Diplomatica Belgica - Record 3144

DiBe ID

3144

ACTORS

Issuer(s)
(= author)

Function/title: pope
Name: Celestine II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Celestine II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name: Walter I abbot
Institution/jurisdiction: Flône
Diocese: Diocese Liège
Principality: Liège
Religious order: Augustinian Canons

DATE

Scholarly dating (preferential)	1/11/1143 (donnée par document / mentioned in document - )
Scholarly dating (any)	1/11/1143 (donnée par document / mentioned in document - ) Scholarly qualification: -
Date in the charter	1/11/1143
Place-date (in the text)	Laterani
Place-date (normalised)	Rome (Lateran) (ITALIA, Latium, Roma) Diocese: Principality: Papal States

SUMMARY AND DESCRIPTION

Summary	prend l'abbaye sous sa protection et lui confirme la règle de saint Augustin ainsi que ses possessions (énumération)
Description	Language: Latin Authenticity: unsuspected document Textual tradition: original Nature of the charter: bull

FULL TEXT OF CHARTER


Celestinus episcopus seruus seruorum dei dilectis filiis Gualtero Flonensi abbati eius que fratribus tam presentibus quam futuris regularem uitam professis in perpetuum. Desiderium quod ad religionis propositum et animarum salutem pertinere monstratur animo nos decet libenti concedere et petentium desideriis congruum impertiri suffragium. Eapropter dilecti in domino filii uestris iustis postulationibus debita benignitate gratum impertientes assensum beati Mathei apostoli et euangeliste Flonensem ęcclesiam in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus secundum beati Augustini regulam perpetuis ibi temporibus inuiolabiliter conseruetur. Preterea quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus et illibata permaneant. In quibus hęc propriis duximus exprimenda uocabulis locum ipsum de Flona cum hospitali et omnibus eorum pertinentiis Arsiz Montem in integrum uallem inter medium montium a ponte Flone usque ad finem ipsius uallis uennam Mose usuarium de Amang et de Clarmont in aquis pratis pascuis et omnibus utilitatibus curiam de Hotines cum omnibus pertinentiis suis curiam de Gilbreceies cum omnibus pertinentiis suis ecclesiam de sardo Geroldi cum omnibus pertinentiis suis ecclesiam de Herpenz cum pertinentiis suis V solidos censuales quod debet abbas Helecinensis singulis annis allodium quod dedit Henricus Alexander et fratres eius ecclesiam de Iaira cum appenditiis suis et allodio Folquini et fratris eius in eadem uilla curiam de Viler sancti Trudonis cum alodio curiam de Rosut cum alodio et libertate eius VI-am partem Honeffie cum omnibus appenditiis suis ecclesiam de Drait cum appenditiis suis alodium Guntranni de Guarnant allodium de Vellerul ius uestrum ecclesie de Boseit cum alodio allodium quod dedit uobis Robertus presbiter de Meant in helemosina partem uestram decimę de Mandaule allodium de Winedes de Cest de Tileres cum duobus molendinis censum de Hoi censum de Fiez molendinum de Vmbrai familiam Hedichinę in Iochires Auuire hospitale in Freires quod dedit dominus Guno cum omnibus appenditiis suis ecclesias ambarum Helecines cum pertinentiis suis. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentatione concessa sunt usibus omnimodis profutura salua diocesani episcopi canonica iustitia. Ad indicium autem huius a Romana ecclesia perceptę libertatis Bizantium unum nobis nostris que successoribus annis singulis persoluetis. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -r- ego Celestinus catholice ecclesię episcopus subscripsi- -bu-. -CRUX- Ego Conradus Sabinensis episcopus subscripsi-. -CRUX- Ego Albericus Ostiensis episcopus subscripsi-. -CRUX- Ego Stephanus Prenestinus episcopus subscripsi-. -CRUX- Ego Imarus Tusculanensis episcopus subscripsi-. -CRUX- Ego Gregorius presbiter- cardinalis- tituli- Calixti subscripsi-. -CRUX- Ego Thomas presbiter- cardinalis- tituli- Vestine subscripsi-. -CRUX- Ego Gregorius diaconus- cardinalis- sanctorum Sergii et Bachi subscripsi-. Ego -crux- Humbaldus diaconus- cardinalis- sancte Marie in uia lata subscripsi-. Ego -crux- Octauianus diaconus- cardinalis- sancti Nicolai in carcere Tulliano subscripsi-. -CRUX- Ego Petrus diaconus- cardinalis- sancte Marie in porticu subscripsi-. Datum- Laterani- per manum Gerardi sanctę Romane ecclesie presbiteri cardinalis ac bibliothecarii kalendas- nouembris- indictione VII incarnationis dominice anno M° C° XL° III° pontificatus uero domni Celestini II pape anno primo.

Source	RAMACKERS J. 1934

TRADITION

Original	Yes Liège, Archives de l'Etat [AE], Flône 11
Manuscripts	Liège, Bibliothèque Générale de Philosophie et Lettres (BGPhL), Manuscrit 2026 (1301-1400)
	Liège, Bibliothèque Générale de Philosophie et Lettres (BGPhL), Manuscrit 2014 (1601-1700)
	Liège, Archives de l'Etat [AE], Flône - T4/1-Chartrier ()

EDITIONS AND SECONDARY LITERATURE

Editions	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.45, p.155-157,
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.159, LINK LINK