Diplomatica Belgica - Record 3149

DiBe ID

3149

ACTORS

Issuer(s)
(= author)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Eugene III
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Philip I abbot
Institution/jurisdiction: Park
Diocese: Diocese Liège
Principality: Brabant (Leuven)
Religious order: Premonstratensians

DATE

Scholarly dating (preferential)	7/5/1147 (donnée par document / mentioned in document - )
Scholarly dating (any)	7/5/1147 (donnée par document / mentioned in document - ) Scholarly qualification: -
Date in the charter	7/5/1147
Place-date (in the text)	Parisius
Place-date (normalised)	Paris (FRANCE, Île-de-France, Paris) Diocese: Archbishopric Sens Principality: France

SUMMARY AND DESCRIPTION

Summary	prend l'abbaye sous sa protection et lui confirme ses biens (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Eugenius episcopus seruus seruorum dei dilectis filiis Philippo abbati de Parcho eius que fratribus tam pręsentibus quam futuris regularem uitam professis in perpetuum. Apostolici moderaminis clementie conuenit religiosos diligere et eorum loca pia protectione munire. Dignum namque et honestati conueniens esse dignoscitur ut qui ad ecclesiarum regimen assumpti sumus eos et a prauorum hominum nequitia tueamur et sedis apostolice patrocinio foueamus. Eapropter dilecti in domino filii uestris iustis postulationibus clementer annuimus et beate dei genitricis semper uirginis Marie ecclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. Statuentes ut quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis Fossam uidelicet cum appenditiis suis molendinis uiuariis et silua que inter ipsa uiuaria sita est terram de Morsloe terram de Notegeem cum appenditiis suis et decima allodia de Wesenbecca de Woleue de Stockle cum silua terram de Barla de Ophchem Parchum cum appenditiis suis terram de Eglennoua molendina de Heuerla molendinum de Vinkenbosch terram de sancto Medardo cum appenditiis suis terram de Humelemgem cum appenditiis suis allodium de Landen terram de Rungerio cum decima sua terram de parco terram de Goetsenhoua cum appenditiis suis. Sane laborum uestrorum quos propriis manibus aut sumptibus colitis siue de nutrimentis uestrorum animalium nullus omnino a uobis decimas exigere presumat. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernacione et sustentacione concessa sunt usibus omnimodis profutura salua tamen sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Iesu christi aliena fiat atque in extremo examine districte ulcioni subiaceat. Cunctis autem loco iusta seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. Ego Eugenius catholice ecclesie episcopus. Ego Albericus Hostiensis episcopus. Ego Imarus Tusculanus episcopus. Ego Guido presbiter- cardinalis- tituli- sancti Grisogoni. Ego Hubaldus presbiter- cardinalis- tituli- sanctorum Ioannis et Pauli. Ego Odo diaconus- cardinalis- sancti Georgii ad uelum aureum. Ego Guido diaconus- cardinalis- sanctę Marię in porticu. Datum- Parisius per manum Hugonis presbiteri cardinalis agentis uicem domini Guidonis sancte Romane ecclesie diaconi cardinalis et cancellarii nonis- maii indictione X-a incarnationis dominice anno M° C° XLVII° pontificatus uero domini Eugenii III pape anno III°.

Source	RAMACKERS J. 1934

TRADITION

Original	No
Manuscripts	Heverlee, Archief Abdij Park, Cartulaire D (ancien D14)-Rayon VII-26 (1401-1500)

EDITIONS AND SECONDARY LITERATURE

Editions	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.62, p.182-184,
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.903, p.64-66, LINK LINK