‹
›
return to all results
| DiBe ID | 3109 |
| ACTORS |
|
Issuer(s)
(= author) |
Function/title:
bishop Name: Otbertus Institution/jurisdiction: Liège Diocese: Diocese Liège Principality: Liège Religious order: |
|
Author(s) of the actio juridica (= disposer) |
Function/title:
other Name: Willibertus Institution/jurisdiction: UNKNOWN Diocese: Principality: Religious order: |
|
Function/title:
other Name: Gifeldis Institution/jurisdiction: UNKNOWN Diocese: Principality: Religious order: |
|
|
Beneficiary(ies)
(= recipient) |
Function/title:
cathedral/collegiate chapter Name: Institution/jurisdiction: Huy (Notre-Dame) Diocese: Diocese Liège Principality: Liège Religious order: |
| DATE |
|
Scholarly dating
(preferential) |
7/8/1106 (terminus post quem - SCHOOLMEESTERS-BORMANS) |
|
Scholarly dating
(any) |
7/8/1106 (terminus post quem - SCHOOLMEESTERS-BORMANS) Scholarly qualification: - |
| //1106 (donnée par document / mentioned in document - ) Scholarly qualification: - | |
|
Date in the charter
|
//1106 |
|
Place-date (in the text) |
Hoyi |
|
Place-date (normalised) |
Huy (BELGIQUE, Région Wallonne, Liège)
Diocese: Diocese Liège Principality: Liège |
| SUMMARY AND DESCRIPTION |
| Summary | l'évêque de Liège notifie et confirme que Willibertus et Gifeldis, son épouse, ont donné des alleux à Marchin (Liège, Huy, Marchin) et Marsinne (près de Couthuin) et fixe les droits de l'avoué |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis pax cunctis fidelibus. Amen. Que tradita sunt a fidelibus ecclesie dei ad memoriam posteritatis competenter et ordine testamento inserenda sunt ut et beneficii memoria non deleatur et preterita tanquam pre oculis posita conspiciantur. Proinde ego Otbertus gratia dei Leodiensis episcopus petitione Hoyensis ecclesie testamento commisi qualiter ei et allodium de Marchins traditum sit et in quos usus quid aduocato sit concessum quid interdictum. Willibertus et uxor eius Gifeldis allodium de Marchins cum omnibus suis appenditiis sicut emptum fuerat a comite Balduino et possederant ecclesie sanctę Marie que est in Hoyo ad usus refectionis fratrum legittime et pacifice tradiderunt et statim tempore quadragesimali et aduentus domini refectioni applicuerunt et usumfructum molendini quod est ante monasterium in uita sua ab ecclesia susceperunt prouiderunt etiam ad maiorem cautelam ne alicui de genere suo in procurationem deputaretur ut eis omnis occasio nocendi tolleretur sed assensu capituli per manum decani fideli fratri committeretur qui reditus loci et iura conseruaret et oportune fratribus ministraret. Hac traditione legitime completa quia aduocatus ibi nichil iuris habebat et tamen necessarius erat ecclesie propter defensionem loci ordinauit precibus ecclesie aduocato in ipsum consentiente ut non nisi euocatus a preposito loci manum apponeret et tunc nihiloplus quam terciam haberet et idipsum nemini beneficiaret. Interdictum est ei ne quid ab aliquo rustico ibi uiolenter exigeret sed sibi concessis contentus esset quod si amplius presumeret eo ipso careret et usque ad satisfactionem excommunicationi subiaceret. Constituerunt etiam missas in altario sancti- Seruatii in cripta pro animabus suis et predecessorum suorum ubi etiam sepeliri decreuerunt et in hos usus allodium de Marchinis iuxta Cultuem cum taralla que est post sanctum- Seuerinum omnino tradiderunt donum autem eius de manu decani consilio et assensu capituli expedito ab aliis nemini infra ordines sed fideli sacerdoti tradi constituerunt. In hoc autem allodio aduocatum neminem esse uoluerunt sed rebelles excommunicationi subdendos decreuerunt. Hiis itaque completis omnes huius instituti uiolatores diuine maledictioni una cum omnibus presbiteris qui affuerunt addixi. Actum est hoc Hoyi anno ab incarnatione dominica M° C° VI°. Indictione XIV regnante Henrico Otberto episcopatum administrante Lieberto preposito Bosone aduocato. Testes huius rei Henricus archidiaconus et decanus Andreas et Alexander archidiaconi Reinerus et Wilelmus aduocati de familia episcopi Lambertus Warnerus Theodericus de burgensibus Dodo uillicus Bernardus Bosselinus Warnerus. | |
| Source | SCHOOLMEESTERS E. 1872 |
| TRADITION |
| EDITIONS AND SECONDARY LITERATURE |
|
Editions
|
SCHOOLMEESTERS E.. La seigneurie de Marchin, dans: Bulletin de l'Institut archéologique liegeois, 11 (1872), p.283-358., p.327-328, LINK |
| Secondary literature | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.196, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
