Diplomatica Belgica

DiBe ID

31

ACTORS

Issuer(s)
(= author)

Function/title: pope
Name: Paschal II
Institution/jurisdiction: Rome
Diocese:
Principality: Papal States
Religious order:

Author(s) of the actio juridica

(= disposer)

Function/title: pope
Name: Paschal II
Institution/jurisdiction: Rome
Diocese:
Principality: Papal States
Religious order:

Beneficiary(ies)

(= recipient)

Function/title: monastic house
Name:
Institution/jurisdiction: Tournai (S.Martin)
Diocese: Diocese Tournai
Principality: Flanders
Religious order: Benedictines

DATE

Scholarly dating (preferential)	1/5/1106 (donnée par document / mentioned in document - )
Scholarly dating (any)	1/5/1106 (donnée par document / mentioned in document - ) Scholarly qualification: -
	18/4/1106 (date impossible / impossible date - WAUTERS/JAFFE/LOHRMANN) Scholarly qualification: -
Date in the charter	1/5/1106
Place-date (in the text)	apud Ciperanum
Place-date (normalised)	Ceprano (ITALIA, Lazio, Frosinone) Diocese: Principality: Papal States

SUMMARY AND DESCRIPTION

Summary	confirme à l'abbaye ses possessions (énumération)
Description	Language: Latin Authenticity: unsuspected document Textual tradition: copy (records) Nature of the charter: bull

FULL TEXT OF CHARTER


Paschalis episcopus seruus seruorum dei uenerabilibus monachis monasterii sancti Martini quod secus Tornacensem urbem situm est eorum que successoribus regulariter uicturis in perpetuum. Religiosis desideriis dignum est facilem prebere consensum ut fidelis deuotio celerem sortiatur effectum. Et uestra siquidem desideria efflagitant et uenerabilis fratris nostri Odonis nunc per dei gratiam Cameracensis episcopi quondam uestri abbatis deuotio postulat qui nimirum loci uestri restitutor et auctor fuisse cognoscitur ut eumdem locum apostolice auctoritatis priuilegio muniamus. Per presentis igitur decreti paginam apostolica auctoritate statuimus ut quecumque bona per supradictum fratrem Odonem uel per curam Radbodi Tornacensis episcopi eidem loco reddita sunt et quecumque impresentiarum iuste possidet quecumque etiam in futurum concessione pontificum liberalitate principum uel oblatione fidelium illic dari offerri ue domino largiente contigerit firma uobis uestris que successoribus illibata permaneant in quibus hec propriis nominibus adnotamus possessionem de Guarnauia de Dusiolpera de Longa Salice de Tinteniis de Oueniis de Maregia de Canfen de Cateniis de Ormunt de Costenten de Olai de Guateniis de Dameriis de Moncels de Galren de Vesoncel de Aldomanso de Castrecin in Nouomo uineam unam in parochia de Hera duas mansiones que non soluunt decimas nisi segetum sed pro decimis unaqueque mansio duodecim nummos duo molendina super Ries duo super Mairam unum super Maruiz unum apud Costenten in pago Nouiomensi monasterium sancti Amandi in pago Laudunensi capellam de Cantelin altaria etiam de Spelcin de Samiun de Passendal de Templouio de Floresbrec de quarta de Galren de Eureniis libera deinceps ac sine personis saluo episcoporum iure uobis uestris que successoribus confirmamus. Preterea laborum uestrorum decimas quas circa monasterium operamini in uestre communitatis usus dispensandas absque episcoporum uel episcopalium ministrorum contradictione concedimus. Sepulturam quoque eiusdem loci omnino liberam esse decernimus ut eorum qui illic sepeliri deliberauerunt deuotioni et extreme uoluntati nisi forte excommunicati sint nullus obsistat. Missas sane publicas in eodem monasterio per episcopum fieri uel stationes celebrari preter abbatis ac fratrum uoluntatem omnimodis prohibemus ne in seruorum dei recessibus popularibus occasio prebeatur ulla conuentibus. Ad hec adiicientes decernimus ut nulli omnino hominum liceat idem monasterium temere perturbare aut eius possessiones auferre uel ablatas retinere minuere uel temerariis uexationibus fatigare sed omnia integra conseruentur eorum pro quorum sustentatione et gubernatione concessa sunt usibus omnimodis profutura. Si qua sane ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Ego paschalis catholice ecclesie episcopus subscripsi. Data apud Ciperanum per manum Iohannis sancte Romane ecclesie diaconi cardinalis ac bibliothecarii kalendis maii indictione XIIII anno incarnationis dominice M° C° VI° pontificatus domni paschalis secundi pape VII°.

Source	D'HERBOMEZ A. 1898

TRADITION

Original	No
Manuscripts	Tournai, Archives de l'Etat [AE], Fonds Cartulaires 80 (1201-1300)
	Tournai, Archives de l'Etat [AE], Fonds Cartulaires 81 (1201-1300)
	Tournai, Archives de l'Etat [AE], Fonds Cartulaires 87 (1501-1700)

EDITIONS AND SECONDARY LITERATURE

Editions	D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.12, p.15, LINK LINK
Secondary literature	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 1, n.6079, p.725, LINK LINK LINK LINK LINK LINK LINK
	D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, p.15, LINK LINK LINK
	LOHRMANN D.. Papstprivileg und päpstliche Delegationsgerichtsbarkeit im nördlichen Frankreich zur Zeit der Kirchenreform, dans: Procedings of the sixth international Congress of the mediaeval canon law edited by KUTTNER S. and PENNINGTON K. (Monumenta Iuris Canonici. Series C: Subsidia, 7), Città del Vaticano (1985), p.535-550., n.2, p.547,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.703, LINK LINK