-date

(in the text)

Laterani

Place-date

(normalised)

Rome (Lateran) (ITALIA, Latium, Roma)

Diocese:  Principality:  Papal States
SUMMARY AND DESCRIPTION
Summary charge Raoul second doyen , Raoul écolâtre et H . chanoine de Köln (S . Pierre) de terminer le conflit entre le chapitre et l'archidiacre au sujet de l'église de Fize
Description
Language: Latin
Authenticity: unsuspected document Textual tradition: copy (records)
Nature of the charter: bull
FULL TEXT OF CHARTER
Celestinus episcopus seruus seruorum dei dilectis filiis Rodulpho- secundo decano et Radulpho- scolastico et H-- canonico ecclesie sancti Petri in Colonia salutem et apostolicam benedictionem. Dilectorum filiorum sancte crucis in Leodio canonicorum nobis insinuatio patefecit quod cum ecclesiam de Fies uacare contingeret cuius patronatus ad eos dicitur iure fundi spectare de communi consilio fratrum et deliberatione quendam Lambertum nomine concanonicorum et fratrem suum de ipsa ecclesia inuestierunt ita tamen quod ad releuandam inopiam canonicorum eiusdem ecclesie de fructibus ipsius ecclesie de Fies per ordinationem et auctoritatem concilii Tungrensis rationabiliter approbatam annis teneretur plenaria singulis respondere saluis iustitiis que episcopo archydyacono concilio cathedratico et synodali iure antiqua traditione debentur quod bone memorie Rodulphus quondam Leodiensis episcopus et Philippus Coloniensis archiepiscopus sicut asseritur approbantes litteris et sigillis propriis roborarunt. Super quo nichilominus confirmationem obtinere a sede apostolica postmodum meruerunt. Cum que iamdictam ecclesiam de Fies prefatus canonicus Lambertus iuste et sine controuersia possideret amoto Euerardo archidyacono Leodiensis ecclesie a quo curam susceperat animarum Albertus in eodem loco auctoritate Henrici quondam Albanensis episcopi tunc apostolice sedis legati canonice substitutus cepit predictam ecclesiam sancte crucis indebitis exactionibus pregrauare. Insuper etiam a duobus consanguineis et amicis suis preposito uidelicet Brunone et Adolfo decano maioris ecclesie Coloniensis adiutus est. Nichilominus et decanus sancte Marie ad gradus in Colonia litteras testimoniales obtinuit per quas falsa suggestione et tacita ueritate ad eosdem consanguineos suos super controuersia que inter ipsum et prefatos canonicos uertebatur commissionis litteras a sede apostolica impetrauit. Cum que canonici illos iudices suspectos haberent et se cognoscerent iniuste grauari se sub beati Petri et nostra protectione ponentes per appellationis suffragium ad sedem apostolicam prouocarunt. Ipsi autem iudices nichilominus in iamdictos canonicos excommunicationis sententiam precipitantes tam ipsum Lambertum prenominatum concanonicum et fratres eius quam etiam quandam aliam ecclesiam eius uidelicet de Freres interdicto supposuerunt. Unde quia tenemur oppressis succurrere et in suo iure patrocinium exhibere per apostolica scripta uobis mandamus quatinus ad uestram presentiam partibus conuocatis audiatis que proponuntur hinc inde et si proposita uobis assertio nititur ueritate canonicos sancte crucis et Lambertum sufficienti ab eis caucione recepta quod uestro debeant parere iudicio ab ea qua tenentur excommunicationis sententia infra octo dies post receptionem presencium auctoritate apostolica cessante appellatione soluatis ecclesie de Freres interdictum nichilominus relaxantes et causam inter eos appellatione remota salua constitutione Lateranensis concilii super ecclesiarum censibus non augendis nisi constiterit concessionem illam a sede apostolica confirmatam sine termino terminetis. Et quod a uobis fuerit fine canonico terminatum ne cuiuslibet possit temeritate turbari censura ecclesiastica illibate precipiatis firmiter que teneri nullis litteris ueritati et iustitie preiudicium facientibus si que fuerint harum tacita ueritate a sede apostolica impetrate. Quod si omnes hiis exequendis nequiueritis interesse duo uestrum ea nichilominus exequantur. Data- Laterani- secundo nonas ianuarii pontificatus nostri anno primo.
Source RAMACKERS J. 1934
EDITIONS AND SECONDARY LITERATURE
Editions
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.330, p.472-474,
Secondary literature PONCELET E.. Inventaire analytique des chartes de la collégiale de Sainte-Croix à Liège (1005-1796) (Publications de la Commission royale d'Histoire, Series II in 8°), 2 vol., Bruxelles, 1911-1912., 1, n.36, p.22, LINK LINK LINK LINK
COENEN J.. Limburgsche Oorkonden (98-1340), 4 vol., Maaseik, 1932-1942., 4, n.3891, p.300,

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015