Diplomatica Belgica - Record 3127

DiBe ID

3127

ACTORS

Issuer(s)
(= author)

Function/title: bishop
Name: Reginardus
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Reginardus
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name: Stephen abbot
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	//1200 (terminus ante quem - BONENFANT)
Scholarly dating (any)	10/8/1035 (donnée par document / mentioned in document - ) Scholarly qualification: -
	//1200 (terminus ante quem - BONENFANT) Scholarly qualification: FORGERY
	//1100 (terminus post quem - BONENFANT) Scholarly qualification: FORGERY
Date in the charter	10/8/1035
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	règle l'avouerie de la "villa" de Wasseiges (Liège, Waremme, Wasseiges) , qui figure parmi les acquisitions de l'abbaye
Description	Language: Latin Authenticity: suspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis. Ego Reginardus annuente dei misericordia Leodiensis episcopus considerans de scripturis sacris ad hoc me positum ad hoc regimen ecclesie et curam etiam rerum secularium fuisse adeptum ut ecclesiastice paci non solum quoad uiuerem uerum etiam in posterum pro posse meo utiliter prouiderem cum ante portam Leodiensis ciuitatis ad salutem et munimen christiani populi monasterium beati Laurentii martyris a fundamento construxissem et ipsum monasterium una cum domno Piligrino Coloniensi archiepiscopo et Ioanne Portuensi episcopo apostolice sedis legato III nonas nouembris dedicassem et pauperes in eo monachos ad honorem et gloriam dei et beate uirginis in sancta religione ibi seruientes constituissem et de rebus et possessionibus quas acquirere potui eos heredes fecissem ipsos et possessiones ipsorum non tantum in uita mea sed et in perpetuum defendere et protegere dignum duxi. Nam in die festiuitatis beati Laurentii inter missarum solemnia presentibus multis qui ad diem festum conuenerant inter cetera bona que per nos seu per aliquos fideles prefatum monasterium legittime adeptum fuerat uillam que appellatur Wasegga cum ecclesia et omnibus appenditiis suis sub anathematis interminatione et charte presentis datione liberam feci ab omnium hominum mala peruasione sic ut in eternum ita sit libera ut tota uilla nullius nisi abbatis beati Laurentii subiaceat dominio nullus preter comitem Nammucensem sit aduocatus qui de potestate imperiali precatu Stephani prefati monasterii abbatis ipsam aduocatiam suscepit domno Cunrado Romanorum imperatore glorios-- --e eam Alberto comiti Nammucensi et constituente ei pro ipsa aduocatia annuatim in festo sancti Remigii de singulis mansis fiscalibus modium auenae et IIII-or denarios recipere de omnibus uero que foris uel intus ipse abbas uel minister eius corrigere poterit nihil exigere non ibi pernoctare non precariam facere nullum obsonium ab abbate uel rusticis repetere in tribus tantum generalibus placitis pro obsonio suo in quolibet trium placitorum IIII-or solidos et tertium denarium de placito habere quem tamen denarium non sine dispositione abbatis uel eius ministri recipere habebit. Hoc constitutum et aliq-- ab ipso Alberto et filio eius Alberto eque uocato inuiolabiliter custoditum approbauimus et eodem comite et filio eius et multis qui intererant solemnitati presentibus episcopali authoritate confirmauimus. Quod si quis infringere attentauerit siue per dolum siue per uiolentiam huic facto calumniam inferre conatus fuerit et rem bene et legaliter gestam immutare presumpserit ipsum ex authoritate patris et filii et spiritus sancti et beati Petri apostolorum principis et omnium sanctorum exterminamus et eradicamus et ab omni sorte sanctorum ut partem habeat cum Iuda proditore et Dathan et Abeiron et illis societur quibus in die iudicii dominus dicet: ite maledicti in ignem eternum nisi resipiscant et condignam deo et beato martyri emendationem exhibeant et penitentiam congruam faciant. Et ut omnis legalis firmitas huic facto diligenter adhiberetur ingenuorum et idoneorum testium nomina presenti pagine quam in robur et munimen prelibato monasterio et deo seruientibus in ipso tradidi dignum duxi subannotanda. Testes Albertus comes Nammucensis et Albertus filius eius Wazo maioris ecclesie prepositus Hugbaldus decanus Nizo thesaurarius ex prosapia mea Adelardus Gerardus Wilelmus nobiles uiri quorum consilio et cooperatione res eadem acta est Gozelo dux et filius eius Godefridus Herimannus comes Arnulphus comes Gislebertus comes Gozelo comes Adalbertus comes Wigerus aduocatus Reimbaldus Hubertus Bernardus Wilelmus Heribertus Oldricus Gerardus Adelardus Godefridus et de genere meo Hunico Wilelmus Humbertus Oldricus Reginardus Razo Obertus et de domo mea ministeriales interfuerunt huic confirmationi Aaron Warnerus Thiebaldus Lambertus Euerelinus Tyefridus et alii multi tam clerici quam laici. Actum Leodii feliciter IIII idus augusti anno dominice incarnationis M° XXXV indictione III-a anno uero domini Cunradi XII.

Source	BONENFANT P. 1940

TRADITION

Original	No
Manuscripts	Liège, Archives de l'Evêché, G III 2 (1501-1600)

EDITIONS AND SECONDARY LITERATURE

Editions	ROLAND C.G.. Chartes namuroises inédites. Seconde série , dans: Annales de la Société archéologique de Namur, 27 (1908), p.213-264., n.19, p.236-238, LINK
	BONENFANT P.. Les chartes de Réginard, évêque de Liège, pour l'abbaye de Saint-Laurent. Etude critique, dans: Bulletin de la Commission royale d'Histoire – Handelingen van de Koninklijke Commissie voor Geschiedenis, 105 (1940), p.306-366., n.8, p.363-366, LINK
Secondary literature	BONENFANT P.. Les chartes de Réginard, évêque de Liège, pour l'abbaye de Saint-Laurent. Etude critique, dans: Bulletin de la Commission royale d'Histoire, 105 (1940), p.306-366., p.320-321, 328-334,
	DAUPHIN H.. Le bienheureux Richard, abbé de Saint-Vanne de Verdun (+1046) (Bibliothèque de la Revue d'Histoire ecclésiastique, 24), Louvain-Paris, 1946., p.214-216,
	KUPPER J.-L.. Liège et l'église impériale (XIe-XIIe siècles) (Bibliothèque de la Faculté de Philosophie et Lettres de l'Université de Liège, 228), Paris, 1981., p.128, LINK