Diplomatica Belgica - Record 3178

DiBe ID

3178

ACTORS

Issuer(s) (= author)	Function/title: pope Name: Alexander III Institution/jurisdiction: Rome Diocese: Principality: Papal States Religious order:
Author(s) of the actio juridica (= disposer)	Function/title: pope Name: Alexander III Institution/jurisdiction: Rome Diocese: Principality: Papal States Religious order:
Beneficiary(ies) (= recipient)	Function/title: bishop Name: Evrard of Avesnes Institution/jurisdiction: Tournai Diocese: Diocese Tournai Principality: Flanders Religious order:
	Function/title: monastic house Name: Institution/jurisdiction: Affligem Diocese: Diocese Cambrai Principality: Brabant (Leuven) Religious order: Benedictines
	Function/title: monastic house Name: Institution/jurisdiction: Bruges (S.Andrew) Diocese: Diocese Tournai Principality: Flanders Religious order: Benedictines

DATE

Scholarly dating (preferential)	22/11/1174 (conjecture précise / accurate conjecture - RAMACKERS)
Scholarly dating (any)	22/11/1174 (conjecture précise / accurate conjecture - RAMACKERS) Scholarly qualification: -
Place-date (in the text)	Ferentini
Place-date (normalised)	Ferentino (ITALIA, Latium, Frosinone) Diocese: Principality: Papal States

SUMMARY AND DESCRIPTION

Summary	charge l'évêque d'Amiens et l'abbé d'Ename de terminer le conflit entre l'évêque de Tournai et l'abbaye d'Affligem concernant l'église de Gistel appartenant au prieuré de Brugge
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Alexander episcopus seruus seruorum dei uenerabili fratri Ambianensi episcopo et dilecto filio Heamensi abbati salutem et apostolicam benedictionem. Cum fuisset nobis ex parte abbatis et fratrum Haffligensis monasterii constanti assertione propositum quod uenerabilis frater noster Tornacensis episcopus ecclesie sancti Andree de Brugis que ad eorum iurisdictionem spectare dinoscitur ecclesiam de Gestle pro sua uoluntate subtraxerit quam de concessione bone memorie Lamberti- predecessoris sui assentiente capitulo Tornacensis ecclesie eadem ecclesia sancti Andree per quinquaginta annos dicitur legitime possedisse et censum debitum persoluisse et non solum predecessoris ipsius episcopi sed etiam successoris eius habuisse scripto autentico confirmatam causam ipsam uenerabili fratri nostro Morinensi episcopo et tibi fili abba nos meminimus commisisse. Post recessum uero nuntii predictorum fratrum accessit ad nos nuntius predicti episcopi et ex parte sua nobis proposuit quod predictus Lambertus- inter alia bona Tornacensis ecclesie que pro sua uoluntate dilapidauerat prescriptam ecclesiam de Gestle eidem ecclesie sancti Andree sub annuo censu decem et octo marcarum sicut iamdictus abbas et fratres asserunt concessit cum eadem ecclesia de Gestle de mensa episcopi esse noscatur. Cum autem Anselmus eidem Lamberto- in episcopatu Tornacensi successisset eundem censum augmentauit in uiginti septem marcas et sine assensu capituli sui eis eandem ecclesiam tenendam concessit et Geraldus et alii qui sibi postea successerunt predictos fratres quamuis ab eis statutum censum acceperint exinde plurimum molestarunt ita quidem quod Euerardus nunc Tornacensis episcopus eandem ecclesiam potissimum nisus est reuocare prohibens predictis fratribus ne ipsam ultra tenerent sed ipsi nichilominus detinuerunt ecclesiam et censum sibi sicut dicitur soluere contempserunt. Unde quia super his rei ueritas nobis exstat incognita tandem de assensu responsalium utriusque partis causam ipsam experientie uestre committimus presentium uobis auctoritate mandantes quatinus utraque parte ante uos conuocata causam ipsam diligentius audiatis et eam litteris aliis que a nobis super hoc impetrate sunt non obstantibus sublato appellationis remedio concordia uel iudicio terminetis ita quidem quod si uobis constiterit prefatum abbatem et fratres fuisse prescripta ecclesia absque iudicio spoliatos ipsam eis ante ingressum principalis cause auctoritate nostra appellatione cessante restitui faciatis. Data- Ferentino X kalendas- decembris-.

Source	RAMACKERS J. 1934

TRADITION

Original	Yes Bruges, Rijksarchief [RA], Blauwe nummers 7347
Manuscripts	Bruges, Rijksarchief [RA], Découvertes 250 (1) (1601-1700)

EDITIONS AND SECONDARY LITERATURE

Editions

RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.152, p.292-294,