‹
›
return to all results
| DiBe ID | 3201 |
| ACTORS |
|
Issuer(s)
(= author) |
Function/title:
bishop Name: Roger of Wavrin Institution/jurisdiction: Cambrai Diocese: Diocese Cambrai Principality: Cambrai Religious order: |
|
Function/title:
abbot/abbess (in a personal capacity) Name: Godescalc Institution/jurisdiction: Vaucelles Diocese: Diocese Cambrai Principality: Cambrai Religious order: Cistercians |
|
|
Author(s) of the actio juridica (= disposer) |
Function/title:
bishop Name: Roger of Wavrin Institution/jurisdiction: Cambrai Diocese: Diocese Cambrai Principality: Cambrai Religious order: |
|
Function/title:
abbot/abbess (in a personal capacity) Name: Godescalc Institution/jurisdiction: Vaucelles Diocese: Diocese Cambrai Principality: Cambrai Religious order: Cistercians |
|
|
Beneficiary(ies)
(= recipient) |
Function/title:
monastic house Name: Institution/jurisdiction: S.Ghislain Diocese: Diocese Cambrai Principality: Hainaut Religious order: Benedictines |
|
Function/title:
other Name: Beatrice Institution/jurisdiction: Boussu Diocese: Diocese Cambrai Principality: Hainaut Religious order: |
| DATE |
|
Scholarly dating
(preferential) |
25/12/1191 (terminus ante quem - DIPLOMATA BELGICA: FIN ROGER) |
|
Scholarly dating
(any) |
25/12/1191 (terminus ante quem - DIPLOMATA BELGICA: FIN ROGER) Scholarly qualification: - |
| //1191 (terminus ante quem - RAMACKERS) Scholarly qualification: - | |
| //1188 (terminus post quem - RAMACKERS) Scholarly qualification: - | |
| 15/6/1188 (terminus ante quem - NELIS) Scholarly qualification: - | |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | terminent , comme juges délégués du pape , un conflit entre l'abbaye de S . Ghislain et Béatrice |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| Rogerus- dei gratia Cameracensis episcopus et frater Godescalcus- monasterii Uaucellis minister humilis omnibus ad quos littere iste peruenerint salutem in domino. Cum ex conquestione abbatis et monacorum sancti Gisleni in auribus summi pontificis significatum fuisset quod nobilis mulier Beatrix- de Boussut possessiones prefati cenobii imperialibus beneficiis et apostolicis scriptis eidem confirmatas illicite occupasset et super eadem querela supreme auctoritatis mandatum suscepissemus citatis partibus et constitutis in presencia nostra hinc inde compromissum fuit in arbitros qui ueritate rei diligentius inquisita inter eos componerent uel de consilio nostro tocius cause negotium fine canonico deciderent. Commissio ista sub fidei religione et pene constitucione firmiter ordinata cum iam ex magna parte per arbitros processisset prefate matrone heredibus impedientibus et comminando prohibentibus debitum finem non potuit obtinere. Partibus igitur de mandato apostolico ad nostre iurisdictionis presenciam reuertentibus die tertia productionis testium eisdem prefixa sepedicta matrona cum iam prima die et altera testes non produxisset contra apostolici mandati auctoritatem que omnem appellationem remouerat sedem appellauit apostolicam. Nos autem nichilominus secundum formam mandati ordine iuris seruato procedentes priuilegiis prefati monasterii diligenter inspectis et testium deposicionibus per quinque presbiteros tres milites et trium uillarum homines iuratos et canonice examinatos in scriptura redactis manifeste cognouimus quod quicquid terre siue aque continetur in giro a flumine Wamii usque ad uiam ubi magna crux statuta fuit et inde ad alterum fluuiolum qui Haneton dicitur quousque ad flumen magnum Haniam recto cursu perueniant totum ad iusticiam et districtum sancti Gisleni de iure pertinere dinoscitur. Constitit eciam nobis per eosdem testes quod tota piscacio Roe et tota piscacio Hanie a Crumba Salice usque ad uillam sancti Gisleni sit eiusdem ecclesie. Accepimus eciam per eosdem testes quod utraque ripa Hannie a uilla sancti Gisleni ex altera parte usque ad Crumbam Salicem et ex altera parte uersus Roam usque ad locum ubi Roa adiuncta Haneton cadit in Hanniam tota sit sancti Gisleni excepto uno curtili Audon de quo testati sunt quod eius redditus dumtaxat et non districtus ad ius prenominate Beatricis- debeat pertinere. Preterea addiderunt quod de uenditione lignorum que super eam Hannie ripam que Roe proxima est deposita fuerunt ecclesia hactenus quociens ibi deposita sunt ius suum accepisse dinoscitur quod ultragium nuncupatur. Hiis igitur omnibus nobis liquide constantibus possessiones sicut superius comprehense sunt ad ius spectare ecclesie de execucione commisse nobis potestatis asserentes sepedictam matronam prout oportebat commonuimus et apostolice auctoritatis districtione eidem precepimus ut occupata prorsus restitueret et de eisdem possessionibus nullam de cetero iniuriam ecclesie irrogare attemptaret. Que quoniam monitis siue preceptis nostris parere contempsit ecclesiastica eam communione cum tota familia sua priuari usque ad plenariam inuasorum restitucionem et condignam reatu satisfactionem de apostolica auctoritate mandauimus. | |
| Source | RAMACKERS J. 1934 |
| EDITIONS AND SECONDARY LITERATURE |
|
Editions
|
NELIS H.. Etudes de diplomatique médiévale. I. Examen critique de chartes et bulles apocryphes de l'abbaye de Saint-Ghislain (965-1145), dans: Analectes pour servir à l'Histoire ecclésiastique de la Belgique, 33 (1907), p.73-107, 227-274., n.6, p.270-271, LINK LINK LINK |
| RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.326, p.469-470, | |
| Secondary literature | RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., p.469, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
