Diplomatica Belgica - Record 3140
DiplomataBelgica
Search | Tradition Search
DiBe 1 of 1
return to all results
DiBe ID 3140
ACTORS
Issuer(s)
(= author)
Function/title:  pope
Name:  Innocent II
Institution/jurisdiction:  Rome

Diocese: 
Principality: Papal States
Religious order: 

Author(s) of the actio juridica 

(= disposer)

Function/title:  pope
Name:  Innocent II
Institution/jurisdiction:  Rome

Diocese: 
Principality: Papal States
Religious order: 
Beneficiary(ies)

(= recipient)

Function/title:  monastic house
Name:  Leo abbot
Institution/jurisdiction:  Lobbes

Diocese:  Diocese Cambrai
Principality: Liège
Religious order:  Benedictines
DATE
Scholarly dating
(preferential)
//1152 (terminus ante quem - WARICHEZ)
Scholarly dating
(any)
12/5/1135 (donnée par document / mentioned in document - NAZET) Scholarly qualification: -
12/5/1135 (nouveau style / new style - RAMACKERS) Scholarly qualification: -
12/5/1136 (donnée par document / mentioned in document - RAMACKERS) Scholarly qualification: -
21/5/1135 (nouveau style / new style - JAFFE) Scholarly qualification: -
//1152 (terminus ante quem - WARICHEZ) Scholarly qualification: FORGERY
//1150 (terminus post quem - WARICHEZ) Scholarly qualification: FORGERY
Date in the charter
12/5/1135
12/5/1136

Place-date

(in the text)

Pisis

Place-date

(normalised)

Pisa (ITALIA, Toscana, Pisa)

Diocese: 
Archbishopric Pisa Principality:  German Empire
SUMMARY AND DESCRIPTION
Summary à l'exemple de son prédécesseur Jean XV , prend l'abbaye sous sa protection et lui confirme ses possessions (énumération) , ses droits et ses libertés
Description
Language: Latin
Authenticity: suspected document Textual tradition: copy (records)
Nature of the charter: bull
FULL TEXT OF CHARTER
Innocentius episcopus seruus seruorum dei dilecto filio Leonio abbati monasterii beati Petri Lobiensis eius que successoribus regulariter substituendis in perpetuum. Quotiens illud a nobis petitur quod rationi conuenire cognoscitur animo nos decet libenti concedere et petentium desideriis congruum impertiri suffragium ut fidelis deuotio celerem sortiatur effectum. Proinde dilecte in domino fili Leoni abbas tuis rationabilibus postulationibus clementer annuimus et beati Petri Lobiensis monasterium cui deo auctore praeesse dignosceris ad exemplum predecessoris nostri felicis memoriae Ioannis Romanorum pontificis sub apostolicę sedis protectione suscipimus et scripti nostri patrocinio communimus. Statuentes ut quascumque possessiones quecumque bona idem monasterium in presentiarum iuste et legitime possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma tibi tuis que successoribus et illibata permaneant. In quibus hec propriis duximus exprimenda uocabulis in Leodiensi episcopatu uillam de Brumereis cum altari altare de Hercheneis uillam de Trudinelleis cum altari uillam de Castillon cum altari uillam de Stratis cum altari uillam de Radionatis cum altari uillam de Chillies cum altari uillam de Chimiaco cum altari in Cameracensi episcopatu altare de Barengeis uillam de Hun cum altari et appenditiis suis uillam de Pescant cum altari altare de Hion altare de Menin et capellam de Cypli altare de Bania et duos manipulos de Hestra uillam Monasterii cum ecclesia et omnibus ad eam pertinentibus uillam de Sanctis cum altari et uillam de Tiengie Singulfi Uillam cum altari et uillam Souendengies item in Cameracensi episcopatu ecclesiam de Anton cum omnibus appenditiis suis uillam de Lobiis cum ecclesia beati Ursmari cum omnibus ad eam pertinentibus in quibus ecclesiis uidelicet de Anto et beati Ursmari sicut donum prebendarum ad abbatem pertinere dinoscitur sic etiam possessionum omnium tam in parochiis quam in rebus aliis ad easdem prebendas pertinentium dispositionem abbatis seu monachorum ordinationi in perpetuum subiacere sicut ab antiquo institutum est et hactenus seruatum confirmamus in Tornacensi episcopatu altare de Arcella duos manipulos de Tilroda altare de Ham cum pertinentiis suis in Nouiomensi episcopatu duos manipulos de Calioet in Laudunensi episcopatu uillam de Erclenco cum altari et suis appenditiis. Sane prauam illam consuetudinem que sub nomine personatus usque ad tempus prędecessoris nostri bonę memorię papę Urbani extraordinarie inoleuerat submouemus. Defuncto autem presbitero qui alicui altario seruiebat alium idoneum per te uel successores tuos episcopo pręsentari pręcipimus qui uidelicet et curam parochię ab eo cum assensu uestro suscipiat atque de cura plebis episcopo rationem reddat tibi que ac successoribus tuis pro temporalibus ad monasterium pertinentibus debitam subiectionem exhibeat. Sancimus insuper ut in omnibus parochiis uestris nullus ecclesiam uel monasterium sine uestro assensu edificare uel edificatum tenere presumat nullus que presbiter siue clericus in ecclesiis uel capellis uestris sine uestra concessione licentiam habeat permanendi uel in eisdem diuina celebrare presumat. Porro quia idem locus in honore sancti Petri cuius uices agimus consecratus est et ipsius pignoribus specialiter habetur insignitus dignum duximus eiusdem atrium sicut a sanctis patribus nostris statutum est et hactenus seruatum nullius humani cadaueris sepultura deinceps aperiri. Quoniam autem eiusdem loci rectores in initio episcopos fuisse constat partim predicandi gratia partim quia regali munificentia nobiliter constructus apostolica auctoritate nobilius prouectus est ad instar predecessorum nostrorum libertatem prefato monasterio rationabiliter concessam tibi successoribus que tuis confirmamus uidelicet uti annulo aureo ubique et sandaliis in celebratione missę et chirothecis et tunica subdiaconali indumenta quoque sacerdotalia et ornamenta altaris benedicere potestatem etiam ligandi et soluendi habeant per eundem Petrum cui et claues celorum christus tradidit et potestatem ligandi et soluendi per ipsum nobis tribuit. Et quia religiosorum est in ecclesiis sibi commissis religionem statuere et statutam attenta diligentia conseruare statuimus atque precipimus ut in ecclesia beati Ursmari decedentibus clericis religiosi monachi substituantur. Obeunte uero eiusdem loci abbate nullus ibi per subreptionem uel uiolentiam substituatur nisi quem fratres communi assensu aut pars sanioris consilii secundum beati Benedicti regulam prouiderint eligendum et episcopus Leodiensis eis pręfecerit. Qui episcopus et debite subiectionis honorem ex eodem loco habeat et abbatię donum antiquorum regum et imperatorum munificentia sibi concessum numquam amittat unde et monachis ea quę nunc tenent uel de cetero acquisituri sunt conseruet. Aduocatiam quoque ipsius monasterii liberam omnino esse decernimus ut uidelicet nullus ibi constituatur aduocatus nisi quem abbas et fratres ad ipsius loci utilitatem constituerint. Qui aduocatus ubi et quando inuitatur cum fratribus sine inquietudine locum supramemoratum tueatur. Quod autem proprius monasterium est sicut antiquitus positis crucibus munitum est uelut atrium ecclesię deinceps honoretur. Stationes uero publicas ab episcopo diocesano in eodem fieri cenobio eumdem que episcopum ibidem aliquando uenire nisi ab abbate et fratribus uocatus fuerit omnino prohibemus. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed illibata omnia et integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice auctoritate et diocesanorum episcoporum canonica iustitia. Si qua igitur in futurum ecclesiastica secularis ue persona hanc nostre institutionis paginam sciens contra eam uenire tentauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sanctissimo corpore et sanguine dei et redemptoris nostri Iesu christi aliena fiat atque in extremo examine districtę subiaceat ultioni. Cunctis autem eidem cenobio sua iura seruantibus sit pax domini nostri Iesu christi quatenus et hic fructum bonę actionis percipiant et apud districtum iudicem premia eternę pacis inueniant. Amen. Ego Innocentius catholicę ecclesię episcopus subscripsi-. Ego Guillelmus Pręnestinus episcopus subscripsi. Ego Matheus Albanensis episcopus subscripsi-. Ego Gerardus presbyter- cardinalis- tituli- sanctę crucis in Hierusalem subscripsi-. Ego Lucas presbyter- cardinalis- tituli- sanctorum Iohannis et Pauli subscripsi-. Ego Gregorius diaconus- cardinalis- sanctorumę Sergii et Bachi subscripsi-. Ego Guido diaconus- cardinalis- sanctorum Cosmę et Damiani subscripsi-. Ego Grisogonus diaconus- cardinalis- sanctę Marię in porticu subscripsi-. Datum- Pisis per manum Aymerici sanctę Romanę ecclesię diaconi cardinalis et cancellarii quarto idus maii indictione duodecima incarnationis dominicę anno millesimo centesimo trigesimo sexto pontificatus domini Innocentii papę secundi anno sexto.
Source RAMACKERS J. 1934
TRADITION
Original
No
Manuscripts Mons, Archives de l'Etat [AE], Fonds Cartulaires 101 (1701-1800)
EDITIONS AND SECONDARY LITERATURE
Editions
WARICHEZ J.. L'abbaye de Lobbes depuis les origines jusqu'en 1200. Etude d'histoire générale et spéciale. (Université de Louvain. Recueil des Travaux publiés par les Membres des Conférences d'Histoire et de Philologie, 24), Tournai, 1909., p.XVI (édition fragmentaire),
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.22, p.114-118,
Secondary literature JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.7688, p.864-865, LINK LINK LINK LINK LINK LINK LINK
WARICHEZ J.. L'abbaye de Lobbes depuis les origines jusqu'en 1200. Etude d'histoire générale et spéciale. (Université de Louvain. Recueil des Travaux publiés par les Membres des Conférences d'Histoire et de Philologie, 24), Tournai, 1909., p.XVI-XVII,
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., p.114,
NAZET J.. Les chapitres de chanoines séculiers en Hainaut du XIIe au début du XVe siècle (Académie royale de Belgique, Mémoires de la Classe des Lettres, in 8°, 3e série, tome VII), Bruxelles, 1993., note 34, p.142-143,

 

Collaborator: Philippe Demonty