‹
›
return to all results
| DiBe ID | 3170 |
| ACTORS |
|
Issuer(s)
(= author) |
Function/title:
pope Name: Alexander III Institution/jurisdiction: Rome Diocese: Principality: Papal States Religious order: |
|
Author(s) of the actio juridica (= disposer) |
Function/title:
pope Name: Alexander III Institution/jurisdiction: Rome Diocese: Principality: Papal States Religious order: |
|
Beneficiary(ies)
(= recipient) |
Function/title:
monastic house Name: Institution/jurisdiction: Cambrai (Holy Sepulchre) Diocese: Diocese Cambrai Principality: Cambrai Religious order: Benedictines |
|
Function/title:
monastic house Name: Institution/jurisdiction: S.André-du-Cateau Diocese: Diocese Cambrai Principality: Cambrai Religious order: Benedictines |
|
|
Function/title:
monastic house Name: Institution/jurisdiction: Cambrai (S.Aubert) Diocese: Diocese Cambrai Principality: Cambrai Religious order: Augustinian Canons |
|
|
Function/title:
bishop Name: Peter I of Alsace Institution/jurisdiction: Cambrai Diocese: Diocese Cambrai Principality: Cambrai Religious order: |
| DATE |
|
Scholarly dating
(preferential) |
27/1/1172 (conjecture précise / accurate conjecture - FALKENSTEIN) |
|
Scholarly dating
(any) |
27/1/1172 (conjecture précise / accurate conjecture - FALKENSTEIN) Scholarly qualification: - |
| 27/1/1172 (plusieurs dates possibles / several possible dates - RAMACKERS) Scholarly qualification: - | |
| 27/1/1171 (plusieurs dates possibles / several possible dates - RAMACKERS) Scholarly qualification: - | |
|
Place-date (in the text) |
Tusculani |
|
Place-date (normalised) |
Frascati (ITALIA, Latium, Roma)
Diocese: Principality: Papal States |
| SUMMARY AND DESCRIPTION |
| Summary | charge l'évêque de Cambrai d'examiner la plainte portée par les abbés de Cambrai (S . Sépulcre et S . Aubert) et de S . André-du-Cateau contre les lépreux de Cambrai , parce que ceux-ci refusaient de payer des dîmes aux dits abbés |
|
Description
|
Language:
Latin Authenticity: unsuspected document Textual tradition: copy (records) Nature of the charter: bull |
| FULL TEXT OF CHARTER |
| Alexander episcopus seruus seruorum dei dilecto filio Cameracensi electo salutem et apostolicam benedictionem. Cum iam pridem infirmis Cameracensibus indulserimus ut de noualibus suis quae propriis sumptibus excolunt seu de nutrimentis animalium suorum nemini teneantur decimas soluere dilecti filii nostri sancti sepulchri sancti Andreae de Castello et sancti Autberti abbates et fratres sui suam ad nos querimoniam transmiserunt asserentes quod occasione concessionis nostrae idem infirmi de possessionibus illis sibi decimas recusarent exsoluere de quibus triginta annis decimas receperunt. Unde cum uenerabili fratri nostro Henrico Remensi archiepiscopo dederimus in mandatis ut de possessionibus unde decimas tanto tempore receperunt eisdem abbatibus et fratribus faceret decimas solui idem archiepiscopus receptis litteris capituli tui sicut nuntius eorundem abbatum asseruit et infirmorum nuntius recognouit iuxta tenorem litterarum nostrarum tibi mandauit ut de possessionibus illis de quibus XXX annis praedicti abbates uel ecclesiae suae decimas consueuerunt recipere eis faceres amodo a praedictis infirmis decimas sine molestatione persolui. Quod utique mandatum satis fuit consonum rationi sed quia sicut ex confessione nuntiorum partium tenemus possessiones ipsae nondum sunt determinate nec est adhuc probatum de quibus possessionibus tanto tempore fuerint decimae praedictis ecclesiis persolutae discretioni tuae per apostolica scripta praecipiendo mandamus quatinus partibus coram te conuocatis et ueritate inquisita diligenter et cognita de uniuersis possessionibus praedictorum infirmorum de quibus supradicti abbates uel eorum ecclesiae decimas XXX annis consueuerunt recipere eisdem abbatibus et eorum ecclesiis facias decimas sine molestia et difficultate persolui. Nichilominus etiam quoniam nuntius eorundem abbatum constanter asseruit quod infirmis ipsis quasdam possessiones praedictae ecclesiae contulerunt legem prefigentes ut de his sibi decimas soluerent uolumus et mandamus ut de possessionibus ipsis quas tali tenore tibi constituerit eisdem infirmis collatas fuisse decimas abbatibus et ecclesiis suis facias exhiberi quia unicuique licet rebus suis legem imponere. De aliis uero noualibus unde XXX annis eaedem ecclesiae decimas nunquam caeperunt et de quibus inter eos huiusmodi pactum non intercessit siue de nutrimentis animalium suorum memoratos infirmos super exactione decimarum non sustineas a praedictis abbatibus uel a quibuslibet aliis molestari. Ad haec praesentium tibi auctoritate praecipimus quatinus eosdem infirmos in suis iustitiis manuteneas protegas et defendas nec patiaris eos a personis saecularibus super aliquibus decimis fatigari nec et uiros ecclesiasticos de noualibus suis quae propriis sumptibus excolunt seu de nutrimentis animalium suorum et de fructibus arborum a praefatis infirmis decimas permittas exigere uel auferre sed si quis clericus uel laicus contra hoc uenire temptauerit eum a presumptione sua appellatione remota ecclesiastica districtione compescas. Data- Tusculani- VI kalendas- februarii-. | |
| Source | RAMACKERS J. 1934 |
| TRADITION |
| EDITIONS AND SECONDARY LITERATURE |
|
Editions
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.131, p.270-272, |
| CHARTAE GALLIAE. Base de données de chartes médiévales, Ressource électronique, F06198, LINK LINK | |
| Secondary literature | RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., p.270, |
| FALKENSTEIN L.. Analecta pontificia Cameracensia. Zu Datum und Inhalt mehrerer Mandate Alexander III. betreffend Cambrai (1169-1172), dans: Archivum Historiae Pontificae, 21 (1983), p.35-78., p.49, |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
