‹
›
return to all results
| DiBe ID | 311 |
| ACTORS |
|
Issuer(s)
(= author) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Baldwin IX of Constantinople Institution/jurisdiction: Flanders-Hainaut Diocese: Diocese Tournai Principality: Flanders Religious order: |
|
Function/title:
town/village/alderman/urban officer Name: Institution/jurisdiction: Tournai Diocese: Diocese Tournai Principality: Tournaisis Religious order: |
|
|
Beneficiary(ies)
(= recipient) |
Function/title:
town/village/alderman/urban officer Name: Institution/jurisdiction: Tournai Diocese: Diocese Tournai Principality: Tournaisis Religious order: |
| DATE |
|
Scholarly dating
(preferential) |
20/7/1197 (donnée par document / mentioned in document - ) |
|
Scholarly dating
(any) |
20/7/1197 (donnée par document / mentioned in document - ) Scholarly qualification: - |
|
Date in the charter
|
20/7/1197 |
|
Place-date (in the text) |
ante Tornacum |
|
Place-date (normalised) |
Tournai (BELGIQUE, Région Wallonne, Hainaut)
Diocese: Diocese Tournai Principality: Tournaisis |
| SUMMARY AND DESCRIPTION |
| Summary | accorde une trêve valable jusqu'à la conclusion d'une paix entre lui et le roi de France |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| Ego Balduinus Flandrie et Hanonie comes omnibus notum fieri uolo quod sacramento prestito et fide interposita concessi ciuibus de Tornaco quod firmas eis treugas tenebo donec firma pax reformata fuerit inter dominum regem et me de illa quidem guerra que modo est incepta inter dominum regem Francorum et me hoc uidelicet modo quod ipsi non poterunt interim amplius firmare ciuitatem suam quam modo est firmata nec quemquam uel aliquos ex parte domini regis uel ex aliqua parte alia receptare poterunt unde malum aliquod michi accidat et CCC seriantes quos mittere solebant domino regi in expeditionibus suis ei mittere non poterunt sed si dominus rex eos habere uoluerit ipsi liberabunt illos ei apud Tornacum et non in alio loco et si tunc dominus rex eos abducere poterit eos abducet. Ciues etiam nullam debent domino regi dare pecuniam pro seriantibus istis sed nec etiam pro aliqua alia occasione pecuniam ei aliquam debent dare uel auxilium aliquod ei facere unde michi malum aut tedium accidere possit quamdiu guerra durabit. Homines autem mei libere poterunt transire per ciuitatem dum tamen exercitus non transeat cum armis et emere uictualia sua et querere mercatus suos et nauigia poterunt transire ascendendo et descendendo cum uictualibus et mercatibus et ipsi ciues liberum et securum interim habebunt transitum per totam terram meam querendi mercatus et negotia sua sicut faciebant tempore pacis et antequam guerra esset incepta inter dominum regem et me. Ceterum si forte discordia aliqua oriatur inter aliquem uel aliquos ex hominibus meis uel de hiis qui ad me pertinent et aliquos uel aliquos ex ciuibus concordia et compositio debet inde fieri per quatuor homines meos uidelicet Walterum de Auesnis Theodericum de Dichemue Renerum de Trit et Willelmum patruum meum et per IIII-or burgenses hos uidelicet Henricum wambe Walterum galet Folbertum iusticiam Gommarum de Barra. Hanc autem treugam ex parte mea firmiter tenendam iurauit me cum Henricus frater meus et hii homines mei fide interposita firmauerunt Henricus patruus meus Walterus de Auesnis Willelmus patruus meus Theodericus de Beuerna Renerus de Trit Rogerus castellanus de Curtraco et Rogerus filius suus Balduinus de Commines Balduinus de Prat Boissardus et Gillebertus fratres de Borghela Rabbodo et Rogerus fratres de Ruma Gonterus de Mouscin Thomas de Lealcort Fastredus de Orcha Osto de Arbre Egidius et Gossuinus fratres de Aigremont Nicholaus Desplecin Gerardus de sancto Amando prepositus Monicus et Egidius fratres de Guegnies. Hanc etiam compositionem treugarum firmiter obseruandam iurauerunt et fide iusserunt ex parte sua prepositi iurati scabini et electores et omnes burgenses de Tornaco et pro se dederunt hostagios Walterum de Auesnis de ducentis marcis Rogerum de Curtraco de C marcis Egidium de Aigremont de C marcis Bossardum et Gillebertum de Borghella de CC marcis Gerardum prepositum de sancto Amando de C marcis Gonterum de Moscin de C marcis Monicum de Guegnies de C marcis Frastreit de Orcha de C marcis Rabbodonem de Ruma de C marcis Nicholaum de Flamengheria de C marcis et Thomam de Lealcort de C marcis hoc uidelicet modo si burgenses treugas istas non tenuerint sicut dicte sunt et ordinate isti michi debent soluere pecuniam istam et michi concesserunt quod ego ubicunque potuero absque forefaciendo de treugis potero accipere de rebus eorum et de suo quousque michi plenarie fuerit emendatum quod treugas infregerint si infra octo dies non emendauerint. Et hanc compositionem treugarum recognoscam eis coram scabinis de Gandauo de Brugis de Ypra et de Valenchenis et pro hiis treugis sicut dicte sunt et ordinate debent dare ex parte mea Laurentio de Campanis Iohanni de Bauaco Egidio de Attrebato quater mille marcas XXXIII solidos et IIII denarios Flandrensis monete pro singulis marcis mille in nundinis de Messinis mille in nundinis de Curtraco mille in nundinis de Ypra et mille in nundinis de Throuhout. Verum ut stabiles teneantur treuge iste sicut hic dicte sunt et ordinate presenti feci scripto commendari et sigilli mei appensione muniri. Actum ante Tornacum anno domini M° C° XC° septimo mense iulio dominica proxima ante festum beate Marie Magdalene. | |
| Source | PREVENIER W. 1975 |
| TRADITION |
| EDITIONS AND SECONDARY LITERATURE |
|
Editions
|
PREVENIER W.. De oorkonden der graven van Vlaanderen (1191-1206) (Publications de la Commission royale d'Histoire, Series I in 4°), 3 vol., Brussel, 1964-1971., 2, n.67, p.152-156, |
| Secondary literature | DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.492, LINK LINK LINK |
| DERECK D.. Guillaume l'Oncle (Circa 1150-Novembre 1219). Rôle politique, fortune et descendance d'un fils naturel du comte de Hainaut Baudouin IV, dans: Annales du Cercle archéologique de Mons, 78 (1999), p.43-135., n.104, p.113, | |
| GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.207, p.92, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.76, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
