Diplomatica Belgica - Record 3125

DiBe ID

3125

ACTORS

Issuer(s)
(= author)

Function/title: bishop
Name: Reginardus
Institution/jurisdiction: Liège
Diocese: Diocese Liège
Principality: Liège
Religious order:

Author(s) of the actio juridica

(= disposer)

Function/title: bishop
Name: Reginardus
Institution/jurisdiction: Liège
Diocese: Diocese Liège
Principality: Liège
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Liège (S.Lawrence )
Diocese: Diocese Liège
Principality: Liège
Religious order: Benedictines

DATE

Scholarly dating (preferential)	//1200 (terminus ante quem - BONENFANT)
Scholarly dating (any)	3/11/1034 (donnée par document / mentioned in document - ) Scholarly qualification: -
	//1200 (terminus ante quem - BONENFANT) Scholarly qualification: FORGERY
	//1100 (terminus post quem - BONENFANT) Scholarly qualification: FORGERY
Date in the charter	3/11/1034
Place-date (in the text)	Leodii
Place-date (normalised)	Liège (BELGIQUE, Région Wallonne, Liège) Diocese: Diocese Liège Principality: Liège

SUMMARY AND DESCRIPTION

Summary	établit une abbaye en l'honneur de saint Laurent et la dote de plusieurs biens (énumération)
Description	Language: Latin Authenticity: document regarded as a forgery Textual tradition: copy (records) Nature of the charter: charter

FULL TEXT OF CHARTER


In nomine domini nostri Iesu christi. Ego Reginardus Leodiensium indignus episcopus ex propriis operibus plus formidinis ad penam quam fiducie habens ad gratiam a facie formidinis et a maiestate terribilis iudicii dei confugi ad tutelam et patrocinium gloriosissimi martyris Laurentii ut in die mala auxilio intercessionis eius liberarer et sub umbra meritorum eius protegerer. Sciens autem ex sacris scripturis quod fiducia sit magna coram summo deo eleemosyna omnibus qui faciunt eam et quia idem sanctus martyr dispersit et dedit pauperibus iusticia eius manet in seculum seculi ante portam Leodiensis ciuitatis ad salutem et munimen christiani populi monasterium eiusdem martyris a fundamento construxi et ipsum monasterium una cum domno Piligrino Coloniensis ecclesie archiepiscopo et Ioanne Portuensi episcopo et apostolice sedis legato III° nonas nouembris dedicaui et in eo pauperes christi monachos in sancta religione ad honorem et gloriam nominis domini ipsi fideliter seruientes constitui et de rebus siue possessionibus quas habebam uel quas acquirere potui eos heredes meos et amicos qui me recipiant in eterna tabernacula feci ut ipsi mea carnalia metere et sua spiritualia mihi seminare debeant. Hec igitur sunt que per manus aduocati Wigeri prefato monasterio iure perpetuo mancipaui in Wasegga centum mansos cum omnibus usuariis et appenditiis suis in Hairs XXII mansos cum integra ecclesia et aliis sibi pertinentiis Euerhalie XVI mansos et dimidium cum dimidia ecclesia et aliis appenditiis suis. Predium quoque Gest in comitatu Louaniensi positum sicut ipsum liberum et ab omni exactione alterius dominii omnino absolutum cum sua ecclesia et sylua episcopali iure tenebam tradidi ad altare ipsius ut ecclesia quoque beati Laurentii ipsum predium cum ecclesia sua in sylua in culturis in decimis in campis et in omnibus redditibus suis simili et eodem modo possideret iure perpetuo. Cuius predii traditio facta est per manum Lamberti Louaniensis comitis quem legitimum aduocatum ecclesie beati Laurentii de ipso esse predio constitui. In Mosmale XIII mansos cum aliis appenditiis suis in Publico Monte qui ipsi ecclesie adiacet XI mansos cum usuariis suis in Bietha X mansos in Bubais VI mansos cum appenditiis suis in Euernais X mansos cum appenditiis suis in Aurido IIII mansos cum integra ecclesia in Iamapia quatuor mansos et dimidium in Colineis IIII mansos in Masuic V mansos cum tertia parte ecclesie in Bomela III mansos et XIIII cultilia in Helicines IIII mansos cum quarta parte ecclesie in Lones I mansum in Eurendore III mansos. Inter quas etiam possessiones tradidi ad altare ipsius beati Laurentii integras ecclesias de Fehe et de Leus et de Bosleirs cum omnibus terminis et appenditiis suis ut omnis decima tam de cultis terris quam de syluestribus quandoque colendis et de omnibus redditibus ad decimationem pertinentibus ad ius ecclesie sancti Laurentii et ad usus fratrum deo ibi seruientium perueniat. Decretum quoque est ut in his prediis preter legitimum aduocatum altaris beati Laurentii nullus alius omnino subaduocatus sit. Qui aduocatus numquam in placito abbatis ibi sedebit nisi ab ipso abbate uel a ministris eius pro aliquo negocio fuerit euocatus nullam exactionem ibi facere nulli penitus subaduocato ibi beneficium dare presumat nullum ibi obsonium nullam precaturam habebit nihil preter quod abbas sua manu ei dederit usurpabit exceptis his dumtaxat que eius auxilio si quando pro aliquo euocatus negotio cum abbate acquisierit. De cetero oramus atque obsecramus per misericordiam dei ne quis successorum nostrorum conetur horum quicquam mouere uel infirmare imo studeant pro salute animarum suarum hec confirmare et a prauis et malis hominibus defendere. Eos autem qui per dolum aut per uiolentiam hec infringere tentauerint nisi resipiscant ex authoritate patris et filii et spiritus sancti et beati Petri principis apostolorum atque omnium sanctorum sed et domni Piligrini Coloniensis archiepiscopi qui dedicationis ecclesie beati Laurentii est princeps et Ioannis Portuensis episcopi legati apostolice sedis et nostra authoritate excommunicamus ab omni sorte sanctorum et in presenti seculo et in futuro. Atque ut omnis legalis firmitas impleatur hanc confirmationem presentis sigilli nostri attestatione corroboraui et testes tam idonei sunt adhibiti qui magne reuerentie et splendoris possint esse presentibus et futuris domnus Piligrinus Coloniensis archiepiscopus domnus Ioannes portuensis episcopus apostolice sedis legatus et sancte Romane ecclesie bibliotecarius Wazo maioris ecclesie prepositus Hugbaldus decanus Nizo thesaurarius ex prosapia mea adelhardus Gerardus Wilelmus nobiles uiri quorum consilio et cooperatione res eadem acta est Gozelo dux et filius eius Godefridus Herimannus comes Arnulphus comes Gislebertus comes Gozelo comes Adalbertus comes Wigerus aduocatus Reinbaldus Hubertus Bernardus Wilelmus Heribertus Oldricus Gerardus Adelardus Godefridus et de genere meo Hunico Wilelmus Hubertus Oldricus Reginardus Razo Obertus de domo mea ministeriales interfuerunt huic confirmationi Aaron Warnerus Tiebaldus Lambertus Euerelinus Tiefridus et alii multi tam clerici quam laici. Actum Leodii III nonas nouembris anno dominice incarnationis MXXXIIII indictione secunda anno domini Conradi imperatoris undecimo.

Source	BONENFANT P. 1940

TRADITION

Original	No
Manuscripts	Liège, Archives de l'Evêché, G III 2 (1501-1600)

EDITIONS AND SECONDARY LITERATURE

Editions	BONENFANT P.. Les chartes de Réginard, évêque de Liège, pour l'abbaye de Saint-Laurent. Etude critique, dans: Bulletin de la Commission royale d'Histoire – Handelingen van de Koninklijke Commissie voor Geschiedenis, 105 (1940), p.306-366., n.6, p.353-358, LINK
Secondary literature	GANSHOF F.L.. Étude sur les ministeriales en Flandre et en Lotharingie (Académie royale de Belgique. Classe des Lettres et des Sciences morales et politiques. Mémoires. Collection in-8°. 2e série ,20/1), Bruxelles, 1926., p.138,
	COENEN J.. Limburgsche Oorkonden (98-1340), 4 vol., Maaseik, 1932-1942., 1, n.155, p.87-88,
	BONENFANT P.. Les chartes de Réginard, évêque de Liège, pour l'abbaye de Saint-Laurent. Etude critique, dans: Bulletin de la Commission royale d'Histoire, 105 (1940), p.306-366., p.314-318, 331-334,
	DAUPHIN H.. Le bienheureux Richard, abbé de Saint-Vanne de Verdun (+1046) (Bibliothèque de la Revue d'Histoire ecclésiastique, 24), Louvain-Paris, 1946., p.214-216,
	KUPPER J.-L.. Liège et l'église impériale (XIe-XIIe siècles) (Bibliothèque de la Faculté de Philosophie et Lettres de l'Université de Liège, 228), Paris, 1981., p.128, LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.473, LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.127, LINK LINK