Diplomatica Belgica - Record 3150

DiBe ID

3150

ACTORS

Issuer(s)
(= author)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Eudes abbot
Institution/jurisdiction: Bonne-Espérance
Diocese: Diocese Cambrai
Principality: Hainaut
Religious order: Premonstratensians

DATE

Scholarly dating (preferential)	2/7/1147 (conjecture précise / accurate conjecture - JAFFE/DILLO-VAN SYNGHEL/INSTITUUT VOOR NEDERLANDSE GESCHIEDENIS)
Scholarly dating (any)	2/7/1147 (conjecture précise / accurate conjecture - JAFFE/DILLO-VAN SYNGHEL/INSTITUUT VOOR NEDERLANDSE GESCHIEDENIS) Scholarly qualification: -
	2/6/1147 (donnée par document / mentioned in document - ) Scholarly qualification: -
Date in the charter	2/6/1147
Place-date (in the text)	Parisius
Place-date (normalised)	Paris (FRANCE, Île-de-France, Paris) Diocese: Archbishopric Sens Principality: France

SUMMARY AND DESCRIPTION

Summary	prend l'abbaye sous sa protection et lui confirme la règle de saint Augustin et les usages de Prémontré ainsi que ses possessions (énumération) et ses droits
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Eugenius episcopus seruus seruorum dei dilectis filiis Odoni abbati ecclesię beatę Marię de bona spe eius que fratribus tam presentibus quam futuris regularem uitam professis in perpetuum. Desiderium quod ad religionis propositum et animarum salutem pertinere monstratur auctore deo est sine aliqua dilatione conplendum. Eapropter dilecti in domino filii uestris iustis postulationibus clementer annuimus et prefatam ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordinem et propositum uestrum canonice uiuendi secundum beati Augustini regulam et institutionem Premonstrate ecclesię nullus audeat immutare. Fratrum etiam uestrorum qui stabilitatem et obedientiam promiserunt absque proprii abbatis et capituli sui licentia nullus discedere discedentem nullus presumat retinere. Ecclesia quoque uestra pro communi interdicto parrochie non uacet solummodo ne illi recipiantur quos interdictos uel excommunicatos esse constiterit. Preterea statuimus ut quascumque possessiones quecumque bona predicta ęcclesia in presentiarum iuste et canonice possidet aut in futurum concessione pontificum largitione regum uel principum seu oblatione fidelium seu aliis iustis modis deo propitio poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo ecclesia beate dei genitricis semper que uirginis Marie in bona spe sita est alodium de Ramelgiis alodium de Gays tria molendina duo uidelicet iuxta abbatiam tertium in ualle de Lestinis alodium de Morteri partem alteram de Morteri saluo censu annuo qui canonicis sancti Iohannis Valentianensis debetur totam decimam supradicte terre pro qua X modios annone et III solidos quoquo anno soluitis decimam curie iuxta abbatiam pro qua VI nummos soluitis totam decimam de Ramelgiis pro qua X solidos soluitis decimam pecorum de Gaiis pro qua V solidos soluitis partem quandam terre de Riuiolis quę fuit sancti saluatoris aliam partem terre de Riuiolis quę fuit Arnulfi de Blaton et aliorum participum terram iuxta Riuiolas de territorio de Lestinis tam alodium quam censualem quę fuit Engelberti de Breda et conparticipum eius et Iohannis de Roche decimam curtis de Ruez tam in segetibus quam in pecoribus sub censu XII nummorum Hainoensis monete totam decimam curtis de Riuiolis et terram de Doario quę ibidem habetur sub censu trium nummorum partem decime que ad Fossensem ecclesiam pertinet in curte Regeniis sub censu duorum solidorum Namucensis monete alteram partem a Iudita de Marebais sub censu trium solidorum eiusdem monete alodium de Teosziis decimam curtis de Teosziis sub censu quinque solidorum terram VI censualem terram de Carboneriis censualem terram de Leuniis sub censu IIII nummorum alodium in territorio de Bruile. Sane laborum uestrorum quos propriis manibus aut sumptibus colitis seu de nutrimentis uestrorum animalium nullus a uobis decimas exigere presumat. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolicę auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio de perpetrata iniquitate cognoscat et a sacratissimo corpore ac sanguine dei et domini nostri Iesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -r- ego Eugenius catholicę ęcclesię episcopus subscripsi- -bu-. Ego Albericus Hostiensis episcopus subscripsi-. Ego Imarus Tusculanus episcopus subscripsi-. Datum- Parisius per manum Hugonis presbiteri cardinalis agentis uicem domini Guidonis sancte Romane ecclesie diaconi cardinalis et cancellarii VI nonas- iunii indictione X incarnationis dominice anno M C XLVII pontificatus uero domni Eugenii pape III anno III.

Source	RAMACKERS J. 1934

TRADITION

Original	No
Separate copies	Mons, Archives de l'Etat [AE],
Manuscripts	Mons, Archives de l'Etat [AE], Abbaye Bonne-Espérance - 99.003 (1601-1800)

EDITIONS AND SECONDARY LITERATURE

Editions	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.63, p.184-186,
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.904, p.66-70, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9068, p.43, LINK LINK LINK LINK LINK LINK LINK
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, p.66, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.273, LINK LINK